Salad a Nateng

SALAD a sabong ti mula a katuday iti arubayan, bungat' utong ken rangaw ti kalunay iti hardin ti taraon ti bagi ti nanumo a sida ita, piman. Ay wen, ala kadi latta. Napia pay, ala.

'Maykayon, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #salad #sida #makan #sabong #bunga #katuday #utong #rangaw #kalunay #hardintitaraontibagi #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa

 

Digo ken Salad

Dagitoy ti agpapareha ita-- bulong ti marunggay, bungat' tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken pada a nangisit ti sikona.

Ken adda pay nayonna, salad a pechay [bulong ken ungkay] a nakamatisan, naigilapan ken naitadtadan ti sibuyas ken laya, napatedtedan iti bassit a bugguong. Nateng latta a di kaum-uma ti ikammet iti innapuy, piman.

'Maykayon ta pagraramanan ti nanumo a sida, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #bulong #bunga #marunggay #tarong #utong #salad #pechay #ilokanoak #ilokanoakditoyhawaii #lutoniilokano #bukodaluto #lutoitibalay #sida #makan #digo #dalikan #kusina #lamisaan #mangantayon #karruba #rudyramrumbaoa

Salad Man, Karruba!

Daytoy man ketdi salad nga uggot ti kalunay ken bungat' utong ti ikammet iti innapuy ita nga aldaw a mannarimaan pay laeng nga ibasbasnot ti maikadua a Kona Low ti pungtotna ditoy isla iti Hawaii. Nagsaruno la ketdin iti uneg ti dua a lawas a nagbisita ti Kona Low iti Hawaii, piman.

Nupay kasta, 'maykayon ta pagraraman ti nanumo a sida, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #taraontibiag #saguttibiag #nateng #salad #uggot #kalunay #bunga #utong #sida #makan #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa

Agiguptayo iti Digo, Karruba!

Ney! Pangngaldaw mammet gayamen. Nagalistot' oras, aya? Ket wen, agiguptay’ man ketdi iti digo ti bulong ti marunggay, okra [saluyot-kayo] ken bungat’ utong a nasagpawan iti prito a tilapia.

Anusan ti sida, karruba. 'Maykayon, ne!

.

.

.

.

.

Dalikan, Kusina ken Lamisaan:

MANGANTAYON, KARRUBA!

#taraon #taraontibagi #saguttibiag #digo #sida #nateng #marunggay #bulong #okra #bunga #utong #wailuku #prito #tilapia #dalikan #kusina #lamisaan #mangantayon #karruba #ilokano #ilokanoakditoyhawaii #ilokanofood #ilokanodish #lutoniilokano #bukodaluto #lutoitibalay

[wwwmangantayonkarruba.blogspot.com]

 

Batso a Karabasa ken adda metten burluloyna

Naglutoak ti batso [bacho] a karabasa a naigisaran iti lasag ken taba ti baboy, adda bassit pasayang ken bungat’ utong a laokna—- ken pangay-ayo metten iti agik-ikkis a tian, piman.

No maibus, nasayaat. No saan, di saan. Basta.

[wwwmangantayonkarruba.blogspot.com]

Nanumo a sida

Nagisar iti bassit a taba ken lasag ti baboy a bungat' karabasa a nalaokan ti utong, okra ken paria. Umanayen a pangap-ap iti tian ken pamedped ti bisin kadatao a mangrabrabii nga agtrabaho.

'Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Nateng latta ti sida

Dagitoy ti agpapareha ita: bulong ti marunggay, bungat’ tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken no kastoy nga aglulemlulem ti tiempo ken kasla kayatna nga ibuyat ti tudo. Nasustansia, ngem ala, anusan.

Ken adda pay nayonna-- salad a pechay [bulong ken kayo] a nakamatisan, naigilapan ken natadtadan ti sibuyas ken laya, nalaokan iti bassit a bugguong ken vetsin. Nateng latta ngem nagimas man nga ikammet iti innapuy.

‘Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Salad manen, ne.

Salad manen. Nateng latta a di kauma. Ramanantay’ man ti salad a bungat’ utong ken netib (natibo) a parda. Manso. Tira!

‘Maykan, karruba!

[wwwmangantayonkarruba.blogspot.com]

Pinakbet a sabong ti katuday, sabali a raman ti luto...

Pinakbetko ti sabong ti katuday ken linaokak iti bungat’ paria ken utong a nasagpawan ti aramang. Sabali a raman ti luto. Sabali a partuat ken eksperimento. Bukod a bersion. Mayat, manso, ikiras!

‘Maykan ne, karruba!

[wwwmangantayonkarruba.blogspot.com]

Salad mammet ti isublat

Daytoy man la ti ibulonko iti innapuy ita a naanus unay ti tudona nga agtupak ditoy batogko a tangatang. Pangalistuan nga isakmol-- salad nga utong ken sabong ti katuday. Makaanayen daytoy a pamedped ti bisin, piman.

