FRIED PAKPAKO with CHILLI ON TOP

MAYSA kadagiti paboritok a pangdarasan a luto ni Baket, ti nagisar a rangaw ti pakpako a nalaokan iti lakaylakay [natadtad a bungat' sili ken bukel ti bawang. Inawagan ni baket daytoy iti FRIED PAKPAKO with CHILLI ON TOP.

'Maykayon ta ramananyo man, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #pakpako #nagisar #rangaw #pangdarasan #friedpakpako #sida #makan #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa

Tahong [Wenno Kabbia/Paros]

Nanumo a sida, tahong [wenno kabbia/paros] a nalaokan iti nagisar ti manteka a pasayang [white shrimps], bulong ken ungkay ti pechay, bassit a tedted ti cooking wine ken nawarakiwakan iti naiwa a bulong ti lasona.

Pagraramanan. 'Maykayon, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #tahong #kabbia #paros #pasayang #pechay #bulong #ungkay #cookingwine #bulong #lasona #ilokanoak #ilokanoakditoyhawaii #lutoniilokano #bukodaluto #lutoitibalay #sida #makan #dalikan #kusina #lamisaan #mangantayon #karruba #rudyramrumbaoa

Nagisar a bungat' okra

Daytoy ti maysa kadagiti pangdarasan a luto, imbaliktad [nagisar iti sangkatedted a manteka] a bungat’ okra [saluyot-kayo] a nalaokan iti lakaylakay [nagtipon ti natadtad a bunga ti sili ken bawang].

Magargari ti innapuy no daytoy ti maipareha. ‘Maykan, karruba!

[wwwmangantayonkarruba.blogspot.com

Fried Pakpako with Chilli on Top

 

Maysa kadagiti paboritok a pangdarasan a luto ni Baket, ti nagisar nga uggot/rangaw ti pakpako a nalaokan iti lakaylakay [natadtad a bungat' sili ken bawang]. Inawagan ni Baket daytoy iti Fried Pakpako with Chilli on top.

'Maykan ta ramanam ken danggayannak a mangan, karruba!

[wwwmangantayonkarruba.blogspot.com]

Nakapupok iti lata ti sida ita

Masadutak nga agsukain ti maluto iti pagpupokan isu a daytoy lattan ti napidutko a pangalistuan a linuto-- nagisar nga spam iti bassit

a manteka a nailudonludon iti kamatis ken sibuyas, nawarakiwakan ti sangkalilit a bulong ti lasona ken napatedtedan iti cooking wine a pagpabanglo.

Kasta siguro no nagpuyat ti tao, saanen a nasken nga agipauneg ti naimas a sida basta adda pangap-ap iti mabisinan a tian, piman.

Ala wen, la. 'Maykan ta ikirasta, karruba!

[wwwmangantayonkarruba.blogspot.com]

Ginataan nga aba

 

Inasmangak man ti linutok a dinengdeng iti ginataan nga aba. Linaokak bassit iti nagisar a lasag ken taba ti baboy ken nasagpawan ti daing.

Mayat a kombinasion ta mabalanse ti lasag/taba iti nateng. Ket ana pay ngarud no di anusan ti masida, piman.

'Maykayon, karruba!

[wwwmangantayonkarruba.blogspot.com]

Stir fry shrimps ken tufo

 

Baliwan mammet ti uso, piman: Stir fry Shrimps ken Tufo, ken adda sangkabassit burbuloyna a taba ken lasag ti baboy, carrots ken bell pepper. Pangalistoan a luto.

‘Maykan dika baybayagen, karruba!

[wwwmangantayonkarruba.blogspot.com]

Ti La Adda a Luto

Ay, ket paganusan manen, a, ti nageksperimuentoak a linuto a masida. Ta no dadduma, ti panaglutoan maysa a panageksperimento a mangtakkuat ken mangpartuat iti baro a klase a luto.

Kas koma ti daytoy nagang-angawak a luto, diak ammo ti pangawagda ngem nagresulta met a naimas piman.

Namarinada ti [puro] lasag ti baboy, naiprito. Nangigisarak iti [lokal] string beans, carrots, bell pepper ken sibuyas. Kalpasanna, pinagkakamborko ida. Pinatedtedak iti bassit a danum ken natempla. Impisokko ti gisantes [green peas]. Pinaatianak ti danum agingga a nagmanteka bassit. Ket ne, dayta.

Ala ‘maykayon ta pangramanyo met, karruba!

[wwwmangantayonkarruba.blogspot.com]

Nakapupok a lames ti isublat

Lames manen. Ngem iti daytoy a gundaway, lames a nakapupok iti lata ti nagammatak a linuto.

Ti la adda a klase ti luto ngem panagkunak, naimas ken nasustansia.

