Nateng Latta Manen

NATENG latta manen, piman.

Ala wen, agiguptay' man ketdi iti digo ti uggot ti karabasa ken bulong ti marunggay napia la nga adda manen pamigsa ti bagi ken nasidsidap a panunot nga agtrabaho no rabii. Ay, napia lang, apo!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #agigup #digo #uggot #karabasa #bulong #marunggay #aramang #sida #makan #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa

Agiguptay' Latta iti Digo ti Nateng, Karruba!

Agiguptay' manen iti digo ti nateng: sabong ken uggot ti karabasa, bulong ti marunggay ken adda pay sagpawna nga uong.

Naimbag la unay daytoy a pangriing ti agdudungsa a rikna ken pamigsa a panglaban iti kasla namalmalo a bagi ti kas kaniak a mangrabrabii nga agtrabaho.

Mansuen latta ti nateng, Karruba! 'Maykan, ne!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #agigup #digo #sabong #uggot #karabasa #bulong #marunggay #sagpaw #uong #ilokanoak #ilokanoakditoyhawaii #lutoniilokano #bukodaluto #lutoitibalay #makan #sida #dalikan #kusina #lamisaan #mangantayon #karruba #rudyramrumbaoa

[Bukod nga ala a ladawan dagiti nausar]

Nateng Latta, Karruba!

Pinakbetko ti kakaisuna a bulong ti nateng a nakapupok iti ref, piman. Pinakbet a puro bulong ti saluyot ti lutona. Inalsemak bassit, mayaten. Addan pamedped iti bisin.

'Maykan pada a nangisit ti sikona ta ikirastayo ti adda a sida. Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #wailuku #saguttibiag #pinakbet #bulong #saluyot #nateng #sida #ilokanoak #ilokanoakditoyhawaii #lutoniilokano #bukodaluto #lutoitibalay #makan #dalikan #kusina #lamisaan #mangantayon #karruba #rudyramrumbaoa

 

Daytoy Man Prito a Tilapia, Ne

Daytoy man ti sida ita nga aldaw: prito a tilapia nga adda asmangna a bungat' tarong, okra [saluyot-kayo], rangaw ti kamotig ken bulong ti lasona. Seafood ken nateng man ti banatan.

Ken wen, 'maykayon ta mangantayon, karruba!

Dalikan, Kusina ken Lamisaan;

MANGANTAYON, KARRUBA!

#taraon #taraontibagi #hardintiwailuku #sida #prito #tilapia #bunga #tarong #okra #rangaw #kamotig #bulong #lasona #ilokanoak #ilokanoakditoyhawaii #lutoniilokano #bukodaluto #lutoitibalay #makan #dalikan #kusina #lamisaan #mangantayon #karruba #rudyramrumbaoa

 

Agiguptayo iti Digo, Karruba!

Ney! Pangngaldaw mammet gayamen. Nagalistot' oras, aya? Ket wen, agiguptay’ man ketdi iti digo ti bulong ti marunggay, okra [saluyot-kayo] ken bungat’ utong a nasagpawan iti prito a tilapia.

Anusan ti sida, karruba. 'Maykayon, ne!

.

.

.

.

.

Dalikan, Kusina ken Lamisaan:

MANGANTAYON, KARRUBA!

#taraon #taraontibagi #saguttibiag #digo #sida #nateng #marunggay #bulong #okra #bunga #utong #wailuku #prito #tilapia #dalikan #kusina #lamisaan #mangantayon #karruba #ilokano #ilokanoakditoyhawaii #ilokanofood #ilokanodish #lutoniilokano #bukodaluto #lutoitibalay

[wwwmangantayonkarruba.blogspot.com]

 

Inabraw Man

Umuna a sakmol ti nateng a sida iti umuna nga aldaw ti beinte dos singko--

Wen, umuna a sakmol ti nateng a sida iti daytoy umuna nga aldaw ti beinte dos singko: inabraw a sabong ken uggot ti karabasa, bulong saluyot ken adda met bassit sagpawna nga aramang. Agiguptayo man ketdi iti digo, ne.

Indian man pay laeng ti palanit. Saan met ketdi a makauma ngem makasuya, piman. Kasla agtatapaw pay laeng ti manteka iti tian. Ngem subliakto manen ti agsida iti nalanit no matunawanak, hehe.

'Maykan ta danggayannak a mangan ngem anusam ti masida, karruba!

[wwwmangantayonkarruba.blogspot.com]

 

Nateng ken lames ti sida

Ay! Nanumo laeng a sida ita nga aldaw: digo ti nateng— bulong ti marunggay, bungat’ okra [saluyot-kayo] ken paria, ken adda metten sidekick-na a liningta a mataan [akule], piman.

Makaanayen daytoy a mangpasidap ken mangasa iti panunot ken mangpatibker pay ti pisikal a bagi nangruna kadagiti pada a mangrabrabii nga agtrabaho.

'Maykayon ta pagraramanan ti adda a sida, karruba!

[wwwmangantayonkarruba.blogspot.com]

Blue Crab

Daytoy man ketdi ti pulotan nga iparehak iti Bud Light wenno Corona Beer, Blue Crab a natempla iti suyo, Kim Chee Chili Base ken Hot Chili sauce ken nawarakiwakan iti naiwa a bulong ti lasona.

Pangimas la ti pangan, karruba.

[wwwmangantayonkarruba.blogspot.com]

Sinigang a bangus

 

Sinigang [Paksiw] a bangus a nasagpawan iti bungat’ okra ken bulong ti lasona. Agiguptay’ mammet iti digo napia la a kired dagiti tulang, susuop ken lasag nga agpuyat manen no rabii para ti pagbiagan, piman.

Ala irugimon, karruba!

