Fried Pakpako with Chilli on Top

 

Maysa kadagiti paboritok a pangdarasan a luto

ni Baket, ti nagisar nga uggot/rangaw ti pakpako

a nalaokan iti lakaylakay [natadtad a bungat' sili

ken bawang]. Inawagan ni Baket daytoy iti Fried

Pakpako with Chilli on top.

'Maykan ta danggayannak a mangan, karruba!

[wwwmangantayonkarruba.blogspot.com]

Banget, Karahay, Chicharon Baboy-- 'sulasu!

 

Agsidaak mammet sagpaminsan 

iti bagnet [wenno ti sabali nga awagna

a karahay/chicharon baboy] napia la

nga agas ti agik-ikkis a tian 

gapu't bisinna, piman.

Ala wen, ikiras no awan mayat sumango

a makipangan kaniak. Kabaelak met ket, hehe!

[wwwmangantayonkarruba.blogspot.com]

Tinuno a Mataan

 

Tinuno a mataan [akule] nga adda

pagsawsawan a suyo, suka ken kalamansi

a naipareha iti bugguong nga aramang

ken lakaylakay a pangadatna.

Umanayen daytoy a sida, karruba.

'Maykan ta ikirasta, ne!

.

.

[wwwmangantayonkarruba.blogspot.com]

Prito a Tilapia

 

Prito a tilapia a naparabawan ti nagisar

iti bassit a manteka a bungat' utong, paria,

patani, marunggay ken okra [saluyot-kayo].

Nanumo ti sida ngem napia la nga adda 

pangpelpel iti boksit. Ala wen.

"Maykan, karruba!

[wwwmangantayonkarruba.blogspot.com]

Kalamansi

 

Mayat latta ti panagbunga daytoy kalamansi,

mansuenna. Ala wen, ikkam latta. Iparaburmo

ti bunga nga inur-urayko iti lima a tawen.

[wwwmangantayonkarruba.blogspot.com]

Pinakbet a bulong ti saluyot

Daytoy mammet, daytoy man ti isublat nga ikammet

iti innapuy: pinakbet a [puro] bulong ti saluyot

a nasagpawan iti sangkalilit a daing.

Ay, nabayag la ngamin daydi naudi a sakmolko

ti kastoy a sida. Ala wen, 'maykayon ta

pagraramanan ti grasia.

[wwwmangantayonkarruba.blogspot.com]

Nilingta a galunggong

 

Nilingta a galunggong [layang scad]

ti ipareha iti innapuy napia la

a pangpelpel ti agik-ikkis a boksit.

Ala wen, anusan latta ti nanumo a sida.

'Maykan, karruba!

[wwwmangantayonkarruba.blogspot.com]