Batso [Bacho] a Katabasa ken dagiti burluloyna...

Naglutoak iti batso [bacho] a karabasa a naigisaran 

iti karne ken taba ti baboy, adda bassit pasayang 

ken bungat' utong a laokna-- pangay-ayo iti tian, piman.

No maibus, nasayaat. No saan, di saan. Basta.

[wwwmangantayonkarruba.blogspot.com]

Pinakbet latta...

Pinakbetko man daytoy sangkabassit a naburas a bungat' paria

dita hardin a taraon ti bagi napia la a pamedped ti bisin.

Anusan manen, a.

[wwwmangantayonkarruba.blogspot.com]

Pinabalad a Balatong iti Panawen a Panagdalaisat ni Hurakan Douglas

Pinablad a balatong ti sida a naigisaran iti karne ken tabat' baboy
ken nalaokan pay ti pasayang [shrimps], rangaw ti paria ken sabong
ti katuday iti panawen a panagdaliasat ni Hurakan Douglas iti Maui.

Anusan ti masida ta kumter metten ti bagi iti panagbaliw ti klima.
Lumamiis metten, piman.

[wwwmangantayonkarruba.blogspot.com]

Uray kaskasno, adda met...

Uray kaskasano, adda met napagbiagko
a mula nga okra [saluyot-kayo]. Ken
bareng manayonan pay, piman.

[wwwmangantayonkarruba.blogspot.com]

Kamatis ken Patani. Ken Patani

Agmamayon sa met daytoy mulak a kamatis

a nayabay iti patani, ngem napintas ti rubbuat

ti panagdakkel dagiti dadduma a patubo a patani

nga adda met la iti asidegna.

Ala wen, la.

[wwwmangantayonkarruba.blogspot.com]

Adda pay met nabatbati a bunga ti mulak a bayawas [guakol/guapol] a mabalin a sukaan wenno artemen

wwwmangantayonkarruba.blogspot.com

Hu! Nalabit, daytoy ti maudin a bunga ti mulak a kardis. Bareng igaggagetna ti agbunga no maminsan

wwwmangantayonkarruba.blogspot.com

Uray napaitka, dika kauma. Ay paria, imasenka latta!

wwwmangantayonkarruba.blogspot.com

Adda met bugbugtong a bunga ti mulak a tarong. Imbag pay ta adda pakakitkitaan. Piman

wwwmangantayonkarruba.blogspot.com

Ney, uray ti mula nga utong, nagaget nga agbunga. Mayat latta ti pammagustona. Ala wen, napia la a nayon ti abasto

wwwmangantayonkarruba.blogspot.com

Ti kakaisuna a natibo a mulak a silit' sairo. Mayat ti gasangna no maituredmo, piman

wwwmangantayonkarruba.blogspot.com

Nagbunga met laengen ti Arabic Coffee a mulak. Bareng iti mabiit, maramanak no kasanot' pait daytoy a klase ti kape

wwwmangantayonkarruba.blogspot.com

[Na]Salad a Sabong ti Karuday, Bunga ken Rangaw ti Paria

Awan naimas a masida a naisagana para ti daytoy maikapat nga aldaw ti Hulio no di laeng ti nanumo a (na)salad a sabong ti katuday, bunga ken rangaw ti paria.

Pagpiaanna, bukod a mula dagitoy napuros a nateng manipud iti hardin a taraon ti bagi. Ay, piman latta ti kinapiman!
.
(wwwmangantayonkarruba.blogspot.com)

Iti Hardin ti Taraon ti Bagi...

dakkel metten daytoy dua kapuon a mulak a kalamansi. an-anus lang barbareng mapagbungak ta adda pakairanudan. ngem mano pay a tawen ti urayek? afow met...