Daytoy Man Prito a Tilapia, Ne

Daytoy man ti sida ita nga aldaw: prito a tilapia nga adda asmangna a bungat' tarong, okra [saluyot-kayo], rangaw ti kamotig ken bulong ti lasona. Seafood ken nateng man ti banatan.

Ken wen, 'maykayon ta mangantayon, karruba!

Dalikan, Kusina ken Lamisaan;

MANGANTAYON, KARRUBA!

#taraon #taraontibagi #hardintiwailuku #sida #prito #tilapia #bunga #tarong #okra #rangaw #kamotig #bulong #lasona #ilokanoak #ilokanoakditoyhawaii #lutoniilokano #bukodaluto #lutoitibalay #makan #dalikan #kusina #lamisaan #mangantayon #karruba #rudyramrumbaoa

 

Lames manen, piman

Isublat mammet ti nilingta a tilapia a sida nga inap-apak ken sinagpawak iti rangaw ti kamotig.

Ageksperimentotayo latta nga agluto, no aniat’ mabalin a maluto ken lutuen. Awan patingga a sursuroen dagiti banag a ditay' pay napadasan. Gapu kadayta, saanen a nasken nga agsapul iti naimas a sida. Ti nasken, adda taraon a maidasar a kaginnubal ti innapuy iti lamisaan ken pamigsa ti bagi nga agpuyat nga agtrabaho.

‘Maykayon ta mangantayon, Karruba!

[wwwmangantayonkarruba.blogspot.com]

Seafood ken nateng

Daytoy man ti sida ita nga aldaw: prito a tilapia nga adda asmangna a bungat' tarong, okra [saluyot-kayo], rangaw ti kamotig ken bulong ti lasona. Seafood ken nateng man ti banatan.

Ken wen, 'maykayon ta mangantayon, karruba!

[wwwmangantayonkarruba.blogspot.com]

Iti hardin ti taraon ti bagi

Dayta man ti napurosko itay bigat iti hardin ti 

taraon ti bagi: sabong ti katuday, rangaw ti kamotig 

ken lima piraso a bunga ti paria. Ay, anusan 

ti adda napia la nga adda nayon ti masida.

Saladek, piman.

[wwwmangantayonkarruba.blogspot.com]

 

Dagiti Ala a Ladawan iti Hardin Ita nga Aldaw

Pinadalanak met dagiti mula a taraon ti bagi

iti hardin itay bigat, adda met napurosko a sabong 

ti katuday napia la a paglaok iti maluto a sida. 

Uray ti mula a pias, adu metten ti bungana. 

Adda pangalsem iti sida. Narukbos met ti kamotig

ken natayagen ti maysa pay a mula a kalamansi. 

Mayat, tira. Pagyamanan dagitoy a paraburyo.

Dikay' maum-uma.

[wwwmangantayonkarruba.blogspot.com]

 

Ramanan ti digo ti rangaw ti kamotig ken kalunay, pallang ken okra...

Agiguptay’ iti digo ti rangaw ti kamotig ken kalunay, pallang ken okra (saluyot-kayo) a nasagpawan iti prito a lasag ti manok. Makaanayen a mangdengngep ti malamlammin a boksit.

Naimbag daytoy a sida dagiti pada a nangisit ti sikona, nangruna dagiti mangrabrabii nga agtrabaho— nasustansia. ‘Maykan, karruba!

[wwwmangantayonkarruba.blogspot.com]

 

Seafoods ken nateng man

 

Daytoy man ti sida ita nga aldaw: prito a tilapia nga adda laokna a bungat' tarong, okra [saluyot-kayo], rangaw ti kamotig ken bulong ti lasona. Seafoods ken nateng man.

Ken wen, 'maykayon ta mangantayon ne!

[wwwmangantayonkarruba.blogspot.com]

Agiguptay' iti digo ti nateng, karruba!

 

Agiguptay' man ketdi iti digo ti nateng: bungat' utong ken kabatiti,

uggot ti kamotig ken sabong ti karabasa napia la a pamigsa ti bagi 

ken panidap nga agpanunot, piman. 

'Maykayon ta mangantayo, karruba!

[wwwmangantayonkarruba.blogspot.com]

Agiguptay' iti digo, karruba!

 

Agiguptay’ iti digo ti rangaw ti kamotig ken kalunay, pallang ken okra (saluyot-kayo) a nasagpawan iti prito a lasag ti manok. Makaanayen a mangdengngep ti malamlammin a boksit.

Naimbag daytoy a sida dagiti pada a nangisit ti sikona, nangruna dagiti mangrabrabii nga agtrabaho— nasustansia. ‘Maykan, karruba!

[wwwmangantayonkarruba.blogspot.com]

Nalingta a Tilapia...

Isublatko mammet ti nalingta/nilingta a tilapia a sida nga inap-apak ken sinagpawak iti uggot/rangaw ti kamotig.
.
Ala wen, ageksperimentotayo latta nga agluto, no aniat’ mabalin a maluto ken lutuen nangruna ita a panawen ti krisis. Saanen a nasken nga agsapul iti naimas a sida. Ti nasken, adda ap-ap, pamedped ti bisin ken pamigsa a pangontra ken pagitured iti bayrus.
.
‘Mangantayon, Karruba!
.
(wwwmangantayonkarruba.blogspot.com)

#ilokanofood
#taraon
#nilingta
#nalingta
#tilapia
#uggot
#rangaw
#kamotig
#sida

Naigisar a rangaw/uggot ti kamotig a nalaokan iti lakaylakay [natadtad a bungat' sili ken bawang] ti nayon a pamedped ti bisin. Anusan manen ti kinanumo ti masida, piman. Ta ana ngarud, piman latta ti kinapiman...

wwwmangantayonkarruba.blogspot.com

Salad a rangaw ti paria ken kamotig, naigilapan ti kamatis ken sibuyas ken natempla iti bassit a tedted ti bugguong ti ikammet iti innapuy. Ay, an-anus latta piman...

wwwmangantayonkarruba.blogspot.com