Pinakbet Latta...

Pinakbet. Ay, pinakbet ti pangpelpel ti tian. Makaanayen a pamedped ti bisin. Ala wen, nateng latta...
.
[wwwmangantayonkarruba.blogspot.com]

#ilokanofood
#taraon
#pinakbet
#pasayang
#lasag
#taba
#baboy
#sida

Nalingta a Tilapia...

Isublatko mammet ti nalingta/nilingta a tilapia a sida nga inap-apak ken sinagpawak iti uggot/rangaw ti kamotig.
.
Ala wen, ageksperimentotayo latta nga agluto, no aniat’ mabalin a maluto ken lutuen nangruna ita a panawen ti krisis. Saanen a nasken nga agsapul iti naimas a sida. Ti nasken, adda ap-ap, pamedped ti bisin ken pamigsa a pangontra ken pagitured iti bayrus.
.
‘Mangantayon, Karruba!
.
(wwwmangantayonkarruba.blogspot.com)

#ilokanofood
#taraon
#nilingta
#nalingta
#tilapia
#uggot
#rangaw
#kamotig
#sida

Ay, Sabong. Sabongko a Katuday...

Itay nabiit, adda napuros ni baket a sabong ti mula a katuday. Ket itay bigat apaman a nakasangpetak a naggapu iti trabaho, napanko sinirig. Ket ne, adda manen napurosko a sabongna.

Ay, pagyaman ta uray kaskasano a rigat ti biag, adda latta maiparaburna a nayon a maisaang iti dalikan, piman. 

 [ wwwmangantayonkarruba.blogspot.com]

Marunggay. Marunggi...

Itay la bigat a nadlawko a natatayag met man gayamen ti mula a marunggay. Kasapulan man ngaruden ti pannakapukanna numuna ket nalukmeg dagiti sangana.

Imbag la ketdin ta makatulong met daytoy a mula para iti inaldaw a pagbiag, piman. 

[wwwmangantayonkarruba.blogspot.com]

Sabong ti Katuday ken Pakpako...

Natuno a sabong ti katuday a naikambor ti nagisar a pakpako ken natempla iti sangkabassit a lakaylakay (naglaok ti natadtad a bungat’ sili ken bawang), bugguong ken kamatis. Makaanayen a pareha ti innapuy, piman. .

‘Maykayon ta pagraraman ti nanumo a sida...

.
[wwwmangantayonkarruba.blogspot.com]
.
#ilokanofood
#taraon
#sabong
#katuday
#pakpako
#lakaylakay
#sida

Ala wen, dika maum-uma...

IDI Biernes Santo, adda napurosko a sabong ti katuday. Ita nga aldaw ti Paskua ti Panagungar (Domingo Alleluia), adda manen. Kasla palabsek la ti maysa nga aldaw, addanto manen.

Pagyamanan ketdi ta nagaget nga agsabong daytoy mula a katuday. Dakkel a kabadangan a paglaok iti kumporme a masida nangruna ita a panawen ti krisis.

Ala wen, dika maum-uma.
.
(wwwmangantayonkarruba.blogspot.com)

#ilokanofood
#taraon
#katuday
#sabong
#wailuku
#hardin
#sida

Insarabasab a karne ken taba ti baboy...

Ar-arapaapen met ti agsida ti kastoy ita a panawen ti COVID-19. Anusan. wen, anusan ti sangkabassit a insarabasab a karne/taba ti baboy napia la pangray-aw ti agdadanag ken mabisbisinan a boksit. Napia lang, piman...

[wwwmangantayonkarruba.blogspot.com]
.
#ilokanofood
#taraon
#insarabasab
#taba
#karne
#sida

Anusan, anusan. Piman, piman...

Agigup digo ti uggot/rangaw ti karabasa ken bulong ti marunggay iti panawen ti angol. Anusan, anusan. Piman, piman...

(wwwmangantayonkarruba.blogspot.com)
.
#ilokanofood
#taraon
#uggot
#rangaw
#bulong
#karabasa
#marunggay
#digo
#sida

Opihi. Opihi mammet!

Daytoy mammet opihi a naigisar bassit iti manteka, bawang ken laya ti isublat a sida bareng adu ti maibulonna nga innapuy. Babassit ti bagasna ngem ala, paganusan.

(wwwmangantayonkarruba.blogspot.com)
.
#ilokanofood
#taraon
#opihi
#nagisar
#sida

Daytoy mammet ti isublat...

Seafoods mammet ti isublat nga stomach progress. Makaanay met siguron ti tallo piraso a (na)prito a mataan a sidaen ti dua a tao. Wen, makaanayen a pamedped iti bisin aglalo no maasmangan iti nagilap a kamatis, wenno isawsaw iti suka. Hmm...Ala, paganusanen.
.
(wwwmangantayonkarruba.blogspot.com)
.
#ilokanofood
#taraon
#prito
#mataan
#sida

Sabong ti katuday, natuno.

Natuno a sabong ti katuday ti ikammet
iti innapuy. Nateng latta. Anusan, piman.


wwwmangantayonkarruba.blogspot.com
#ilokanofood#taraon
#natuno
#sabong
#katuday
#sida