Simple ti preparasionna, ginisarko iti apagdillaw a manteka ti sardinas. Linaokak iti bulong ti marunggay, uggot ti kalunay ken sili.

Mayat!

Ay ket anusan kinanumo ti sida, karruba. ‘Maykan, a!

[wwwmangantayonkarruba.blogspot.com]

Padasen mammet ti nakadelata a baka, piman.

Daytoy ti kaalistuan nga isaangko iti paryok no masadutak nga agluto, nagisar a corned beef a nalaokan bassit iti repolio ken susop ti saba. Nanumo, nanumo latta ngem ana ngarud, kaka. Anusan, a.

'Maykayon ta pagraramanan, ne.

[wwwmangantayonkarruba.blogspot.com]

Es Kabeche[ng] Akule [Mataan]

 

Es Kabeche[ng] Akule [Mataan] ti nakursunadaak a linuto, piman. Awan met ketdi, kayatko lang. Nalaokan ken nagisar iti kamatis, carrots ken bulong ti lasona. Makaanayen dayta, ne.

'Maykayon, karruba!

[wwwmangantayonkarruba.blogspot.com]

Pinakbet latta, karruba!

Pinakbet a bungat’ sili ken okra [saluyot-kayo] a naigisaran bassit iti taba ken lasag ti baboy. Makaanayen a pareha ti innapuy, piman.

'Maykan ta agdanggayta man a mangan, karruba.

[wwwmangantayonkarruba.blogspot.com]

Prito a tilapia

Pangbuena mano a sida daytoy prito a tilapia a nasagpawan ti nagisar iti apagdillaw a manteka a bungat' okra ken nawarakiwakan iti bulong ti lasona ken natadtad a bukel ti bawang ken bungat' sili [lakaylakay kunami] ita ta natappoganen ti bulan ti Setiembre.

Mangrugin a lumamiis ti tiempo. 'Maykan ta mangantayo, karruba!

[wwwmangantayonkarruba.blogspot.com]

Itlog, pasayang ken bungat' paria

Daytoy ti naladaw a pammigat ken nasapa a pangaldawko. Taraon dagiti pada a mamirmiraot: nagisar iti sangkatedted a manteka ti nabatil nga itlog, pasayang ken bungat' paria. Anusan, a, piman.

No maminsan, kasla raman ti paria ti kapait ti biag, di ngamin karruba?

[wwwmangantayonkarruba.blogspot.com]

Nateng latta

 

Nagisar a puro bungat' utong iti tallo kutsara

a manteka. Wen, makaanayen a pangay-ayo iti 

agrungrungaab a tian, piman. Anusan, a.

'Maykayon, karruba!

[wwwmangantayonkarruba.blogspot.com]

Isublat ti pasayang

Kalpasan ti agbilbilaw a tirem [oyster] a sinida

itay kallabes nga aldaw, daytoy met nagkukot a pasayang

ti isublat nga ikiras, piman. Naigisar la bassit iti butter

a mangpananam ken mangparaman. Mayaten. Awan adu a panempla

a nailaok. Indian man pay laeng ti agsida iti karne 

ta makasuya met. Padasen ti puro seafoods 

ken nateng iti ipauneg. Ala, a.

'Maykayon ta pagraramanan, karruba!

[wwwmangantayonkarruba.blogspot.com]

 

Nateng manen, karruba.

Ay, nateng latta. Bungat' tarong, utong ken pallang

a nalaokan iti nagisar a lasag ken taba ti baboy.

Wen, manso! Anusan, anusan daytoy nanumo a sida

nga ipareha iti innapuy, piman.

'Maykan, karruba!

[wwwmangantayonkarruba.blogspot.com]

 

Nateng latta ti sida

 

Bungat’ paria ken kardis, agkasunduanda ngata? Sa nanayonan iti nagisar a karne ken taba ti baboy. Simmagpaw pay ti aramang. Hmm...ana ngata ti ramanna? Agpipinnaapelodan iti uneg ti boksit.

Manso latta. Tira. Agrennek ita!

Anat’ makunam, karruba? ‘Mayka ketdin ta ikiratta la!

[wwwmangantayonkarruba.blogspot.com]

Sizzling Kidney [Pig] in a plate

 

Luto ni Baket, "Sizzling Kidney [Pig] in a plate"

.

Ramanan met sabali a potahe, piman. 'Maykan, karruba!

.

.

.

[wwwmangantayonkarruba.blogspot.com]

Pagpaling-et, pagpaling-et. Pagpaimas pay ti pangan: naigisar a kayot’ kangkong a nalaokan iti lakaylakay (natadtad a bungat’ sili ken bawang).

[wwwmangantayonkarruba.blogspot.com]