Pork meat balls kano kuna ni chef

 

Homemade pork meat balls ti linuto 

ni chef. Ana pay ngarud, piman.

Ala wen lattan, a.

[wwwmangantayonkarruba.blogspot.com]

Nateng manen

 

Nateng manen, nateng latta...

Agiguptay’ man iti digo ti bulong ti marunggay a nasagpawan iti prito a tilapia. Nasustansia, pagpakired kadagiti tulang ken susuop dagiti pada a mangrabrabii nga agobra.

‘Maykayon ta anusan ti nanumo a sida, piman.

.

(wwwmangantayonkarruba.blogspot.com)

Adobo a baboy

 

Bukod nga estilo a luto ti adobo a baboy. Saan a pangkomersial ngem ap-ap ti tian a nabisinan iti nagpatnag a trabaho, piman.

No kunak nga itugotmo ti ungotmo ta labayam iti innapuy ken danggayannak a mangan, 'maykan!

[wwwmangantayonkarruba.blogspot.com]

Fried chicken mammet la

 

Fried chicken [luppo ken payyak] ti linuto

ni chef ita nga aldaw. Diakon agpili ta mabisinak.

'Maykan bareng adda mabati a mabagim, karruba!

[wwwmangantayonkarruba.blogspot.com]

Pinakbet manen, kaka!

 

Nateng mammet manen, piman. Ngem ala, diak

met ket kauma. Daytoy ti panangabakan dagiti 

pada a nangisit ti sikona kadagiti dadduma

a puli, nalaingtay' nga agluto iti kumporme

a taraon a masida. Kas koma kadaytoy, pinakbet

a bungat' paria, natibo a sili ken bulong

ti saluyot. Ana pay sapulem iti kinabaknang

ken sustansia daytoy a sida 

nga iludon iti innapuy dagiti pada a nagpuyat? 

Ala 'maykayon, ne. Karruba!

[wwwmangantayonkarruba.blogspot.com]

Salad a bungat' paria ken sabong ti katuday

 

Umanayen daytoy sangkabassit a salad a bungat' paria

ken sabong ti katuday nga iludon iti innapuy.

Pangdarasan nga isakmol numuna ket nakiginnabbu manen

datao iti lamiis ti rabii ken nagpuyat iti trabaho.

Wen, umanayen a pangap-ap iti bisin ti tian.

'Maykan, karruba!

[wwwmangantayonkarruba.blogspot.com]

Tufo, uong ken pasayang

 

Pangalistoan a luto. Wen, luto dagitay pada nga aglaladut nga agluto. Ngem ney no maramanam daytoy a klase ti luto, amangan no subliasublianam a sapsapulen. 

Simple met la ketdi a luto, a. Kastoy: tufo a nalaokan iti pasayang ken uong, napatedtedan iti red wine [mabalin ti white wine], bassit a corn starch, ginisa mix ken naiwa a bulong ti lasona. Diak pay ketdi ammo no aniat' pangawagko daytoy a luto. Ngem no damagem no kasanot’ pananglutok, dayta ket bukodko a bersion. Makaammokay’ metten iti bukod nga estilo, hehe!

Ney, iyayabko lattan. ‘Mangantayon, karruba!

[wwwmangantayonkarruba.blogspot.com]

Kaliente manen, karruba!

 

Adda nagpauraga iti karne ti baka ken pinulpogan

ti kudilna. Dagus a nayatak ta manmanoda nga agpulpog 

no kasta nga agpartida. Maysa a banag ti nagrehistro 

iti panunotko, kaliente. Mapausanak nga agsida 

iti kasta a pannakaisagana ti taraon. Wen, kaliente [caliente]. 

Sida wenno pupus, mayat latta! Ngem panagkunak, napimpintas

nga ipareha iti serbesa, hehe.

*CALIENTE [Kaliente]--napulpogan a kudil/lalat ti baka

[Ilocano Cow or Carabao Skin Salad]

Wen, bukod a bersion ti kaliente. Bukod a templa

ken panagraman.

'Maykan, karruba!

[wwwmangantayonkarruba.blogspot.com]

Liningta a lames ti mataan

 

Isublat ti lames nga ipareha iti innapuy,

liningta a mataan [akule].

[wwwmangantayonkarruba.blogspot.com]