Inasmangak man ti dinengdeng iti ginataan nga aba. Linaokak bassit iti naigisar a karne ken taba ti baboy ken nasagpawan ti daing. Mayat a kombinasion ta mabalanse ti karne/taba iti nateng. Ket ana pay ngarud no di anusan ti masida, piman.

Ginataan nga Aba

Dinengdeng a bulong ti marunggay, susop ti saba ken okra, nasagpawan iti naprito a boneless bangus [marinated]. Anusan latta manen, a, ta daytoy ti paborito a sidaen dagiti pada a nangisit ti sikona.

Dinengdeng

Nanumo ngem nabaknang a taraon ti nayon a masida: salad a susop ti saba ken okra. Anusan manen, a, piman...

Salad a susop ti saba ken okra

No masuyakan nga agsida iti karne wenno lames, daytoy man ti maysa a kaimasan a masida/polutan-- tirem [oyster].

Oyster [Tirem]

Daytoy ti kaimasan a sagut a taraon
ti Dios iti lalaki- tirem

Ket wen, adobo [marinated] nga uong [mushrooms] ken nalaokan bassit iti susop ti saba ti nayon a masida. Piman latta ket ana pay ngarud. Anusan, a, ti kinapiman...

Adobo [marinated] nga Uong [mushrooms]

Nalingta a tilapia ti ibulon iti innapuy. Manen, anusan, a, piman...

Nalingta a tilapia

Dinengdeng a bulong ti marunggay, susop ti saba ken okra. Anusan latta ti kinanumo ti masida, piman. Ay, anusan!

Dinengdeng a bulong ti marunggay, susop ti saba ken okra

Nalingta a mataan [akule] ti pangrabii, piman.

Nalingta a Mataan [Akule]

Nalingta a salmon. Lames latta ti masida, piman...

Nalingta a Salmon

Panangngilin ti agsida iti karne ita a Semana Santa...

Naprito a Tilapia

Salad a rangaw [uggot] ti pakpako. Anusan latta manen, piman...

Salad a rangaw [uggot] ti pakpako

ket daytoy ti desision ti mayoria, naprito a lames ti mataan [akule]. saan a nagballigi ti pannakasigang, pannakalingta, pannakatuno wenno pannakaaramid ti kilawenna. no ania ti kiddaw ti kaaduan, isut' masurot. case dismissed. anusan manen, a, piman. hekhek!

Naprito a lames ti mataan [akule]

Mataan [Akule]. Sigang, lingta wenno prito?

Lames a Mataan [Akule]

Nalingta a lames ti mataan [akule]

Nalingta a lames ti mataan [akule]

Ket wen, dikanto kauma...

Pinakbet a bulong ti bawang a naigisaran iti sangkabassit
a karne ken taba ti baboy ken nagsagpawan iti
ulo ti pasayang ken aramang. Anusan ti kinanumo
daytoy masida, piman.