Tinuno a Lapayag ti Baboy

Tinuno a lapayag ti baboy mammet ti isublat nga ikammet iti innapuy. Tedda a di naikiras iti panangsarabo ti baro a tawen, piman. Mayat, manso latta aglalo no adda koma parehana a serbesa.

'Maykan, karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #tinuno #lapayag #baboy #pulotan #pupus #sida #lutoniilokano #bulodaluto #lutoitibalay #ilokanoakditoyhawaii #makan #mangantayon #karruba #rudyramrumbaoa

 

Pork Belly iti Air Fryer

Daytoy mammet ti isublat nga ikammet iti innapuy ta di pimpiman datao: Pork Belly in Air Fryer.

Idumudumko iti bugguong a naperresan iti tubbog ti kalamansi ken lakaylakay. ‘Maykayon, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#porkbelly #lasag #taba #baboy #airfryer #taraon #taraontibagi #saguttibiag #ilokano #ilokanoakditoyhawaii #lutoniilokano #bukodaluto #lutoitibalay #sida #makan #dalikan #kusina #lamisaan #mangantayon #karruba #rudyramrumbaoa

 

Adobo a Luppo Kukod ti Baboy

Bukod a preparasion. Bukod a luto. Bukod a templa. Bukod a panagraman. Daytoy ti luto ni ilokano, "adobo a luppo-kukod ti baboy."

#wailuku #taraon #taraontibagi #adobo #lupppotibaboy #kukodtibaboy #saguttibiag #lutoniilokano #bukodaluto #lutoitibalay #sida #ilokanoak #ilokano #ilokanoakditoyhawaii #ilokanofood #ilokanodish #ilokanoreels #dalikan #kusina #lamisaan #mangantayon #karruba #makan #manganenkakabsat

Bukod a bersion ti "sisig"

Simple ken nanumo a presentasion ti bukod a kabaelan. Bukod a bersion ti awaganda iti "sisig."

Ala, pagraramanan. 'Maykayon, karruba!

[wwwmangantayonkarruba.blogspot.com]

Batso a Karabasa ken adda metten burluloyna

Naglutoak ti batso [bacho] a karabasa a naigisaran iti lasag ken taba ti baboy, adda bassit pasayang ken bungat’ utong a laokna—- ken pangay-ayo metten iti agik-ikkis a tian, piman.

No maibus, nasayaat. No saan, di saan. Basta.

[wwwmangantayonkarruba.blogspot.com]

Letson Baboy

Nasaripatpatak man a manarimaan ti luto da Pare Dante Rayo, alias "Pobreng Dukha" ken dagiti komparena iti letson baboy. Ket daytoy, pinadigoannak man. Gemasen nga isawsaw iti nakamatisan a bugguong, wenno patedtedan iti Mang Tomas, wenno ketsap.

Ngem bayat ti innak pannangan, ay-ayek manen ti bagik, piman. Agmaymaysa a mangmulmulagat iti taraon a kunam la no ti nakadasar a taraon ti manglamut kaniak. Anian, naimas ti taraon ngem awan met ganasko a mangan. Pimpiman.

Kasta a talaga. Masapul nga iruamen ti bagi...

[wwwmangantayonkarruba.blogspot.com]

Insarabasab a lapayag ti baboy

Insarabasab a lapayag ti baboy-- naperresan iti tubbog ti kalamansi, napatedtedan ti suka, bassit nga asin ken vetsin, nalaokan iti bungat' sili ken sibuyas. Dayta, natemplan!

'Maykan ta paganusan ti nanumo a sida, karruba!

[wwwmangantayonkarruba.blogspot.com]

Deep-fried pork ribs ti isublat a sida

Deep-fried pork [chopped] ribs with union fries ti sida, piman. Manso latta ta isu ti adda.

'Maykayon ta ikirastayo, karruba!

[wwwmangantayonkarruba.blogspot.com]

Nanumo a sida

Nagisar iti bassit a taba ken lasag ti baboy a bungat' karabasa a nalaokan ti utong, okra ken paria. Umanayen a pangap-ap iti tian ken pamedped ti bisin kadatao a mangrabrabii nga agtrabaho.

'Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Bungat' paria ken kardis

Nanumo a sida ngem anusan, piman.

Wen, nagisar iti sangkabassit nga iwa ti lasag ken taba ti baboy. Kalpasan a nagmanteka, nailudon a nailaok ti bungat' paria ken kardis. Nakamatisan, naikkan sibuyas, napatedtedan ti suyo ken nadikdikan iti sitsaron baboy. Huston, umanayen a pangap-ap iti agik-ikkis ken nabisinan a tian a nagpuyat iti trabaho. Kasta a talaga...

'Maykan, karruba!

[wwwmangantayonkarruba.blogspot.com]

Stir fry shrimps ken tufo

 

Baliwan mammet ti uso, piman: Stir fry Shrimps ken Tufo, ken adda sangkabassit burbuloyna a taba ken lasag ti baboy, carrots ken bell pepper. Pangalistoan a luto.

‘Maykan dika baybayagen, karruba!

[wwwmangantayonkarruba.blogspot.com]

Ti La Adda a Luto

Ay, ket paganusan manen, a, ti nageksperimuentoak a linuto a masida. Ta no dadduma, ti panaglutoan maysa a panageksperimento a mangtakkuat ken mangpartuat iti baro a klase a luto.

