Liningta a Galunggong

 

Liningta a galunggong [baby layang scad]

ti kirasen iti lamisaan. Anusan, a.

[wwwmangantayaonkarruba.blogspot.com]

Ditoy Hardin ti Taraon ti Bagi

 

Mayat met pasindayag panagdakkel dagitoy a mula

iti hardin ti taraon ti bagi, piman. Makaay-ayoda man.

1. Oregano

2, 3. Katuday, Pias

4, 5. Kalamansi, Kahel 

6. Marunggay

7. Kamatis

8. Gisantes

9. Sibuyas

1o. Lasona

11. Asparagus

12. Kangkong [Balangeg]

13. Saba [Tukol]

14. Papaya

15. Utong, Paria

16. Okra [Saluyot-Kayo]

17. Karabasa

18. Arabic Coffee

[wwwmangantayonkarruba.blogspot.com]

Tinuno a sabong ti katuday ken nagisar a pakpako

 

Gapu ta diak natiliw ti manok a partiek koma, daytoy lattan

ti paganusan a sida-- tinuno [natuno] a sabong ti katuday

a linudonak iti nagisar nga ungkay [kayo] ti pakpako

a natempla iti bassit a Kim Chee Base ken lakaylakay 

[nagtipon a natadtad a bukel ti bawang ken silit' sairo].

Umaykan ta ramanam no maituredmo ti gasangna, karruba!

[wwwmangantayonkarruba.blogspot.com]

Kippi ti Maui

 

Daytoy man imbaliktadko iti sangkabassit a manteka a kippi ti Maui ti ikammet iti innapuy bareng dina riingen ti matmaturog a gout. Sagpaminsan met la ketdi nga agsida datao ti kastoy, piman.

Ala ‘maykan ta ramanam, karruba!

[wwwmangantayonkarruba.blogspot.com]

Tufo, Pasayang ken Uong...

Pangalistuan a luto--tufo a nagisaran iti pasayan[g]
ken uong, napatedtedan bassit iti red wine, ken nalaokan
ti corn starch, ginisa mix ken nawarakiwakan iti bulong ti lasona.

Baliwan mammet ti sida ta di pimpiman ti tian, apo.

'Maykan ta danggayannak a mangan, karruba!

[wwwmangantayonkarruba.blogspot.com] 

CALIENTE [Kaliente].Bukod a bersion. Bukod a templa. Bukod a panagraman. Piman latta. Anusan manen...

Caliente [Kaliente]

Napulpogan a kudil/lalat ti baka

*[Ilocano Cow or Carabao Skin Salad]

.

[wwwmangantayonkarruba.blogspot.com]

Agiguptay' ti digo, karruba!

Daytoy mammet ti isublat nga arub-oben ti digona,
lauya a luppo ti baboy a nasagpawan iti repolio.
Sagpamisan met no adda mairana ta di pimpiman lattan
ti boksit.
.
Ala wen, 'maykayon ta pagraramanan nga igupen ti digona, ne...
.
[wwwmangantanyonkarruba.blogspot.com]

Daytoy ti isublat nga ikammet iti innapuy, tinuno a sabong ti katuday

Isublat mammet daytoy nakamatisan
a tinuno/natuno a sabong ti katuday
nga ikammet iti innapuy. Pinurosko
iti hardin ti taraon ti bagi. Ay napia lang,
piman. Anusan manen kinanumo ti sida.
.
'Maykayon ta pagraramanan, karruba!

[wwwmangantayonkarruba.blogspot.com]

Nalingta/Liningta a Bukto

Bukto, nasalaponko itay napanak iti store. Nangina ngem inkidemko ti bayadna. Liningtak ta mapausanak unay nga agsida ti kastoy, piman. Umanayen daytoy a mangibulon ti adu nga innapuy.

‘Maykan ta manganta, karruba!
[wwwmangantayonkarruba.blogspot.com]

Nateng ken [na]bugguong nga unnok. Mayat a kombinasion!

Ket kas kadawyan dagiti pada a taga-away a mamirmiraut piman, ad-adda a nateng ti kanayon a kapulpulapol iti lamisaan. Ala wen, agiguptay’ iti digo ti marunggay, bungat’ paria ken saluyot-kayo, ken inasmangak met iti (na)bugguong nga unnok tapno imasen ti mangan.
..
‘Maykayon ta paganusan ti nanumo a sida.
[wwwmangantayonkarruba.blogspot.com]

Manso ti nateng, karruba!

Manso latta ti nateng, karruba. Ket ney, agiguptay’ manen iti digo (ti bulong) ti marunggay, saluyot, bungat’ tarong ken pallang, ken adda bassit laokna nga uong. Panglaban ti Covid, kunada man. Ngem anusan kinanumona ta maysaak laeng a napeklan nga ilokano!
.
‘Maykayon!
.
.[wwwmangantayonkarruba.blogspot.com]