Bukod a bersion a luto ti beef steak.

wwwmangantayonkarruba.blogspot.com

Dinengdeng ti isublat a masida no kastoy a natutudo ti tiempo. Pamigsa ti tulang, lasag ken susuop dagiti pada a mangrabrabii nga agtrabaho. Wen, a, imasen nga igupen ti digo ti bulong ti marunggay, ilay-sanglay, pallang, bungat’ tarong ken nasagpawan bassit iti uong ken aramang. ‘Maykayon ta anusan, ne...

wwwmangantayonkarruba.blogspot.com

Squid chunks (ala Tako Poke) pupus. Just craving some seafoods—piman.

wwwmangantayonkarruba.blogspot.com

Uhu! Daytoy latta manen, a, ti ikammet iti innapuy—naigisar a bungat’ okra a nalaokan ti lakaylakay (natadtad a bukel ti bawang ken bungat’ sili). Naadat/nagasang ngem pangimas ti pangan, piman.

wwwmangantayonkarruba.blogspot.com

Il-iliwen met datao ti agsida iti nalingta a Malaga (Spinefoot), piman. Naimas, nananam ken adut’ maibulonna nga innapuy. Ala, ‘maykayon ta pagraramanan ti nanumo a sagana.

wwwmangantayonkarruba.blogspot.com

Bareng di sumro ti gout iti panagsida ti imbaliktad. Mailiw met datao, piman.

wwwmangantayonkarruba.blogspot.com

Batso [Bacho] a bungat' tabungaw a naigisaran bassit ti taba ken karne ti baboy ti ikammet iti innapuy.

wwwmangantayonkarruba.blogspot.com

Daytoy mammet nadiguan nga ipon (hipon) ti pagpapasan nga igupen ti digona. Saan a gagangay nga ipon a mabalin koma a makilaw. Daddadakkel ketdi a klase ti ipon daytoy. Diak ammo ti pangnaganda daytoy, ngem uray pay no kasta— iponto latta. Ti nasken, imasen nga igupen ti digona.

wwwmangantayonkarruba.blogspot.com

Food Lover: Grilled pork ribs. Pagpapasan mammet, piman.

wwwmangantayonkarruba.blogspot.com

Dinengdeng for life: sabong ti karabasa ken katuday, bulong ti saluyot ken ilay-sanglay, bungat’ okra, rabong ken uggot/rangaw ti karabasa. Daytoy ti biag dagiti nangisit ti sikona. ‘Maykayon ta danggayandak a mangan, ne.

wwwmangantayonkarruba.blogspot.com

Adobo a pusit a naigisaran iti taba ken karne ti baboy ti napili a luto a masida ken isublat nga iludoludon iti innapuy. Isnabem man ta pabo, hehe.

wwwmangantayonkarruba.blogspot.com

Woo, dinengdeng latta. Ana pay sapulekon a sidaen no maymaysan ti sabong ken uggot ti karabasa, bulong ti saluyot, ilay-sanglay, katuday ken bungat’ okra? Ay, awanen! Imasek man unay nga igupen ti nasustansia a digona. Mangantayon, karruba!

wwwmangantayonkarruba.blogspot.com

Daytoy man a masida ti ibulon ti innapuy iti natutudo a rabii ti Sabado, balatong a naigisaran bassit ti taba ken karne ti baboy a nalaokan iti bulong ken uggot ti karabasa, paria ken ilay-sanglay. Ikidem ti ut-ot ti palaypalay no inkaso a pitingen ken riingenna ti gout-ko. Anusan, a, ta ana ngarud, naimas met ngamin ti maiparit. Hehe!

wwwmangantayonkarruba.blogspot.com

Natuno a bungat’ sili ti ikammet iti innapuy. Anusan kinanumo ti masida, piman. Ne, pada a nangisit ti sikona, ‘maykayon ta pagraramanan ti adda...

wwwmangantayonkarruba.blogspot.com

Naigisar a bulong ti kangkong iti bassit a manteka ken nalaokan iti lakaylakay (natadtad a bungat’ sili ken bawang) ti nayon nga ibulon iti innapuy. Pangimas ti pangan, piman.

wwwmangantayonkarruba.blogspot.com

Bugbugtong a (na)prito a tilapia ti pagsanguan a taraon ken ni baket iti lamisaan. Umanayen ti suyo ken artem a suka ti pangidumudoman, piman.

wwwmangantayonkarruba.blogspot.com

Ay, ket adu la ketdi ti maibulonna nga innapuy daytoy pinakbet a puro bulong ti saluyot a nasagpawan iti naprito nga ulot' tilapia ken bungat' sili. 'Maykayon pada a nangisit ti sikona!

wwwmangantayonkarruba.blogspot.com

Food craving, Griddled Chicken Teriyaki Thighs ready to serve...

wwwmangantayonkarruba.blogspot.com

Ay ket daytoy man lattan ti pagipapasan nga ipareha iti innapuy, kilawen (presko) a dumadara (yellowfin tuna) ti idumudom iti suyo, kalamansi, naartem a suka ken wasabi. Para pupus koma ngem indiborsionak met ti serbesa, hehe. Ngem ala, ipangan lattan, a, piman...

wwwmangantayonkarruba.blogspot.com

Daytoy mammet ti ikammet iti innapuy a luto ni baket, Sweet, Sour and Spicy Whole Crab on a Red Plate. Ala wen, sagpaminsan lang met. Piman...

