Agsidatayo mammet iti torta a tarong.
[wwwmangantayonkarruba.blogspot.com]
Monday, April 19, 2021
Adda met gayam bunga ti sili
adda met gayamen bunga ti mula
a sili [hot pepper] a ginatangko
a nakamasetera dita home depot.
diak la ammo no agbayag met
daytoy a mulak.
[wwwmangantayonkarruba.blogspot.com]
Nagsabong-nagbunga
uray ti mula nga utong, nagaget met nga agsabong-agbunga.
[wwwmangantayonkarruba.blogspot.com]
Parabur ti kardis
adda manen parabur ti mula a kardis. ala wen,
napia la nga adda nayon a paglaok iti masida.
[wwwmangantayonkarruba.blogspot.com]
Katuday latta
adda met sangasupot a napuros a sabong ti katuday,
piman. pinukanko ti dadduma a sangana ta agusarak metten
iti agdan no agpurosak ti sabongna.
ay napia pay, adda nayona masida.
[wwwmangantayonkarruba.blogspot.com]
Thursday, April 1, 2021
Pinakbet a di kauma
Manen, agsidatay’ iti pinakbet a di kauma. Umaykan ta pagsanguanta ti masida, karruba. Agan-anuska ta isut’ nanumo a maidasar iti lamisaan, ala.
Dagiti ladawan iti hardin ti taraon ti bagi ita nga aldaw
Mula a lasona, laya, napuros a bungat’ kamatis ken patani, mula nga utong ken paria.
Imbaliktad a pasayang
Daytoy man imbaliktadko iti apagdillaw a manteka a pasayang ti isublat bareng adu met maibulonna nga innapuy, ala. Saan a pangkomersial isu a bassit la ti rekadona.
No kayatmo a ramanan, ‘maykan karruba!
Salad a rangaw ken bungat' paria, ken tinuno a sabong ti katuday
Saan pay a naungaw ti bayrus isu a daytoy ti sida nga ipasango kenkuana-- no kabaelanna a tumbaen ti imasna.
Anusan ti salad a rangaw ken bungat' paria a naipreha iti tinuno a sabong ti katuday. Mayat a kombinasion. Nasustansia ketdi.
Nateng latta iti panawen ti di met laengen agngudo a pandemia, piman. 'Maykan, karruba!
Bacho [Batso] a karabasa [ken okra]
Bacho (Batso) a bungat’ karabasa a naipartner iti okra (saluyot-kayo), nagisar a lasag ken taba ti baboy ken nasagpawan ti aramang. Awan adu a nateng a laokna, piman.
Pagraramanan, ne. ‘Maykan, karruba!
Agiguptay' iti digo, karruba!
Agiguptay’ iti digo ti rangaw ti kamotig ken kalunay, pallang ken okra (saluyot-kayo) a nasagpawan iti prito a lasag ti manok. Makaanayen a mangdengngep ti malamlammin a boksit.
Naimbag daytoy a sida dagiti pada a nangisit ti sikona, nangruna dagiti mangrabrabii nga agtrabaho— nasustansia. ‘Maykan, karruba!
Liningta a lames ti salmon
Isublat ti seafoods a sida,
liningta a lames ti salmon.
'Maykan ta ikammet iti innapuy, karruba!
[wwwmangantayonkarruba.blogspot.com]
Subscribe to:
Posts (Atom)