Kas koma ti daytoy nagang-angawak a luto, diak ammo ti pangawagda ngem nagresulta met a naimas piman.

Namarinada ti [puro] lasag ti baboy, naiprito. Nangigisarak iti [lokal] string beans, carrots, bell pepper ken sibuyas. Kalpasanna, pinagkakamborko ida. Pinatedtedak iti bassit a danum ken natempla. Impisokko ti gisantes [green peas]. Pinaatianak ti danum agingga a nagmanteka bassit. Ket ne, dayta.

Ala ‘maykayon ta pangramanyo met, karruba!

[wwwmangantayonkarruba.blogspot.com]

Adobo a puro bagis ti baboy

Isublat mammet ti agsida iti nalanit. Sagpaminsan. Uray ita lang manen.

Andingayentay’ man ketdi ti adobo a puro bagis ti baboy. Nangato ti uric acid level-na ngem iti daytoy a gundaway, ikidem. No agut-ot ti palaypalay ken nagsusuopan, itured ti sakitna. Ngem imasen. Imasen lattan. Ana pay maaramidan no naimas met, piman?

‘Maykan, a, ta mangantan, karruba!

[wwwmangantayonkarruba.blogspot.com]

Igado a lasag ken taba ti baboy

Anusan manen ti nanumo a grasia a maidasar iti lamisaan. Agyaman!

Bukod a bersion a luto ti igado a lasag ken taba ti baboy. Nalaokan la bassit iti gisantes [green peas] ken bell pepper [green]. Huston, mayaten. Makaanayen, piman.

'Maykayon, karruba!

[wwwmangantayonkarruba.blogspot.com]

Agkaldotayo mammet, ne.

Agiguptayo man ketdi iti digo ti lauya a puro karnet' baboy a nasagpawan ti bulong [adda bassit kayona] ti petsay. Nagsabor ti digo, mabang-aran ti rikna!

'Maykayon pada a nagpuyat a nagobra iti pagbiagan ti bagi ta agkaldotayo, ne.

[wwwmangantayonkarruba.blogspot.com]

#ilokanofood

#taraon

#lauya

#digo

#baboy

#karne

#petsay

#sida

Agiguptayo man ketdi iti digo ti lauya a tultulang ti baboy, karruba.

Agiguptay’ manen iti digo. Pagpapigsa. Naimbag daytoy kadagiti pada a mangrabrabii nga agtrabaho.

Anusan ti digo ti lauya a tultulang ti baboy nga inasmangak iti bulong ken kayo ti pechay, adda pay bassit sagpawna a bulong ti sili napia la a mangpasabor ti ramanna ken kired metten dagiti susuop ken pagpasidap ti mata.

‘Maykan, umayka. Agawaam ti umay ta ur-urayenka, karruba!

[wwwmangantayonkarruba.blogspot.com]

Nageksperimentoak la a linuto a masida

 

Paganusan, a, ti nageksperimentoak a linuto a masida. Ta agpayso, ti agluto maysa met a panageksperimento a mangtakkuat ken mangpartuat iti baro a klase ti luto.

Kas koma iti daytoy nagang-angawak a linuto. Kinapudnona, diak ammo ti pangawagda ngem nagresulta met a naimas ti ramanna, piman.

Kastoy nay ti inaramidko ne: immarinadak ti [puro] lasag ti baboy nga impritok. Inlasinko. Nangigisarak [iti sabali a paryok] iti [local] string beans, carrots, bell pepper ken sibuyas. Kalpasanna, pinagkakamborko amin ida agraman ti naprito ken namarinada a lasag ti baboy. Pinatedtedak iti bassit a danum ken natempla iti kaustoanna a raman. Impisokko ti gisantes [green peas]. Pinaatianak ti danum agingga

a nagmanteka bassit. Ket ne, dayta.

Ala 'maykayon ta ramananyo man, karruba!

[wwwmangantayonkarruba.blogspot.com]

Pinakbet latta, karruba!

Pinakbet a bungat’ sili ken okra [saluyot-kayo] a naigisaran bassit iti taba ken lasag ti baboy. Makaanayen a pareha ti innapuy, piman.

'Maykan ta agdanggayta man a mangan, karruba.

[wwwmangantayonkarruba.blogspot.com]

Pinakbet manen, piman

 

Pinakbet a bungat’ sili ken okra [saluyot-kayo] a nalaokan iti bassit a taba ken lasag ti baboy. Daytoy ti sida nga anusan nga ikammet iti innapuy ita. Ay, kastoy latta ti sida dagiti pada a tagaaw-away, piman.

'Mayka man ta danggayannak a mangan, karruba!

[wwwmangantayonkarruba.blogspot.com]

Pinakbet latta ti ipelpel iti tian

Pinakbet manen ti sida nga ipelpel iti tian, piman. Imasen ngem manso!

Diak kauma.

Ala wen, anusan ti bungat' okra [saluyot-kayo], pallang ken paria nga adda bassit burluloyna a lasag ken taba ti baboy ken nasagpawan pay iti pasayan[g].

'Maykayon, karruba!

[wwwmangantayonkarruba.blogspot.com]