Daytoy Man Prito a Tilapia, Ne

Daytoy man ti sida ita nga aldaw: prito a tilapia nga adda asmangna a bungat' tarong, okra [saluyot-kayo], rangaw ti kamotig ken bulong ti lasona. Seafood ken nateng man ti banatan.

Ken wen, 'maykayon ta mangantayon, karruba!

Dalikan, Kusina ken Lamisaan;

MANGANTAYON, KARRUBA!

#taraon #taraontibagi #hardintiwailuku #sida #prito #tilapia #bunga #tarong #okra #rangaw #kamotig #bulong #lasona #ilokanoak #ilokanoakditoyhawaii #lutoniilokano #bukodaluto #lutoitibalay #makan #dalikan #kusina #lamisaan #mangantayon #karruba #rudyramrumbaoa

 

Deep-fried pork ribs ti isublat a sida

Deep-fried pork [chopped] ribs with union fries ti sida, piman. Manso latta ta isu ti adda.

'Maykayon ta ikirastayo, karruba!

[wwwmangantayonkarruba.blogspot.com]

Prito a tilapia

 

Prito a tilapia ti partner ti innapuy ita. Ay, napia la piman!

'Maykan ta pagan-anusan ti sida, karruba!

[wwwmangantayonkarruba.blogspot.com]

Prito a mataan

Hu! Daytoy man prito a mataan [akule] ti pagpapasan nga ikammet iti innapuy. Idumudomko iti suyo a naperresan ti kalamansi nga adda laokna a lakaylakay ken naarten iti suka a bungat' sili ti sairo.

Makaanayen a pangimas ti pangan. 'Maykan, karruba!

[wwwmangantayonkarruba.blogspot.com]

Lames-taaw ti isublat a sida

Lames-taaw man ti isublat a sida--

Prito a namarinada nga awan siitna a bangus [marinated boneless bangus] ti pareha ti innapuy ita. Mayat man ti kombinasion, kirasek ta agkiraosen ti boksit. Piman pay dagiti pada a mangrabrabii nga agtrabaho. No mabalbalin, uray awanen ti kaan basta maturog datao.

'Maykan ta manganta, karruba!

[wwwmangantayonkarruba.blogspot.com]

Seafood ken nateng

Daytoy man ti sida ita nga aldaw: prito a tilapia nga adda asmangna a bungat' tarong, okra [saluyot-kayo], rangaw ti kamotig ken bulong ti lasona. Seafood ken nateng man ti banatan.

Ken wen, 'maykayon ta mangantayon, karruba!

[wwwmangantayonkarruba.blogspot.com]

Prito a tilapia, ne.

Daytoy lattan ti kidkiddisan a pulotan a prito a tilapia bayat iti panangisaang ti sabali pay a taraon a masida. No mabisin, irapin ti sumakmol uray awan arak a kling-kling!

'Maykayon, karruba!

[wwwmangantayonkarruba.blogspot.com]

[Na]Prito a Mataan [Akule]

Daytoy lattan ti isublat nga ikammet iti innapuy, prito a mataan. Anusan ti sida ta isu met ti nagammatan, piman.

'Maykayon, karruba!

[wwwmangantayonkarruba.blogspot.com]

Nateng ken Lames, mayat latta

Nagisar a rangaw ti balangeg iti sangkatedted a manteka ken nalaokan iti lakaylakay [nagtipon ti natadtad a bungat' sili ken bukel ti bawang] ken bugbugtong a prito a tilapia ti iludonludonko iti innapuy ita napia la a pangpelpel iti agik-ikkis a tian. Umanayen ti suyo ken artem a suka ti Iloko a pangidumudoman ti prito, piman.

Anusan ti sida, karruba.

[wwwmangantayonkarruba.blogspot.com]

Nateng latta

Nateng latta ti ibulon iti innapuy. Ket wen, diak kauma. Nagimas man nga arub-oben nga igupen ti digo ti bulong iti marunggay, bungat' paria, okra, [saluyot-kayo], pallang ken sabong ti katuday a nasagpawan pay iti prito a galunggong nga ad-adda a mangpasabor ti ramanna.

Piman ngem nasustansia a sida. 'Maykayon, karruba!

[wwwmangantayonkarruba.blogspot.com]

Agiguptay' iti digo, apo!

