Uong, Tufo ken Pasayang

DAYTOY la ti nanumo a sida, piman.

Ket wen, uray kastoy ti kasimple ti masida, mabsogakon. Nagisar iti sangkabassit a manteka ti baboy ti uong, tufo ken pasayang. Natempla iti suyo, ginisa mix, cooking wine ken corn starch, ken adda pay burluloyna a bulong ti lasona.

'Nia pay sapulem, Karruba? 'Maykan, ne!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nagisar #uong #tufo #pasayang #bulong #lasona #sida #makan #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #urdyramrumbaoa

 

Adobo nga uong, nalingta a tilapia

Daytoy ti nanumo a sida: adobo [namarinada] nga uong [mushrooms] a nalaokan bassit iti susop ti saba ken naipareha iti nalingta a tilapia ti kalinnudon ti innapuy, piman.

[wwwmangantayonkarruba.blogspot.com]

Adobo nga Uong

 

Daytoy ti pamedped iti bisin, adobo nga uong. Nasukainak laeng iti pagpupokan ti taraon ti bagi.

Nabaknang a taraon. Nasustansia iti protina. Paggaayat a sida dagiti pada a nangisit ti sikona. 'Maykan dimo baybayagen, karruba!

[wwwmangantayonkarruba.blogspot.com]

Luto a diak ammo ti pangawagko

Pangdarasan a luto. Wen, luto dagitay pada nga aglaladut nga agluto wenno dina talaga kayat ti agluto, piman. Ngem ney, no maramanam daytoy a klase ti luto, amangan no subliasublianam a sapsapulen.

Simple met la ket a luto, a. Alisto ti preparasionna. Kastoy nay: tufo a nalaokan iti pasayang ken uong, napatedtedan iti red wine [mabalin met ti white wine], bassit a corn starch, ginisa mix ken naiwa a bulong ti lasona.

Kinaagpaysuananna, diak pay ketdi ammo no aniat' pangawagko daytoy a luto, piman. Ngem no damagem no kasanot' pananglutok, dayta ket bukodko a bersion. Makaammokay' metten ti bukodyo nga estilo.

Neay, iyayabko lattan. Mangantayon, karruba!

[wwwmangantayonkarruba.blogspot.com]

Bulong ti nateng, bulong ti lames

Daytoy man puro bulong ti sidaen ken igupen digona ita: uggot ti balangeg a nasagpawan sangkabassit a piraso iti uong ken bulong ti lames-- wen, prito a bulongnas.

Mayat a kombinasion a taraon a pagpapigsa dagiti pada a mangrabrabii nga agtrabaho, piman.

Ala wen, 'maykayon karruba!

[wwwmangantayonkarruba.blogspot.com]

Napait ken nagasang

 

Daytoy latta manen, a. Piman...

Wen, ngem ana ngata ti ramanna no agtipon ti napait ken nagasang?

Padasen ti ageksperimento. Dayta ti pili a sida ita, nagisar a bungat' paria nga adda laokna nga uong iti sardinas a nagasang.

Hu! dimo kuna ta pinatedtedak bassit iti cooking wine ken nawarakiwakan iti bulong ti lasaona.

Solved!

Ala, 'maykan ta pagrararaman ti nanumo a sida, karruba!

[wwwmangantayonkarruba.blogspot.com]

Dinengdeng latta. Manso!

Uhu! Daytoy la ti nanumo a sida ita a pangaldaw: 

bulong ti marunggay, sabong ti katuday ken adda

sangkabassit sagpawna nga uong ken okra.

Anusan ti dinengdeng nga ikammet iti innapuy 

a kasango ti padak a naulila a lamisaan 

iti innak panagmaymaysa manen, piman.

Iyayabko lattan no sino ti mayat a makisango

a mangan kaniak, karruba!

[wwwmangantayonkarruba.blogspot.com]

 

Adobo nga uong

Daytoy man ti isublat a sida, adobo [namarinada]

nga uong [mushrooms] a nalaokan bassit iti susop

ti saba. Ay napia la a pangpelpel iti agrungrungaaben

a tian, piman. Anusan, a. Piman a kinapiman...

Bukodakon dika umap-apal, karruba.

[wwwmangantayonkarruba.blogspot.com]

Nateng for life. Manso, tira latta, karruba!

Sangadakulapan a sabong ti katuday ken rangaw

ti kamotig, adda pay bunga ti kabatiti ken 

uong, makaanayen a sida ti dua a tao, piman.

Wen man, inabrawko. Nagimas man nga igupen ti digona

aglalo ket adda pay sagpawna a pasayang.

'Maykayon ta mangantayon, karruba!

[wwwmangantayonkarruba.blogspot.com]

 

Nagkakambor, piman.

Daytoy la ti nanumo a sida ita, piman.

Wen, uray kastoy ti kasimple ti masida,

mabsogakon. Nagisar iti sangkabassit a manteka

ti baboy ti uong, tufo ken shrimps. Natempla

iti suyo, ginisa mix, cooking wine ken corn starch

ken adda burluloyna a bulong ti lasona.

'Nia pay sapulem, karruba? 'Maykan, ne!

[wwwmangantayonkarruba.blogspot.com]

Nateng manen...

Nateng manen, nateng latta.

