Salad Man, Karruba!

Daytoy man ketdi salad nga uggot ti kalunay ken bungat' utong ti ikammet iti innapuy ita nga aldaw a mannarimaan pay laeng nga ibasbasnot ti maikadua a Kona Low ti pungtotna ditoy isla iti Hawaii. Nagsaruno la ketdin iti uneg ti dua a lawas a nagbisita ti Kona Low iti Hawaii, piman.

Nupay kasta, 'maykayon ta pagraraman ti nanumo a sida, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #taraontibiag #saguttibiag #nateng #salad #uggot #kalunay #bunga #utong #sida #makan #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa

Fried Pakpako with Chilli on Top

 

Maysa kadagiti paboritok a pangdarasan a luto ni Baket, ti nagisar nga uggot/rangaw ti pakpako a nalaokan iti lakaylakay [natadtad a bungat' sili ken bawang]. Inawagan ni Baket daytoy iti Fried Pakpako with Chilli on top.

'Maykan ta ramanam ken danggayannak a mangan, karruba!

[wwwmangantayonkarruba.blogspot.com]

Salad a sabong ti katuday ken rangaw ti paria

Agsidatayo iti salad a sabong ti katuday ken rangaw ti paria. Kaadu pay la ti sabong ti katuday ngem anusan ti nanumo a sida, piman. Nateng latta a di kauma.

'Maykan ta manganta, karruba!

[wwwmangantayonkarruba.blogspot.com]

Nateng ken lames, mayat latta!

Maikawaak man uray maysa la nga aldaw a di makaraman ken makaigup iti digo ti nateng isu a daytoy ti bisita ti boksit ita: bulong ti marunggay, uggot ken sabong ti karabasa, sabong ti katuday, bulong ti saluyot ken nasagpawan iti nilingta a mataan.

No nangisit ti sikom ‘maykan ta danggayannak a mangan, karruba!

[wwwmangantayonkarruba.blogspot.com]

Nateng latta

Nateng for life. Manso, kaka!

Agiguptayo man ketdi iti digo ti sabong ti karabasa ken katuday, bulong ti saluyot, ilay-sanglay [alugbati], bungat' okra, rabong ken uggot ti karabasa. Daytoyen ti kaalistuan a lutuen no kastoy a natutudo ti tiempo. Kaimasan pay a pangdengngep iti malamlammin a tian.

Daytoy ti maysa a paggugusto a sida dagiti pada a nangisit ti sikona. 'Maykayon, karruba!

[wwwmangantayonkarruba.blogspot.com]

Pakpako

Maysa kadagiti paboritok a pangdarasan a luto

nangruna no agmaymaysa datao a mangsango ti lamisaan

isu daytoy nagisar iti apagtedted a manteka a rangaw

ti pakpako a nalaokan iti lakaylakay [natadtad a bungat'

sili ken bukel ti bawang]. Nagimas man. Itured la

ti gasangna ngem makaanayen nga ibulon iti innapuy.

'Maykayon ta mangantayon, karruba!

[wwwmangantayonkarruba.blogspot.com]

[Na]Salad a nateng ken [Na]Bugguong nga unnok. Mayat!

Hu! Daytoy lattan ti pangdarasan a sida,

salad a sabong ti katuday, rangaw ti paria

ken ilay-sanglay [alugbati] ken adda 

sangkabassit naiwawa a bungat' paria 

ken utong sako kinamboran iti kamatis

ken lasona. 

Daytoy ti pagsayaatanna no adda mula 

iti hardin ti taraon ti bagi, adda nakasagana

a burasen wenno purosen a paglaok iti kumporme

a maluto a masida.

Saan la a dayta, inasmangak ti salad iti

binugguongko nga unnok. Mayat man

ti balanse ti sida, piman.

'Maykan dikan baybayagen, karruba!

[wwwmangantayonkarruba.blogspot.com]

 

Nateng latta!

 

Nateng for life. Ay, diak la ketdi isukat! 'Maykan ta manganta, karruba!

[wwwmangantayonkarruba.blogspot.com]

Agiguptay' iti digo, karruba!

 

Agiguptay’ iti digo ti rangaw ti kamotig ken kalunay, pallang ken okra (saluyot-kayo) a nasagpawan iti prito a lasag ti manok. Makaanayen a mangdengngep ti malamlammin a boksit.

Naimbag daytoy a sida dagiti pada a nangisit ti sikona, nangruna dagiti mangrabrabii nga agtrabaho— nasustansia. ‘Maykan, karruba!

[wwwmangantayonkarruba.blogspot.com]

Umuna a sakmol ti nateng a sida iti umuna nga aldaw ti beinte-beinte uno

 

Umuna a sakmol ti nateng a sida iti daytoy umuna

nga aldaw ti beinte-beinte uno: inabraw

a sabong ken uggot ti karabasa, bulong saluyot ken

adda met bassit parabawna nga aramang.