 

Ney! Pangngaldaw mammet gayamen. Nagalistot' oras, aya? Ket wen, agiguptay’ man ketdi iti digo ti bulong ti marunggay, okra [saluyot-kayo] ken bungat’ utong a nasagpawan iti prito a tilapia.

Anusan ti sida, karruba. 'Maykayon, ne!

[wwwmangantayonkarruba.blogspot.com]

Prito a tilapia

Pangbuena mano a sida daytoy prito a tilapia a nasagpawan ti nagisar iti apagdillaw a manteka a bungat' okra ken nawarakiwakan iti bulong ti lasona ken natadtad a bukel ti bawang ken bungat' sili [lakaylakay kunami] ita ta natappoganen ti bulan ti Setiembre.

Mangrugin a lumamiis ti tiempo. 'Maykan ta mangantayo, karruba!

[wwwmangantayonkarruba.blogspot.com]

Prito a tilapia ken nateng latta

Daytoy ti nagsangnguanmi a sinida ken ni baket,

prito a tilapia a linaokak ti bungat' paria, 

sili ken utong a nagisar iti bassit a manteka

napia la nga adda dekorasion ti taraon.

Makaanayen a mangpaulimek iti agik-ikkis a tian,

piman. Ala wen, umaykayon karruba!

[wwwmangantayonkarruba.blogspot.com]

 

Lames-taaw/karayan ti sida

Lames-taaw/karayan mammet.

Ti sida. Manso, tira!

Paganusan, a.

Kas koma ti daytoy prito a tilapia a napulagidan iti lakaylakay [naglaok ti natadtad a bungat' sili ken bukel ti bawang], nawarakiwakan bassit iti naiwa a bulong ti lasona a pangar-artiokna ken iti bulong ti saba ti nagbalin nga ungot a paggammatan-panganan.

Mabsog la ketdi ti boksit. Saan a pakawanen ti ngiwat no alisto ti ima nga aggammat.

Ay, ikiras! Anusan ti gasangna.

Dikan baybayagen. 'Maykan, karruba!

[wwwmangantayonkarruba.blogspot.com]

 

Dinengdeng for life!

Nateng manen. Ala wen.

Agiguptay’ man ketdi iti digo ti marunggay, bungat’ tarong, susop ti saba a naparabawan iti prito a tilapia. Ania ketdin aya ti imasna ti maragatas a digona, piman. Arub-obekon, ne.

‘Maykayon, karruba!

[wwwmangantayonkarruba.blogspot.com]

 

Seafoods ken nateng man

 

Daytoy man ti sida ita nga aldaw: prito a tilapia nga adda laokna a bungat' tarong, okra [saluyot-kayo], rangaw ti kamotig ken bulong ti lasona. Seafoods ken nateng man.

Ken wen, 'maykayon ta mangantayon ne!

[wwwmangantayonkarruba.blogspot.com]

KBL ken L mammet, ne.

KBL ken L [Kamatis, Bugguong, Lasona ken Laya]

lattan ti iparehak iti prito a tilapia napia la

a pangimas ti pangan, piman.

'Maykan, karruba!

[mangantayonkarruba.blogspot.com]

 

Es Kabeche Fried Tilapia

Es Kabeche Fried Tilapia nga adda burluloyna

a celery, carrots ken beans.

Estilo a luto ni Filipino. Estilo ni Ilokano.

Ken bukodko nga estilo a luto.

'Maykan ta pagraramanantayo, karruba!

[wwwmangantayonkarruba.blogspot.com]

Bulongnas mammet, ne

 

Daytoy mammet [na]prito a lames ti bulongnas ti idumudom iti naartem ti suka a silit’ sairo bareng pakitayegennat’ laslasag nga agsida. Ay, nanumo latta, piman!

(wwwmangantayonkarruba.blogspot.com)

.

#ilokanofood

#taraon

#lames

#bulongnas

#prito

#sili

#suka

#sida

Nateng manen

 

Nateng manen, nateng latta...

Agiguptay’ man iti digo ti bulong ti marunggay a nasagpawan iti prito a tilapia. Nasustansia, pagpakired kadagiti tulang ken susuop dagiti pada a mangrabrabii nga agobra.

‘Maykayon ta anusan ti nanumo a sida, piman.

.

(wwwmangantayonkarruba.blogspot.com)