Natuno a sabong ti katuday

Ay, maulit-ulit latta daytoy a klase ti masida. Ta malaksid laeng a simple ti pannakaisagana ti nateng, alisto pay a maluto. Ken naimas met ngamin, karruba.

Natuno a sabong ti katuday a naipareha iti nagisar a pakpako, natempla iti sangkabassit a lakaylakay [naglaok ti natadtad a bungat’ sili ken bawang] ken sangkatedted a bugguong. Makaanayen a kabinnulig ti innapuy, piman.

‘Maykayon ta pagraraman ti nanumo a sagana iti lamisaan...

[wwwmangantayonkarruba.blogspot.com]

Salad latta

Salad a rangaw ken bungat' paria a nalaokan iti natuno a sabong ti katuday ti sida a pagsasangngoan iti lamisaan. Agaria nga agsabong ti mula a katuday isu nga alistoan met ti agpuros, piman.

Ala wen, nateng latta. 'Maykan ta mangantan, karruba!

[wwwmangantayonkarruba.blogspot.com]

Natuno a Sabong ti Katuday

Baliwak mammet ti uso ta saan a daytay nakaruaman

a kamatis ken bugguong ti pagtempla iti natuno

a sabong ti katuday no di ket Kim Chee Base 

ken Tabasco. Ngem gapu ta diak mapnek iti gasangna,

ninayonak pay iti lakaylakay [natadtad a bunga

ti silit' sairo ken bukel ti bawang]. Ket ne, whew!

Gemasen.

'Maykayon ta ramananyo ti nanumo a sida, piman.

[wwwmangantayonkarruba.blogspot.com]

 

Natuno a sabong

Natuno a kappuros a sabong ti katuday

manipud iti hardin ti taraon ti bagi

ti ipareha iti innapuy. Nateng latta.

Anusan manen ti sida, piman.

'Maykan, karruba!

[wwwmangantayonkarruba.blogspot.com]

Insarabasab/Natuno a Karne ken Taba ti Baboy

wwwmangantayonkarruba.blogspot.com

Uray no ang-angalek pay la ti sakit ti akin-kannigid
a palaypalayko gapu iti gout, mapawilandak ngarud
nga agsida ti insarabasab/natuno a taba ken karne
ti baboy? Hu! Baam man, kumpad. "No apay ketdi ngamin
a naimas ti maiparit, a?" Ngem agingga nga adda agas
a pangagas iti daytoy, mangantayo ketdi ta saan met
a kanayon ti agsida ti kastoy. 'Maykayon, ne!

Sabong ti katuday, natuno.

Natuno a sabong ti katuday ti ikammet
iti innapuy. Nateng latta. Anusan, piman.


wwwmangantayonkarruba.blogspot.com
#ilokanofood#taraon
#natuno
#sabong
#katuday
#sida 

Nanumo a masida. Simple a taraon ngem nasustansia. Maysaak nga ilokano, nangisit ti sikona. ‘Maykayon Karruba ta agsidatayo iti natuno a bungat’ sili!

wwwmangantayonkarruba.blogspot.com

Daytoy man ti ibulon iti innapuy, tinuno/natuno a bungat’ okra (saluyot kayo) napia la a pamedped iti bisin, piman. Ket no plano(m) ti makilabing-loving ken ni lakay/baketmo no rabii, ay, ket daytoyen ti maysa a kasamayan a masida a mangparugso iti rikna ken mangpaingar kadagiti laslasag ta maibilang nga aphrodisiac foods ti okra .

                       Maibilang nga aphrodisiac foods ti okra [saluyot kayo]

An aphrodisiac is defined as a food or drug that arouses  sexual instinct, brings on desire or increases sexual pleasure or performance. (wwwmangantayonkarruba.blogspot.com)

Food Lover: Grilled pork ribs. Pagpapasan mammet, piman.

wwwmangantayonkarruba.blogspot.com

Natuno a bungat’ sili ti ikammet iti innapuy. Anusan kinanumo ti masida, piman. Ne, pada a nangisit ti sikona, ‘maykayon ta pagraramanan ti adda...

wwwmangantayonkarruba.blogspot.com

Nakamatisan ken nabugguongan a natuno a bungat’ sili ti ibulon iti innapuy. Napia la a pamedped ti bisin, piman. Anusan latta, pagyamanan ti adda...

wwwmangantayonkarruba.blogspot.com

Natuno a puro lasag ti baka. Pulotan wenno sida? Agpadpada. ‘Maykayon ta ratsaentayo, ne.

wwwmangantayonkarruba.blogspot.com

Sus! Napaksetkon sa met unay daytoy tinunok a susop ti saba, piman. Ngem ala, pagpaimasnan no adda man paitna.

Natuno a Susop ti Saba

Natuno a lames ti mataan [akule] a nayaramidan ti pagsawsawan a naglaok iti suyo, suka ken kalamansi, ken naipareha iti bugguong nga aramang a naigisaran bassit ti taba ken karne ti baboy ken naikkan iti lakaylakay a pangpaadatna.

Natuno a lames ti mataan

Natuno/Tinuno a karnet' baboy...

Natuno/Tinuno a karnet' baboy

Yantangay umuna nga aldaw ti bulan ti Marso, busatak man ti agsida ti natuno/tinuno a bungat' sili ken okra. Naimbag a kombinasion-- aphrodisiac ken pagpabara iti rikna, nasustansia ken maysa a paggugusto a taraon nga ikammet iti innapuy dagiti pada a nangisit ti sikona. Anusanen ti kinanumo ti masida, piman...

Natuno/Tinuno a Bungat' Sili ken Okra

Natuno/Tinuno a bagis ti baboy ti pupus/pulotan a naimbag a maipareha iti ilidok a red wine.

Natuno/Tinuno a bagis ti baboy

Natuno/Insarabasab a [puro] karnet' baboy, natempla iti patis ken vetsin ken nalaokan bassit iti dua bukel a kamatis ken nawarakiwakan iti bulong ti lasona

Natuno/Insarabasab a [puro] karnet' baboy

Nalpasen a natuno ti kukod/luppo/saka ti baboy a mannarimaan a maisagana para iti sabali a bansada ti tomal. Naimas ken nagimbag a diguan/ lauyaen. Sigurado a nasabor ti digona. Hmm...'nia ngata ti mabalin nga isagpaw?

Natuno a kukod/luppo/saka ti baboy

Natuno a galunggong [layang scad]

Natuno [grilled] a galunggong [Layang Scad]