Salad manen a di kauma

Wen, salad a nateng mammet ti isublat nga ipelpel iti tian, piman. Berde a taraon latta ti pagpapasan. 

Kadagiti pada a nangisit ti sikona, ammoda no kasano ti kinanumo a sida daytoy salad a susop ti saba nga inasmangak iti okra [saluyot-kayo] ngem nasustansia ken nabaknang a taraon, ala.

'Maymo ramanan no kayatmo, karruba!

[wwwmangantayonkarruba.blogspot.com]

Tinuno a bungat' sili ken okra

Gapu ta umuna nga aldaw ti bulan ti Marso, busatak man ti agsida iti tinuno a bungat’ sili ken okra. Naimbag a kombinasion— aphrodisiac ken pangriing iti agdudungsa a rikna. Nasustansia ken maysa a paggugusto a sida nga idumudom iti nasilian a bugguong ken suka ken ikammet iti innapuy dagiti pada a nangisit ti sikona.

'Maykan ta paganusan ti masida, karruba!

[wwwmangantayonkarruba.blogspot.com]

Seafood ken nateng

Daytoy man ti sida ita nga aldaw: prito a tilapia nga adda asmangna a bungat' tarong, okra [saluyot-kayo], rangaw ti kamotig ken bulong ti lasona. Seafood ken nateng man ti banatan.

Ken wen, 'maykayon ta mangantayon, karruba!

[wwwmangantayonkarruba.blogspot.com]

Pinakbet latta, karruba!

Pinakbet a bungat’ sili ken okra [saluyot-kayo] a naigisaran bassit iti taba ken lasag ti baboy. Makaanayen a pareha ti innapuy, piman.

'Maykan ta agdanggayta man a mangan, karruba.

[wwwmangantayonkarruba.blogspot.com]

Pinakbet manen, piman

 

Pinakbet a bungat’ sili ken okra [saluyot-kayo] a nalaokan iti bassit a taba ken lasag ti baboy. Daytoy ti sida nga anusan nga ikammet iti innapuy ita. Ay, kastoy latta ti sida dagiti pada a tagaaw-away, piman.

'Mayka man ta danggayannak a mangan, karruba!

[wwwmangantayonkarruba.blogspot.com]

Pinakbet latta ti ipelpel iti tian

Pinakbet manen ti sida nga ipelpel iti tian, piman. Imasen ngem manso!

Diak kauma.

Ala wen, anusan ti bungat' okra [saluyot-kayo], pallang ken paria nga adda bassit burluloyna a lasag ken taba ti baboy ken nasagpawan pay iti pasayan[g].

'Maykayon, karruba!

[wwwmangantayonkarruba.blogspot.com]

Nateng latta manen

Pangaldaw mammet gayamen, aya? Nagalistot' oras.

Ngem ne, agiguptay' man ketdi iti digo ti bulong ti marunggay, susop ti saba ken bungat' okra [saluyot-kayo] ta napia la nga adda pamigsa dagiti susuop, lasag ken tulang a nakigabbu a nagsapul iti pangtaraon ti bagi idi rabii, piman.

'Maykan ket naimas ti maragatas a digo, karruba!

[wwwmangantayonkarruba.blogspot.com]

Agiguptay' iti digo, apo!

 

Ney! Pangngaldaw mammet gayamen. Nagalistot' oras, aya? Ket wen, agiguptay’ man ketdi iti digo ti bulong ti marunggay, okra [saluyot-kayo] ken bungat’ utong a nasagpawan iti prito a tilapia.

Anusan ti sida, karruba. 'Maykayon, ne!

[wwwmangantayonkarruba.blogspot.com]

Tamnay ken apgad a sida

 

Ket kas kadawyan dagiti pada a mamirmiraut a taga-away, piman, ad-adda a nateng ti kanayon a kapulpulapol iti lamisaan. Ngem ala wen, agiguptay' iti digo ti bulong ti marunggay, bungat' paria ken okra [saluyot-kayo] nga imparehak iti bugguong nga unnok a mangbalanse ti tamnay ken apgad a raman ti sida.

'Maykan, karruba!

[wwwmangantayonkarruba.blogspot.com]

Nanumo a sida

Ay! Nanumo laeng a pang-anibersario a sida: digo ti nateng— bulong ti marunggay, bungat’ okra [saluyot-kayo] ken paria, ken adda met sidekick-na a liningta a mataan [akule], piman.

Makaanayen daytoy a mangpasidap ken mangasa ti panunot ken mangpatibker pay ti pisikal a bagi. Ngem kangrunaan iti amin, ti nair-irut a singgalot ken pannakataginayon ti napimpintas a relasion, ken mamagtriple pay ti duapulo ket dua a tawen a panagdenna— iti rigat man wenno gin-awa.

