Agkaldotayo mammet, ne.

Agiguptayo man ketdi iti digo ti lauya a puro karnet' baboy a nasagpawan ti bulong [adda bassit kayona] ti petsay. Nagsabor ti digo, mabang-aran ti rikna!

'Maykayon pada a nagpuyat a nagobra iti pagbiagan ti bagi ta agkaldotayo, ne.

[wwwmangantayonkarruba.blogspot.com]

#ilokanofood

#taraon

#lauya

#digo

#baboy

#karne

#petsay

#sida

Nakapupok a lames ti isublat

Lames manen. Ngem iti daytoy a gundaway, lames a nakapupok iti lata ti nagammatak a linuto.

Ti la adda a klase ti luto ngem panagkunak, naimas ken nasustansia.

Simple ti preparasionna, ginisarko iti apagdillaw a manteka ti sardinas. Linaokak iti bulong ti marunggay, uggot ti kalunay ken sili.

Mayat!

Ay ket anusan kinanumo ti sida, karruba. ‘Maykan, a!

[wwwmangantayonkarruba.blogspot.com]

Salad manen

Salad a sabong ti marunggay, katuday ken kardis ti iparehak iti innapuy ita a nalulem ti panawen ditoy Maui. Makaanayen daytoy nga ibussog ti boksit, piman. 

Nanumo ngem 'maykan ta manganta, karruba!

[wwwmangantayonkarruba.blogspot.com]

 

Agiguptayo man ketdi iti digo ti lauya a tultulang ti baboy, karruba.

Agiguptay’ manen iti digo. Pagpapigsa. Naimbag daytoy kadagiti pada a mangrabrabii nga agtrabaho.

Anusan ti digo ti lauya a tultulang ti baboy nga inasmangak iti bulong ken kayo ti pechay, adda pay bassit sagpawna a bulong ti sili napia la a mangpasabor ti ramanna ken kired metten dagiti susuop ken pagpasidap ti mata.

‘Maykan, umayka. Agawaam ti umay ta ur-urayenka, karruba!

[wwwmangantayonkarruba.blogspot.com]

Salad a sabong ti katuday ken rangaw ti paria

Agsidatayo iti salad a sabong ti katuday ken rangaw ti paria. Kaadu pay la ti sabong ti katuday ngem anusan ti nanumo a sida, piman. Nateng latta a di kauma.

'Maykan ta manganta, karruba!

[wwwmangantayonkarruba.blogspot.com]

Tinuno a sabong ti katuday

Tinuno a sabong ti katuday nga adda sidekick-na nga utong ken uggot iti pakpako ti pareha ti innapuy ita. Natempla iti sangakutsarita a lakaylakay [natadtad a bungat' sili ken bukel ti bawang] ken Kim Chee base a mangnayon ti gasang ti sida.

'Maykanyon ta pagraramanan, karruba! Naimas ti agsida ti kastoy ita ta natutudo ken nalamiis ti tiempo.

wwwmangantayonkarruba.blogspot.com

 

Nagasang ken nagalis, naadat ken aprodisiak

Nagasang ken nagalis ti kombinasion a sida ita. Naadat ken aprodisiak [Spicy and aphrodisiac]. Ngem mayat ngata nga agsubang iti boksit dagitoy dua?

Padasen man ketdi ti tinuno a nakamatisan a bungat’ sili ken idumudom ti okra [saluyot-kayo] iti bugguong bareng pikarenna pay ti ganas a mangan.

‘Maykan ta manganta, karruba!

[wwwmangantayonkarruba.blogspot.com]

Adobo a pusit

Hu! Daytoy lattan ti ikammet iti innapuy, adobo a pusit [calamari] a nasagpawan ti bungat' sili. Nanumo, nasustansia ken anusan manen, piman. Ala wen la.

Manso latta.'Maykan, karruba!

[wwwmangantayonkarruba.blogspot.com]

Pinakbet manen, ne.

