Nateng for Life!

Pagpaling-et, pangimas pay ti kaan: nagisar iti bassit a manteka a kayo

ti balangeg [kangkong] a nalaokan iti lakaylakay [natadtad a bunga ti sili

ken bukel ti bawang].

[umuna a ladawan]

ken

Nateng latta met ti pagipapasan. Agiguptay' man ketdi iti digo ti rangaw

ti balangeg [kangkong], okra [saluyot-kayo] ken uong napia la a pamedped iti bisin, piman.

[maikadua a ladawan]

'Maykayon sakbay a maibus, ne!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #wailuku #nateng #kangkong #balangeg #bulong #digo #sida #lutoniilokano #bukodaluto #ilokanoak #lutoitibalay #ilokanoakditoyhawaii #rangaw #saguttibiag #okra #saluyotkayo #uong #bunga #sili #dalikan #kusina #lamisaan #mangantayon #karruba #rudyramrumbaoa

 

Idumudom iti bugguong a bunga ti okra

Daytoy ti sidaek ita, nailamaw nga okra. Idumudomko iti naperresan a tubbog ti kalamansi a bugguong ken nalaokan bassit iti lakaylakay. Makaanayen daytoy a sida dagiti pada a taga-away ta nabaknang iti protina, fiber ken aprodisiak.

Nagisar a bungat' okra

Daytoy ti maysa kadagiti pangdarasan a luto, imbaliktad [nagisar iti sangkatedted a manteka] a bungat’ okra [saluyot-kayo] a nalaokan iti lakaylakay [nagtipon ti natadtad a bunga ti sili ken bawang].

Magargari ti innapuy no daytoy ti maipareha. ‘Maykan, karruba!

[wwwmangantayonkarruba.blogspot.com

Fried Pakpako with Chilli on Top

 

Maysa kadagiti paboritok a pangdarasan a luto ni Baket, ti nagisar nga uggot/rangaw ti pakpako a nalaokan iti lakaylakay [natadtad a bungat' sili ken bawang]. Inawagan ni Baket daytoy iti Fried Pakpako with Chilli on top.

'Maykan ta ramanam ken danggayannak a mangan, karruba!

[wwwmangantayonkarruba.blogspot.com]

Natuno a sabong ti katuday

Ay, maulit-ulit latta daytoy a klase ti masida. Ta malaksid laeng a simple ti pannakaisagana ti nateng, alisto pay a maluto. Ken naimas met ngamin, karruba.

Natuno a sabong ti katuday a naipareha iti nagisar a pakpako, natempla iti sangkabassit a lakaylakay [naglaok ti natadtad a bungat’ sili ken bawang] ken sangkatedted a bugguong. Makaanayen a kabinnulig ti innapuy, piman.

‘Maykayon ta pagraraman ti nanumo a sagana iti lamisaan...

[wwwmangantayonkarruba.blogspot.com]

Imbaliktad a bungat' paria

Daytoy pay ti naimas a sida no maituredmo, imbaliktad a bungat' paria iti sangkatedted a manteka [mabalin met ti butter nga usaren]. Isawsaw wenno idumudom iti naperresan ti kalamansi a bugguong wenno soyo a nalaokan iti lakaylakay a pampagasangna.

'Maykayon ta nanamen ti pait ti biag, karruba!

[wwwmangantayonkarruba.blogspot.com

 

Tinuno a sabong ti katuday

Tinuno a sabong ti katuday nga adda sidekick-na nga utong ken uggot iti pakpako ti pareha ti innapuy ita. Natempla iti sangakutsarita a lakaylakay [natadtad a bungat' sili ken bukel ti bawang] ken Kim Chee base a mangnayon ti gasang ti sida.

'Maykanyon ta pagraramanan, karruba! Naimas ti agsida ti kastoy ita ta natutudo ken nalamiis ti tiempo.

wwwmangantayonkarruba.blogspot.com

 

Nateng ken Lames, mayat latta

Nagisar a rangaw ti balangeg iti sangkatedted a manteka ken nalaokan iti lakaylakay [nagtipon ti natadtad a bungat' sili ken bukel ti bawang] ken bugbugtong a prito a tilapia ti iludonludonko iti innapuy ita napia la a pangpelpel iti agik-ikkis a tian. Umanayen ti suyo ken artem a suka ti Iloko a pangidumudoman ti prito, piman.

Anusan ti sida, karruba.

[wwwmangantayonkarruba.blogspot.com]

Prito a tilapia

Pangbuena mano a sida daytoy prito a tilapia a nasagpawan ti nagisar iti apagdillaw a manteka a bungat' okra ken nawarakiwakan iti bulong ti lasona ken natadtad a bukel ti bawang ken bungat' sili [lakaylakay kunami] ita ta natappoganen ti bulan ti Setiembre.

Mangrugin a lumamiis ti tiempo. 'Maykan ta mangantayo, karruba!

[wwwmangantayonkarruba.blogspot.com]

Fried Spicy Okra

Mangantayo man ketdi iti fried spicy okra[saluyot-kayo]. 

Naprito nga okra a nalaokan iti lakaylakay 

[natadtad a bungat' sili ken bukel ti bawang.

Ala man padasem no kabaelam ti gasangna, karruba.

[wwwmangantayonkarruba.blogspot.com]

 

Natuno a Sabong ti Katuday

Baliwak mammet ti uso ta saan a daytay nakaruaman

a kamatis ken bugguong ti pagtempla iti natuno

a sabong ti katuday no di ket Kim Chee Base 

ken Tabasco. Ngem gapu ta diak mapnek iti gasangna,

ninayonak pay iti lakaylakay [natadtad a bunga

ti silit' sairo ken bukel ti bawang]. Ket ne, whew!