'Maykan ta danggayannak a mangan ngem anusam

ti masida, karruba.

[wwwmangantayonkarruba.blogspot.com]

Nagasang ken digo

 

Nagasang ken digo--

Pagpaling-et, pangimas pay ti kaan: 

nagisar iti bassit a manteka a kayo

ti balangeg [kangkong] a nalaokan

iti lakaylakay [natadtad a bunga ti sili

ken bukel ti bawang].

[umuna a ladawan]

ken

Nateng latta met ti pagipapasan. 

Agiguptay' man ketdi iti digo ti rangaw

ti balangeg [kangkong], okra [saluyot-kayo]

ken uong napia la a pamedped iti bisin, piman.

[maikadua a ladawan]

'Maykayon sakbay a maibus, ne!

[wwwmangantayonkarruba.blogspot.com]

Pakpako man ti pagpapasan

Nagisar iti bassit a manteka [ti baboy], suyo, bawang, asin, ginisa mix ken lakaylakay [nagkambor ti natadtad a bukel ti bawang ken bungat' sili] a nailaok iti rangaw/uggot ti pakpako.

Pangdarasan a maluto a taraon, piman. Nanumo ken nasustansia ngem ibturan ti gasangna. Daytoy ti maysa kadagiti paggugusto a sida dagiti pada a nangisit ti sikona...

[wwwmangantayonkarruba.blogspot.com]

Anusan, anusan. Piman, piman...

Agigup digo ti uggot/rangaw ti karabasa ken bulong ti marunggay iti panawen ti angol. Anusan, anusan. Piman, piman...

(wwwmangantayonkarruba.blogspot.com)
.
#ilokanofood
#taraon
#uggot
#rangaw
#bulong
#karabasa
#marunggay
#digo
#sida

Pinablad a Balatong

Pinablad a balatong a nasagpawan iti sabong ti katuday
ken rangaw/uggot ti paria ti pangkigtot kadaytoy
agraraira a bayrus.

Anusan manen ti kinanumo ti masida.

[wwwmangantayonkarruba.blogspot.com]

#ilokanofood
#taraon
#pinablad
#balatong
#sabong
#katuday
#rangaw
#uggot
#sida

Agiguptayo iti Digo ti Tinola a Manok

Digo ti tinola a manok ti isublat nga igupen. Sinagpawak man iti rangaw/uggot ti paria, bunga ti papaya
ken sabong ti katuday a mangpasabor ti ramanna.

'Maykayon ta pagraramanan, ne.

[wwwmangantayonkarruba.blogspot.com]

#ilokanofood
#taraon
#tinola
#manok
#rangaw
#uggot
#paria
#bunga
#papaya
#sabong
#katuday
#sida

Parabur a Nateng iti Hardin ti Pagbiagan

Gundawayan kaadu ti parabur dagiti nateng iti hardin ti pagbiagan amangan no awanton ti sunotna.
Wen, agsidatay’ manen iti (na)salad a sabong ti katuday, bunga ti utong ken rangaw/uggot ti paria a nalaokan bassit ti bulong ti lasona. Nateng lang ngem nagimas man nga ibulon iti innapuy, piman. ‘Maykayon pada a nangisiti ti sikona ta anusan ti nanumo a sida.
[wwwmgangantayonkarruba.blogspot.com]
..
#ilokanofood
#taraon
#salad
#katuday
#utong
#rangaw
#uggot
#paria
#sabong
#bunga
#lasona
#sida

Katuday ken Paria...

Agsidatayo iti [na]salad a sabong ti katuday ken rangaw/uggot
ti paria. Piman ngem anusan ti nateng, karruba.
'Maykayon, ne!

wwwmangantayonkarruba.blogspot.com
#ilokanofood
#taraon
#salad
#paria
#sabong
#katuday
#sida

Ket nateng latta ti pagipapasan: agiguptay’ man ketdi iti digo ti rangaw ti kangkong, okra (saluyot-kayo) ken uong napia la a pamedped iti bisin, piman. ‘Maykayon, ne!

wwwmangantayonkarruba.blogspot.com

#ilokanofood
#taraon
#nateng
#rangawtikangkong
#okra
#uong

Na)Salad a bulong ti marunggay, sabong ti katuday (ken marunggay), ken rangaw ti paria ti nayon nga ibulon iti innapuy. Piman a sida, ngem nasustansia. ‘Maykayon ta pagraramanan, ala!

wwwmangantayonkarruba.blogspot.com

#ilokanofood
#salad
#bulongtimarunggay
#rangawtiparia
#sabongtikatuday
#taraon

Daytoy ti ibulon iti innapuy: pinablad a bukel ti utong a naigisaran iti taba ken lasag (karne) ti baboy, ken nasagpawan iti bulong ti paria ken aramang. Anusan ti kinanumo ti masida, piman.

wwwmangantayonkarruba.blogspot.com