[wwwmangantayonkarruba.blogspot.com]

Pinakbet manen, karruba!

Pinakbet a bulong ti saluyot, bungat’ paria ken okra [saluyot-kayo] a nasagpawan iti aramang ken silit’ sairo. Makaanayen daytoy a sida, karruba.

Ala 'maykayon ta pagraramanan, ne!

[wwwmangantayonkarruba.blogspot.com]

Fried Spicy Okra

Mangantayo man ketdi iti fried spicy okra[saluyot-kayo]. 

Naprito nga okra a nalaokan iti lakaylakay 

[natadtad a bungat' sili ken bukel ti bawang.

Ala man padasem no kabaelam ti gasangna, karruba.

[wwwmangantayonkarruba.blogspot.com]

 

Dinengdeng latta. Manso!

Uhu! Daytoy la ti nanumo a sida ita a pangaldaw: 

bulong ti marunggay, sabong ti katuday ken adda

sangkabassit sagpawna nga uong ken okra.

Anusan ti dinengdeng nga ikammet iti innapuy 

a kasango ti padak a naulila a lamisaan 

iti innak panagmaymaysa manen, piman.

Iyayabko lattan no sino ti mayat a makisango

a mangan kaniak, karruba!

[wwwmangantayonkarruba.blogspot.com]

 

Sinigang a bangus...

 

Daytoy ti nanumo a sida ita nga aldaw dagiti amma, Sinigang [Paksiw]

a Bangus a nasagpawan iti bungat' okra ken bulong ti lasona. Agiguptay'

mammet ti digo napia la a kired dagiti tulang, susuop ken lasag a nagpuyat manen para ti pagbiagan, piman.

Nanumo. 'Maykan ta makiigupka met, karruba!

[wwwmangantayonkarruba.blogspot.com]

Batso manen, karruba

Batso [Bacho] a bungat' karabasa a nalaokan iti utong, okra ken paria ken naigisaran bassit iti taba ken lasag ti baboy. Umanayen a pangap-ap iti tian ken pamedped ti bisin kadatao a mangrabrabii nga agtrabaho.

'Maykayon ta pagraramanan ti nanumo a masida, karruba.

[wwwmangantayonkarrub.blogspot.com]

 

Salad a nateng ti isublat, ala.

Wen, salad a nateng ti isublat nga ipelpel iti tian. 

Nanumo a sida daytoy salad a susop ti saba 

nga inasmangak iti okra [saluyot-kayo] ngem nabaknang 

a taraon, ala.

'Maymo ramanan, karruba! Ne...

[wwwmangantantayonkarruba.blogspot.com]

Tinuno a bungat' okra

 

Daytoy man ti ipareha iti innapuy, tinuno a bungat’ okra [saluyot kayo], napia la a pangay-ayo ti agkarkaradukoden a boksit, piman.

Ket no plano[m] ti makilabing-loving ken ni lakay/baketmo no rabii, ay, ket daytoyen ti maysa a kasamayan a masida a mangparugso iti rikna ken mangpaingar ken mangpatangken kadagiti laslasag ta maibilang nga aphrodisiac foods ti okra [An aphrodisiac is defined as a food or drug that arouses sexual instinct, brings on desire or increases sexual pleasure or performance].

Anat' makunam, karruba? ‘Maykayon, a!

[wwwmangantayonkarruba.blogspot.com]

Nateng manen...

Nateng manen, nateng latta.

Agiguptay’ man ketdi iti digo ti inabraw— bungat’ tarong, patani, utong, okra (saluyot-kayo), sabong ti katuday ken adda pay sagpawna nga uong napia la a pamigsa nga agitured iti lamiis dagiti pada a mangrabrabii nga agsapul iti pagbiag, piman.

Manso! Ibusen, arub-oben ti kinasustansia ti masida. Dikan baybayagen, ‘maykan, karruba!

[wwwmangantayonkarruba.blogspot.com]

 

Ramanan ti digo ti rangaw ti kamotig ken kalunay, pallang ken okra...

Agiguptay’ iti digo ti rangaw ti kamotig ken kalunay, pallang ken okra (saluyot-kayo) a nasagpawan iti prito a lasag ti manok. Makaanayen a mangdengngep ti malamlammin a boksit.

Naimbag daytoy a sida dagiti pada a nangisit ti sikona, nangruna dagiti mangrabrabii nga agtrabaho— nasustansia. ‘Maykan, karruba!

[wwwmangantayonkarruba.blogspot.com]

 

Seafoods ken nateng man

 

Daytoy man ti sida ita nga aldaw: prito a tilapia nga adda laokna a bungat' tarong, okra [saluyot-kayo], rangaw ti kamotig ken bulong ti lasona. Seafoods ken nateng man.

Ken wen, 'maykayon ta mangantayon ne!

[wwwmangantayonkarruba.blogspot.com]