Agiguptay’ man ketdi iti digo ti inabraw— bungat’ tarong, patani, utong, okra (saluyot-kayo), sabong ti katuday ken adda pay sagpawna nga uong napia la a pamigsa nga agitured iti lamiis dagiti pada a mangrabrabii nga agsapul iti pagbiag, piman.

Manso! Ibusen, arub-oben ti kinasustansia ti masida. Dikan baybayagen, ‘maykan, karruba!

[wwwmangantayonkarruba.blogspot.com]

 

Batso manen

Batso (Bacho) a bungat’ karabasa a naigisaran iti taba ken lasag ti baboy nga inasmangak ti bungat’ paria, kuros kubbo, uong ken sabong ti katuday.

Masumok amin a klase a luto ti nateng, piman.

(wwwmangantayonkarruba.blogspot.com)

.

#ilokanofood

#taraon

#batso

#taba

#lasag

#baboy

#bunga

#sabong

#karabasa

#paria

#uong

#kuroskubbo

#sida

 

Dinengdeng latta-- for life!

Daytoy ti taraon a pamigsa iti tulang, lasag ken susuop, ken pagpasidap iti panunot dagiti pada a mangrabrabii nga agtrabaho—-dinengdeng latta. For life.

Agiguptay’ iti digo ti bulong ti marunggay, ilay-sanglay [alugbati], pallang, bungat’ tarong a nasagpawan bassit iti uong ken aramang. Piman latta…

.

‘Maykayon ta nausan ti nanumo a sida, karruba!

[wwwmangantayonkarruba.blogspot.com]

 

Tufo, uong ken pasayang

 

Pangalistoan a luto. Wen, luto dagitay pada nga aglaladut nga agluto. Ngem ney no maramanam daytoy a klase ti luto, amangan no subliasublianam a sapsapulen. 

Simple met la ketdi a luto, a. Kastoy: tufo a nalaokan iti pasayang ken uong, napatedtedan iti red wine [mabalin ti white wine], bassit a corn starch, ginisa mix ken naiwa a bulong ti lasona. Diak pay ketdi ammo no aniat' pangawagko daytoy a luto. Ngem no damagem no kasanot’ pananglutok, dayta ket bukodko a bersion. Makaammokay’ metten iti bukod nga estilo, hehe!

Ney, iyayabko lattan. ‘Mangantayon, karruba!

[wwwmangantayonkarruba.blogspot.com]

Nateng latta iti beinte-uno

 

Maikadua a sakmol ti nateng a sida

iti beinte-uno: uong, pallang ken bagas [bunga]

ti tugi. Bay-am man pay la ti nalanit.

Nateng latta!

.

[wwwmangantayonkarruba.blogspot.com]

Dinengdeng for life

 

Kastoy ti taraon a pamigsa iti tulang, lasag ken susuop, ken pagpasidap iti panunot dagiti pada a mangrabrabii nga agtrabaho—dinengdeng latta. For life.

Agiguptay’ iti digo ti bulong ti marunggay, ilay-sanglay [alugbati], pallang, bungat’ tarong a nasagpawan bassit iti uong ken aramang. Piman latta…

.

‘Maykayon ta nausan ti nanumo a sida, ne.

[wwwmangantayonkarruba.blogspot.com]

Nagasang ken digo

 

Nagasang ken digo--

Pagpaling-et, pangimas pay ti kaan: 

nagisar iti bassit a manteka a kayo

ti balangeg [kangkong] a nalaokan

iti lakaylakay [natadtad a bunga ti sili

ken bukel ti bawang].

[umuna a ladawan]

ken

Nateng latta met ti pagipapasan. 

Agiguptay' man ketdi iti digo ti rangaw

ti balangeg [kangkong], okra [saluyot-kayo]

ken uong napia la a pamedped iti bisin, piman.

[maikadua a ladawan]

'Maykayon sakbay a maibus, ne!

[wwwmangantayonkarruba.blogspot.com]

Tufo, Pasayang ken Uong...

Pangalistuan a luto--tufo a nagisaran iti pasayan[g]
ken uong, napatedtedan bassit iti red wine, ken nalaokan
ti corn starch, ginisa mix ken nawarakiwakan iti bulong ti lasona.

Baliwan mammet ti sida ta di pimpiman ti tian, apo.

'Maykan ta danggayannak a mangan, karruba!

[wwwmangantayonkarruba.blogspot.com] 

Napait, Nagasang...

Daytoy latta manen, a.

Wen, ana ngatat' ramanna no agtipon ti napait
ken nagasang? 

Dayta ti sida ita, nagisar a bungat' paria nga adda
laokna nga uong iti sardinas a nagasang. Hu! dimo
kuna ta pinatedtedak bassit iti cooking wine 
ken nawarakiwakan iti bulong ti lasaona. Solved!

Ala, 'maykayon ta pagrararaman ti nanumo a sida.
Piman. Manen...
.
.
.
[wwwmangantayonkarruba.blogspot.com]

Batso [Bacho] latta...

Batso (Bacho) a bungat’ karabasa a naigisaran iti taba ken lasag ti baboy nga inasmangak ti bungat’ paria, kuros kubbo, uong ken sabong ti katuday.

Masumok amin a klase a luto ti nateng ita a panawen ti krisis, piman.
(wwwmangantayonkarruba.blogspot.com)
.
#ilokanofood
#taraon
#batso
#taba
#lasag
#baboy
#bunga
#sabong
#karabasa
#paria
#uong
#kuroskubbo
#sida