Ala wen ti sida. 'Maykayon ta mangantayon, karruba!

[wwwmangantayonkarruba.blogspot.com] 

Pinakbet manen

Ket wen, daytoy manen. Daytoy ti pagipapasan nga ibulon iti innapuy—pinakbet a bungat’ tarong, paria ken utong a nasagpawan bassit iti chicharon baboy (nakarahay/bagnet). Anusan kinanumo ti sida, piman.

‘Maykayon,karruba!

[wwwmangantayonkarruba.blogspot.com]

Agiguptay' iti digo, apo!

 

Ney! Pangngaldaw mammet gayamen. Nagalistot' oras, aya? Ket wen, agiguptay’ man ketdi iti digo ti bulong ti marunggay, okra [saluyot-kayo] ken bungat’ utong a nasagpawan iti prito a tilapia.

Anusan ti sida, karruba. 'Maykayon, ne!

[wwwmangantayonkarruba.blogspot.com]

Nateng ken unnok, mayat!

Hu! Daytoy lattan ti pangdarasan a sida: [na]salad a sabong

ti katuday, rangaw ti paria ken ilay-sanglay [alugbati] ken

adda sangabukel a bungat' paria ken maysa ramayan nga utong.

Linaokak iti kamatis ken lasona.

Daytoy ti pagsayaatanna no adda mula a nateng iti hardin

ti taraon ti bagi, adda nakasagana a burasen wenno purosen

a paglaok iti kumporme a maluto a masida.

Saan la a dayta, inasmangak ti salad iti binugguongko nga unnok.

Mayat ti balanse ti ramanna, piman.

'Maykayon, karruba!

[wwwmangantayonkarruba.blogspot.com]

Batso mammet ti isublat, ne.

Daytoy ti linutok, batso [bacho] a bungat' karabasa a nalaokan iti nagisar a karne ken taba ti baboy, adda bassit burluloyna a pasayang ken bungat' utong napia la nga adda met dekorasionna, piman.

No maikiras, nasayaat. No saan, di saan...

basta.

Iyayabko lattan kadakayo a mayat a makitomal a karruba! 

[wwwmangantayonkarruba.blogspot.com]

Nateng latta

 

Nagisar a puro bungat' utong iti tallo kutsara

a manteka. Wen, makaanayen a pangay-ayo iti 

agrungrungaab a tian, piman. Anusan, a.

'Maykayon, karruba!

[wwwmangantayonkarruba.blogspot.com]

Prito a tilapia ken nateng latta

Daytoy ti nagsangnguanmi a sinida ken ni baket,

prito a tilapia a linaokak ti bungat' paria, 

sili ken utong a nagisar iti bassit a manteka

napia la nga adda dekorasion ti taraon.

Makaanayen a mangpaulimek iti agik-ikkis a tian,

piman. Ala wen, umaykayon karruba!

[wwwmangantayonkarruba.blogspot.com]

 

Batso manen, karruba

Batso [Bacho] a bungat' karabasa a nalaokan iti utong, okra ken paria ken naigisaran bassit iti taba ken lasag ti baboy. Umanayen a pangap-ap iti tian ken pamedped ti bisin kadatao a mangrabrabii nga agtrabaho.

'Maykayon ta pagraramanan ti nanumo a masida, karruba.

[wwwmangantayonkarrub.blogspot.com]

 

Nateng manen, karruba.

Ay, nateng latta. Bungat' tarong, utong ken pallang

a nalaokan iti nagisar a lasag ken taba ti baboy.

Wen, manso! Anusan, anusan daytoy nanumo a sida

nga ipareha iti innapuy, piman.

'Maykan, karruba!

[wwwmangantayonkarruba.blogspot.com]

 

Prito a Tilapia a naparabawan iti nagisar a nateng

Prito a tilapia a naparabawan iti nagisar 

a bungat' utong, okra [saluyot-kayo],

paria, patani ken marunggay. Daytoy ti nanumo

a sida napia la a pangay-ayo iti boksit 

nga agrungrungaab ita, piman. Ala wen,

anusan ti piman a sida dagiti pada a nangisit

ti sikona.

'Maykayon ta mangantayon, karruba!

[wwwmangantayonkarruba.blogspot.com]

Nateng manen...

Nateng manen, nateng latta.

Agiguptay’ man ketdi iti digo ti inabraw— bungat’ tarong, patani, utong, okra (saluyot-kayo), sabong ti katuday ken adda pay sagpawna nga uong napia la a pamigsa nga agitured iti lamiis dagiti pada a mangrabrabii nga agsapul iti pagbiag, piman.

Manso! Ibusen, arub-oben ti kinasustansia ti masida. Dikan baybayagen, ‘maykan, karruba!

[wwwmangantayonkarruba.blogspot.com]