Gemasen.

'Maykayon ta ramananyo ti nanumo a sida, piman.

[wwwmangantayonkarruba.blogspot.com]

 

Pakpako

Maysa kadagiti paboritok a pangdarasan a luto

nangruna no agmaymaysa datao a mangsango ti lamisaan

isu daytoy nagisar iti apagtedted a manteka a rangaw

ti pakpako a nalaokan iti lakaylakay [natadtad a bungat'

sili ken bukel ti bawang]. Nagimas man. Itured la

ti gasangna ngem makaanayen nga ibulon iti innapuy.

'Maykayon ta mangantayon, karruba!

[wwwmangantayonkarruba.blogspot.com]

Lames-taaw/karayan ti sida

Lames-taaw/karayan mammet.

Ti sida. Manso, tira!

Paganusan, a.

Kas koma ti daytoy prito a tilapia a napulagidan iti lakaylakay [naglaok ti natadtad a bungat' sili ken bukel ti bawang], nawarakiwakan bassit iti naiwa a bulong ti lasona a pangar-artiokna ken iti bulong ti saba ti nagbalin nga ungot a paggammatan-panganan.

Mabsog la ketdi ti boksit. Saan a pakawanen ti ngiwat no alisto ti ima nga aggammat.

Ay, ikiras! Anusan ti gasangna.

Dikan baybayagen. 'Maykan, karruba!

[wwwmangantayonkarruba.blogspot.com]

 

Bungat' okra a nalaokan ti lakaylakay

Uhu! Daytoy lattan ti ikammet iti innapuy, nagisar iti apagtedted a manteka a bungat’ okra a nalaokan ti lakaylakay [natadtad a bukel ti bawang ken bungat’ sili].

Nagasang ngem pangimas ti pangan, piman.'Maykan, karruba!

[wwwmangantayokarruba.blogspot.com]

 

Fried Pakpako with Chilli on Top

 

Maysa kadagiti paboritok a pangdarasan a luto

ni Baket, ti nagisar nga uggot/rangaw ti pakpako

a nalaokan iti lakaylakay [natadtad a bungat' sili

ken bawang]. Inawagan ni Baket daytoy iti Fried

Pakpako with Chilli on top.

'Maykan ta danggayannak a mangan, karruba!

[wwwmangantayonkarruba.blogspot.com]

Tinuno a Mataan

 

Tinuno a mataan [akule] nga adda

pagsawsawan a suyo, suka ken kalamansi

a naipareha iti bugguong nga aramang

ken lakaylakay a pangadatna.

Umanayen daytoy a sida, karruba.

'Maykan ta ikirasta, ne!

.

.

[wwwmangantayonkarruba.blogspot.com]

Lames-taaw manen ti sida

Lames-taaw manen, piman.

Ti sida. Manso, tira!

Paganusan, a.

Kas koma ti daytoy prito a tilapia a napulagidan

iti lakaylakay [naglaok ti natadtad a bungat' sili

ken bukel ti bawang], nawarakiwakan bassit iti naiwa

a bulong ti lasona a pangar-artiokna ken iti bulong 

ti saba ti nagbalin nga ungot a paggammatan-panganan.

Mabsog la ketdi ti boksit. Saan a pakawanen ti ngiwat

no alisto ti ima nga aggammat.

Ay,ikiras! Anusan ti gasangna.

Dikan baybayagen. 'Maykan, karruba!

[wwwmangantayonkarruba.blogspot.com]

 

Nagasang ken digo

 

Nagasang ken digo--

Pagpaling-et, pangimas pay ti kaan: 

nagisar iti bassit a manteka a kayo

ti balangeg [kangkong] a nalaokan

iti lakaylakay [natadtad a bunga ti sili

ken bukel ti bawang].

[umuna a ladawan]

ken

Nateng latta met ti pagipapasan. 

Agiguptay' man ketdi iti digo ti rangaw

ti balangeg [kangkong], okra [saluyot-kayo]

ken uong napia la a pamedped iti bisin, piman.

[maikadua a ladawan]

'Maykayon sakbay a maibus, ne!

[wwwmangantayonkarruba.blogspot.com]

Natuno a Sabong ti Katuday

BALIWAK mammet ti uso ta saan a daytay nakaruaman
a kamatis ken bugguong ti pinangtemplak iti natuno a sabong
ti katuday no di ket Kim Chee Base ken Tabasco.
Ngem gapu ta diak mapnek nga agaruyot ti ling-etko,
ninayonak pay ti lakaylakay nga ad-adda a mangpagasang.
Ket, whew! Gemasen. .

‘Maykayon ta ramananyo ti nanumo a sida dagiti taga-away. Piman, ne. . (wwwmangantayonkarruba.blogspot.com)


#ilokanofood
#taraon
#sabong
#katuday
#lakaylakay
#sida

Sabong ti Katuday ken Pakpako...

Natuno a sabong ti katuday a naikambor ti nagisar a pakpako ken natempla iti sangkabassit a lakaylakay (naglaok ti natadtad a bungat’ sili ken bawang), bugguong ken kamatis. Makaanayen a pareha ti innapuy, piman. .

‘Maykayon ta pagraraman ti nanumo a sida...

.
[wwwmangantayonkarruba.blogspot.com]
.
#ilokanofood
#taraon
#sabong
#katuday
#pakpako
#lakaylakay
#sida