Batso [Bacho] latta...

Batso (Bacho) a bungat’ karabasa a naigisaran iti taba ken lasag ti baboy nga inasmangak ti bungat’ paria, kuros kubbo, uong ken sabong ti katuday.

Masumok amin a klase a luto ti nateng ita a panawen ti krisis, piman.
(wwwmangantayonkarruba.blogspot.com)
.
#ilokanofood
#taraon
#batso
#taba
#lasag
#baboy
#bunga
#sabong
#karabasa
#paria
#uong
#kuroskubbo
#sida

Iti panawen ti krisis, makikooperar met dagiti mula...

Pagpiaanna, ammo met dagitoy mula a pagbiagan ti makikooperar iti panawen ti krisis. Kas koma iti mula a katuday, adda manen napurosko a sabongna. Uray ti mula a papaya, addan nakasagana a bungana a mapuros ken kumpormet’ pakailaokonna.

Iti panawen ti krisis, masursurotay’ ti aginut ken ti ad-adda pay a panagsalukag, panagkaykaysa ken panagsakripisio... tapno malasatan ti agdama a rigat a pagpaspasaran ti lubong.

(wwwmangantayonkarruba.blogspot.com)
.
#ilokanofood
#taraon
#mula
#hardin
#sabong
#katuday
#bunga
#papaya
#sida

Adda met nakasagana...

Adda met nakasagana a bunga ti bayawas (guakol/guapol) a purosen napia la a pamedped iti bisin. In-inuten a marikna ti rumigrigat a panagbiag gapuanan ti krisis iti sangalubongan. Napia laeng ketdi ta adda met dagitoy a bunga nga alisto nga ipauneg.

No maminsan, kasla saanka payen agtalek a gumatang ti masida iti store gapu ta ditay’ met ammo no kasanot’ pannakaisagana dagiti taraon. Napimpintas laengen a datayo a mismo ti mangluto ti taraon nga ipauneg tapno malapdan ti ad-adda pay a panagwaras ti bayrus.

Awan met ketdi. Kunak lang, piman.
(wwwmangantayonkarruba.blogspot.com)
.
#ilokanofood
#taraon
#bayawas
#guakol
#guapol
#wailuku
#hardin

Nateng latta ti panglaban ti bayrus...

Mangantayon, karruba! Anusan, a, ti sida;
[na]salad a rangaw/uggot ken bungat' paria
a nalaokan iti natuno a sabong ti katuday.
Nasustansia a taraon iti panawen ti krisis.
Wen, nateng latta ti panglaban ti bayrus.

[wwwmangantayonkarruba.blogspot.com]

#ilokanofood
#taraon
#salad
#rangaw
#uggot
#bunga
#sabong
#paria
#katuday
#sida 

Digo ti nateng: karabasa, marunggay ken uong

Agiguptay' man ketdi iti digo ti nateng:
sabong ken uggot/rangaw ti karabasa,
bulong ti marunggay ken uong. Pamigsa
a panglaban iti agraraira a bayrus.

Anusan ti kinanumo ti sida.
[wwwmangantayonkarruba.blogspot.com]

#ilokanofood
#taraon
#inabraw
#sabong
#uggot
#rangaw
#karabasa
#bulong
#marunggay
#uong
#sida

Agigup ti digo ken agus-os iti bungat' marunggay. Nateng latta...

 Agiguptay' man ketdi ti digo ken agus-os iti bungat'
marunggay a nalaokan ti pallang ken nasagpawan
iti [na]prito a galunggong napia la mangdengngep
ti agkutkutiperperen a boksit iti panawen ti krisis.

Anusan, karruba.
[wwwmangantayonkarruba.blogspot.com]

#ilokanofood
#taraon
#digo
#bunga
#marunggay
#pallang
#prito
#galunggong
#sida

Pinablad a Balatong

Pinablad a balatong a nasagpawan iti sabong ti katuday
ken rangaw/uggot ti paria ti pangkigtot kadaytoy
agraraira a bayrus.

Anusan manen ti kinanumo ti masida.

[wwwmangantayonkarruba.blogspot.com]

#ilokanofood
#taraon
#pinablad
#balatong
#sabong
#katuday
#rangaw
#uggot
#sida

Ay, nateng latta!

Agiguptay’ man ketdi iti digo ti bungat’ tabungaw napia la a mangdengngep iti agkirkiraos a boksit. Awan adu a laokna, makaanayen ti sangkabssit a sabong ti katuday, aramang ken bulong ti lasona. Anusan ti sida, nasamay (kano) a panglaban iti agdama nga agraraira a bayrus.
.
(wwwmangantayonkarruba.blogspot.com)
#ilokanofood
#taraon
#inabraw
#bunga
#tabungaw
#sabong
#katuday
#aramang
#bulong
#lasona
#sida

Pinakbet a bulong ti bawang mammet, la...

Pinakbet a [puro] bulong ti bawang a nasagpawan
iti aramang ti nagammatan a linutok a sida.

Pagpapasanen, piman.

[wwwmangantayonkarruba.blogspot.com]

#ilokanofood
#taraon
#pinakbet
#bawang
#bulong
#aramang
#sida

Adobo a Pusit

Baliwak mammet ti potahe, [na]adobo a pusit [squid]
a naigisaran ti lasag ken taba ti baboy ti ikammet
iti innapuy.

'Maykayon ta pangramanan ti nanumo a sida, piman.

[wwwmangantayonkarruba.blogspot.com]

#ilokanofood
#taraon
#adobo
#pusit
#lasag
#taba
#baboy
#sida

Agiguptayo iti Digo ti Tinola a Manok

Digo ti tinola a manok ti isublat nga igupen. Sinagpawak man iti rangaw/uggot ti paria, bunga ti papaya
ken sabong ti katuday a mangpasabor ti ramanna.

'Maykayon ta pagraramanan, ne.

[wwwmangantayonkarruba.blogspot.com]

#ilokanofood
#taraon
#tinola
#manok
#rangaw
#uggot
#paria
#bunga
#papaya
#sabong
#katuday
#sida

Adobo a Bagbagis ti Baboy

Agsidatay' mammet iti [na]adobo a puro
bagbagis ti baboy. Nangato ti uric acid-na daytoy,
ngem naimas met ti maiparit. Pagpiaanna, adda
nakasagana nga agas, hehehe!


'Maykayon ta ikirastayo, ne!

[wwwmangantayonkarruba.blogspot.com]

#ilokanofood
#taraon
#adobo
#bagbagis
#baboy
#sida

Parabur a Nateng iti Hardin ti Pagbiagan

Gundawayan kaadu ti parabur dagiti nateng iti hardin ti pagbiagan amangan no awanton ti sunotna.
Wen, agsidatay’ manen iti (na)salad a sabong ti katuday, bunga ti utong ken rangaw/uggot ti paria a nalaokan bassit ti bulong ti lasona. Nateng lang ngem nagimas man nga ibulon iti innapuy, piman. ‘Maykayon pada a nangisiti ti sikona ta anusan ti nanumo a sida.
[wwwmgangantayonkarruba.blogspot.com]
..
#ilokanofood
#taraon
#salad
#katuday
#utong
#rangaw
#uggot
#paria
#sabong
#bunga
#lasona
#sida