[wwwmangantayonkarruba.blogspot.com]

Pinakbet a saluyot

Daytoy mammet, daytoy man ti isublat nga ikammet iti innapuy: pinakbet a [puro] bulong ti saluyot a nasagpawan iti sangkalilit a daing ken bungat' sili a sairo.

Ay wen, nabayag la ngamin daydi naudi a sakmolko ti kastoy a sida. Paganusan manen, a.

Ala wen, 'maykayon ta pagraramanan ti grasia piman...

[wwwmangantayonkarruba.blogspot.com

Nateng latta ti sida

Dagitoy ti agpapareha ita: bulong ti marunggay, bungat’ tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken no kastoy nga aglulemlulem ti tiempo ken kasla kayatna nga ibuyat ti tudo. Nasustansia, ngem ala, anusan.

Ken adda pay nayonna-- salad a pechay [bulong ken kayo] a nakamatisan, naigilapan ken natadtadan ti sibuyas ken laya, nalaokan iti bassit a bugguong ken vetsin. Nateng latta ngem nagimas man nga ikammet iti innapuy.

‘Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Padasen mammet ti steam shrimps sprung

Gapu ta day-off ni baket, binay-ak nga isut'timon iti kusina ita nga aldaw. 

Nagluto iti steam [wenno naluto iti babaen ti ling-et ti danum] shrimps sprung a linaokanna bassit iti sotanghon ken berde a bulong ti lasona. 

Sabali ti estilo ni baket nga agluto ket inimasko daytoy sida a naidasar iti lamisaan. Diakon inuray a nagayab a nangan. Sinangok ti masida. Tira! Paliiwek no madamdama no ania iti ibungana. Bareng dina riingen ti nabayagen a matmaturog a gayyemko a gout, piman.

'Maykayon, karruba!

[wwwmangantayonkarruba.blogspot.com]

Nakapupok a lames ti isublat

Lames manen. Ngem iti daytoy a gundaway, lames a nakapupok iti lata ti nagammatak a linuto.

Ti la adda a klase ti luto ngem panagkunak, naimas ken nasustansia.

Simple ti preparasionna, ginisarko iti apagdillaw a manteka ti sardinas. Linaokak iti bulong ti marunggay, uggot ti kalunay ken sili.

Mayat!

Ay ket anusan kinanumo ti sida, karruba. ‘Maykan, a!

[wwwmangantayonkarruba.blogspot.com]

Agiguptayo man ketdi iti digo ti lauya a tultulang ti baboy, karruba.

Agiguptay’ manen iti digo. Pagpapigsa. Naimbag daytoy kadagiti pada a mangrabrabii nga agtrabaho.

Anusan ti digo ti lauya a tultulang ti baboy nga inasmangak iti bulong ken kayo ti pechay, adda pay bassit sagpawna a bulong ti sili napia la a mangpasabor ti ramanna ken kired metten dagiti susuop ken pagpasidap ti mata.

‘Maykan, umayka. Agawaam ti umay ta ur-urayenka, karruba!

[wwwmangantayonkarruba.blogspot.com]

Nateng ken lames, mayat latta!

Maikawaak man uray maysa la nga aldaw a di makaraman ken makaigup iti digo ti nateng isu a daytoy ti bisita ti boksit ita: bulong ti marunggay, uggot ken sabong ti karabasa, sabong ti katuday, bulong ti saluyot ken nasagpawan iti nilingta a mataan.

No nangisit ti sikom ‘maykan ta danggayannak a mangan, karruba!

[wwwmangantayonkarruba.blogspot.com]

Seafood ken nateng

Daytoy man ti sida ita nga aldaw: prito a tilapia nga adda asmangna a bungat' tarong, okra [saluyot-kayo], rangaw ti kamotig ken bulong ti lasona. Seafood ken nateng man ti banatan.

Ken wen, 'maykayon ta mangantayon, karruba!

[wwwmangantayonkarruba.blogspot.com]

Nateng latta!

Nateng latta a di kauma, idi ken ita.

Mansuen man ketdi ti agigup iti digo ti inabraw a bulong ti marunggay, uggot ken sabong ti karabasa, sabong ti katuday, bunga ti tarong ken nasagpawan iti kuros-kubbo.

Anusanen, a, uray ta nasustansia ti sida. 'Maykayon makiigup iti digo, karruba!

[wwwmangantayonkarruba.blogspot.com]

Nateng latta

Nateng for life. Manso, kaka!

Agiguptayo man ketdi iti digo ti sabong ti karabasa ken katuday, bulong ti saluyot, ilay-sanglay [alugbati], bungat' okra, rabong ken uggot ti karabasa. Daytoyen ti kaalistuan a lutuen no kastoy a natutudo ti tiempo. Kaimasan pay a pangdengngep iti malamlammin a tian.

Daytoy ti maysa a paggugusto a sida dagiti pada a nangisit ti sikona. 'Maykayon, karruba!

[wwwmangantayonkarruba.blogspot.com]

Es Kabeche[ng] Akule [Mataan]

 

Es Kabeche[ng] Akule [Mataan] ti nakursunadaak a linuto, piman. Awan met ketdi, kayatko lang. Nalaokan ken nagisar iti kamatis, carrots ken bulong ti lasona. Makaanayen dayta, ne.

'Maykayon, karruba!

[wwwmangantayonkarruba.blogspot.com]

Berde latta. Salad man...

Salad a bulong ti marunggay, sabong ti katuday [ken marunggay], ken rangaw ti paria ti ibulon iti innapuy. Piman a sida, ngem nasustansia.

Mayat latta. ‘Maykayon ta pagraramanan, ala!

[wwwmangantayonkarruba.blogspot.com]