Daytoy man lat' pagpapasanen, pinakbet a bungat' paria ken sili. Ay wen aya, anusan kinanumo ti sida, ala.

'Maykan pada a nangisit ti sikona, ne.

[wwwmangantayonkarruba.blogspot.com]

Papait man, ala.

 

Awan la ketdin masarakak/mabirokak a kastoy a mula ditoy, sus! Agpadawat man [wenno dumawatak man] dagitay adda mulana a papait, karruba. alan, a.

wwwmangantayonkarruba.blogspot.com

[nabulod ti ladawan a nausar]

Padasen mammet ti nakadelata a baka, piman.

Daytoy ti kaalistuan nga isaangko iti paryok no masadutak nga agluto, nagisar a corned beef a nalaokan bassit iti repolio ken susop ti saba. Nanumo, nanumo latta ngem ana ngarud, kaka. Anusan, a.

'Maykayon ta pagraramanan, ne.

[wwwmangantayonkarruba.blogspot.com]

Bukod a bersion a luto ti ginettaan nga aba

 

Bukod a bersion a luto ti ginettaan nga aba. Bukod a panagraman ken templa. Simple, nanumo ngem nasustansia a taraon. Piman ti kinapiman...

'Maykayon, ne!

[wwwmangantayonkarruba.blogspot.com]

Pinakbet a sabong ti katuday, sabali a raman ti luto...

Pinakbetko ti sabong ti katuday ken linaokak iti bungat’ paria ken utong a nasagpawan ti aramang. Sabali a raman ti luto. Sabali a partuat ken eksperimento. Bukod a bersion. Mayat, manso, ikiras!

‘Maykan ne, karruba!

[wwwmangantayonkarruba.blogspot.com]

Nateng ken lames, mayat latta!

Maikawaak man uray maysa la nga aldaw a di makaraman ken makaigup iti digo ti nateng isu a daytoy ti bisita ti boksit ita: bulong ti marunggay, uggot ken sabong ti karabasa, sabong ti katuday, bulong ti saluyot ken nasagpawan iti nilingta a mataan.

No nangisit ti sikom ‘maykan ta danggayannak a mangan, karruba!

[wwwmangantayonkarruba.blogspot.com]

Paksiw a baka

 

Daytoy man ti kaimasan a digo a mangdengngep ti agsaraaw a tian ken agkutkutiperper a bagi a matagabo ti walo nga oras a trabaho para iti taraon a pagbiagan ken murmuray metten no kastoy a nalamiis ti tiempo: paksiw [nadiguan] a lasag/taba ti baka.

Nasabor. Makasalibukag iti rikna. 'Maykan, karruba!

[wwwmangantayonkarruba.blogspot.com]

.

#ilokanofood

#taraon

#paksiw

#baka

#lasag

#taba

#sida

#digo

Salad ken digo, mayat.

Inasmangak man iti salad a natibo [native] a parda ti lauya a baboy a nalaokan iti rabong. Naimbag unay ti nasabor a digo nga igupen dagiti pada a mangrabrabii [graveyard] nga agtrabaho nangruna ket perme a kumutukot ti lamiisna iti rabii ken nasapa a bigat, piman.

Ala wen ‘maykayon ta ikirastayo, ne!

[wwwmangantayonkarruba.blogspot.com]

Umaykayon ta agpapudotkayo iti piditpidit ti lapayag, ne.

Gapu ta nalamiis ti paniempo ditoy batogko a tangatanga ita, food trip latta ti pagpapasan a di kaum-uma. Pagpapudot iti piditpidit ti lapayag ti insaganak a kirasen bareng umapekto.

Ala wen, ramanantay' man ketdi ti lumpia a bungat' sili. "Dynamite Lumpia" kunadan sa itay. Bukod a bersion. Bukod nga estilo. Bukod met nga eksperimento, piman.

'Maykayon, karruba!

[wwwmangantayonkarruba.blogspot.com]