wwwlentekenladawan.blogspot.com

Ket wen, daytoy manen, a, ti pagipapasan nga ibulon iti innapuy—pinakbet a bungat’ tarong, paria ken utong a nasagpawan bassit iti chicharon baboy (nakarahay/bagnet). Anusan, Karruba! ‘Maykayon, ne.

wwwmangantayonkarruba.blogspot.com

Agawaanna ti agaria daytoy mulak a paria. Ay, uray diak magawidan panagadu ti bunga, imasek ket imasekto latta ti paitna!

wwwmangantayonkarruba.blogspot.com

Mayat latta met pammagusto nga agbunga ti natibo a mula a sili, piman. Ala wen...

wwwmangantayonkarruba.blogspot.com

Hmm...dayta man, adobo a bagbagis ti baboy ti ramanak mammet ita. Bay-am ta gout. Ibturan ti ut-otna no bilang agsakit ken lumteg ti palaypalay. Imutak ketdin ti bagik iti inaldaw a pagbambannogak? Uhu!

wwwmangantayonkarruba.blogspot.com

Ay, dinengdeng latta a bulong ti marunggay (ken paria), ken bungat’ paria a nasagpawan iti nagango nga uong. Anusan, piman.

wwwmangantayonkarruba.blogspot.com

(Na)lauya a luppo ken saka ti baboy a nalaokan bassit iti rabong. Nasabor ti digo. Simple a luto, simple a panagraman dagiti pada a nangisit ti sikona.

wwwmangantayonkarruba.blogspot.com

Ay ket wen, a, dinengdeng a sabong ken uggot ti karabasa, bulong ti saluyot, bungat’ utong ken paria, ken nasagpawan iti nagango nga uong ti pagpapasan ita nga ikammet iti innapuy. Nagimasman ti digona, piman.

wwwmangantayonkarruba.blogspot.com

Kappuros a bungat’ paria. Bitter life latta, piman.

wwwmangantayonkarruba.blogspot.com

Seafoods latta man ti ibulon iti innapuy: Nakirog a kappi/kippi iti bassit a manteka ken liningta/nalingta a tilapia. Umanayen daytoy a pangap-ap ti mabisinan a tian, piman.

wwwmangantayonkarruba.blogspot.com

Homemade pork meat balls

wwwmangantayonkarruba.blogspot.com

ket sakbay a mai-deep fry ti lutoek a manok, nagrehistro daytoy naalikuteg nga idea iti panunotko, piman. ket dayta man, ne. hehe!

wwwmangantayonkarruba.blogspot.com

Ayapo, natatayagda mammet gayamen aya ti mula a marunggay. Hmm...mapukanda iti mabiit. Ngem sakbay dayta, pagpapasandaka pay laeng, hehe.

wwwmangantayonkarruba.blogspot.com

Naginad a dumakkel, ngem napadasannan ti nagsabong idi ti mula a katuday. Ita la a di nakipinnarammag, piman. Adda met ngamin tiempona, a.

wwwmangantayonkarruba.blogspot.com

Ti kakaisuna a nagbiag a mula a tarong, agkukurrot sa pay piman. Saan pay a nakaungar iti masansan idi a panangtuktuktok dagiti diables a manok ti karruba. Grrrr!

wwwmangantayonkarruba.blogspot.com

No agrarana ti amin, masagrap ti bunga ti sakripisio.—ti parabur. Kas ti daytoy mula a pias (kamias), makilumba met nga agbunga, piman.

wwwmangantayonkarruba.blogspot.com

Uray ti mula ni baket nga ilay-sanglay (alugbati ti pangawag ti sabali) napintas met ti rubbuatna a dumakkel, piman. Ala wen...

wwwmangantayonkarruba.blogspot.com

Daytoy ti nabayagen nga innak suksukroten a kitkitaen kadagiti Filipino Stores, ngem daksanggasat ta diak maranaan ti kaaddana. Kaslaak la ketdin aginaw a mapan mangsublisubli kenkuana. Imbag la ketdi ta adda latta pundo ni mother a nakasagana nga ilutona. Ket ne, pinadawatannak ti ilutok. Wen, daytoy nay bukel ti utong, piman. Ar-arapaapek la unay ti mangpablad a maigisaran bassiti ti taba ken karne ti baboy a mangpaimas pay ti ramanna. Sa maysa pay, kagaget ti mula a paria nga agsabong ken agbunga. Dayta ti kaimasan a sagpawna—para kaniak, a. Ala wen, ‘maykayon ta mangantayon, karruba!

wwwmangantayonkarruba.blogspot.com

Uray daytoy mula a rimas da adi ken kayong, nagaget met nga agbunga, piman. Naimas man a lingtaen ken iprito. Makabsog ken nasustansia...

wwwmangantayonkarruba.blogspot.com

Naprito/Prito a luppo ken payak ti manok ti maidasar iti lamisaan a pagsasanguan. Anusan, karruba!

wwwmangantayonkarruba.blogspot.com

Daytoy man lat’ pagpapasanen, pinakbet a bungat’ paria ken sili. Ay anusan ti kinanumo ti masida, piman.

wwwmangantayonkarruba.blogspot.com

Adobo a pusit (squid) ti ikammet iti innapuy. Nalaokan bassit ti karne ken taba ti baboy a mangpalabon ti taraon. Ala wen, anusan.

wwwmangantayonkarruba.blogspot.com