Agkaldotayo mammet, ne.

Agiguptayo man ketdi iti digo ti lauya a puro karnet' baboy a nasagpawan ti bulong [adda bassit kayona] ti petsay. Nagsabor ti digo, mabang-aran ti rikna!

'Maykayon pada a nagpuyat a nagobra iti pagbiagan ti bagi ta agkaldotayo, ne.

[wwwmangantayonkarruba.blogspot.com]

#ilokanofood

#taraon

#lauya

#digo

#baboy

#karne

#petsay

#sida

Awan mainaganko...

Bukod a partuat a klase ti luto. Adda nateng, seafoods ken karne. Pinagtitiponko. Sangsangkamaysa. Awan mainaganko no aniat’ klasena. Gapu ta bukod nga estilo ken partuat, naimas latta ti luto.

Dikan baybayagen. Umaymo ramanan, karruba!

[wwwmangantayonkarruba.blogspot.com]

Presko a lasag ti baka

Kilawen mammet ti isublat nga ikammet iti innapuy la. Saanak met ketdi mauma iti nateng ngem ala, pasublaten ti karne nga ipauneg.

Wen pupus wenno sidaen, mabalin ti pinapaitan a presko a lasag ti baka nga iludonludon iti innapuy, piman. Lipaten ti gout. Ikidem ti ut-otna no kidagenna. Nanamen ketdi ti imasna. Sige, manso. Tira! Apay, maatipam aya ti rikna a di sumakmol no sulisogennaka?

'Maykayon ta ikirastayo, karruba!

[wwwmangantayonkarruba.blogspot.com]

Batso mammet ti isublat, ne.

Daytoy ti linutok, batso [bacho] a bungat' karabasa a nalaokan iti nagisar a karne ken taba ti baboy, adda bassit burluloyna a pasayang ken bungat' utong napia la nga adda met dekorasionna, piman.

No maikiras, nasayaat. No saan, di saan...

basta.

Iyayabko lattan kadakayo a mayat a makitomal a karruba! 

[wwwmangantayonkarruba.blogspot.com]

Adobo a baboy

 

Bukod nga estilo a luto ti adobo a baboy. Saan a pangkomersial ngem ap-ap ti tian a nabisinan iti nagpatnag a trabaho, piman.

No kunak nga itugotmo ti ungotmo ta labayam iti innapuy ken danggayannak a mangan, 'maykan!

[wwwmangantayonkarruba.blogspot.com]

Paksiw a baka latta

 

PAKSIW A BAKA. Wen, paksiw wenno nadiguan/diniguan

a karnet' baka ti sida ken pangibulon iti innapuy ita.

Nupay adda kapkapuy ti pinapaitanna, agiguptay' man latta

iti digo ta napia la a pangriing ti agdudungsa a rikna

a nagpuyat a nagtrabaho idi rabii, piman.

'Maykayon ta agpaling-ettayo, karruba!

[wwwmangantayonkarruba.blogspot.com]

Pinablad a balatong

 

Pinablad a balatong ti sida, karruba.

Wen yantangay adda mula a paria ken katuday

iti hardin ti taraon ti bagi, nangpabladak iti balatong. 

Nangigisarak bassit iti karne [ken taba] ti baboy, 

nangrakemak iti aramang, inimaritak ti bulong ti paria

ken sabong ti katuday sako inlaok iti daytoy linutok.

No riingenna ti gout-ko, babaam man. Naimas man

ti maiparit, di ngamin karruba?

'Maykayon ta ikirastayo ti sida!

[wwwmangantayonkarruba.blogspot.com]

Lauya a Baka

 

Kaldo dagiti pada a nagpuyat.

Wen umaykayon ta agiguptay' man iti digo

ti lauya a [puro] karnet' baka a sinagpawak

iti bulong ti pechay ken chinese cabbage

ken adda bassit nagerret a patatasna.

Kaldo latta man bareng mabugtak ti samuyeng.

[wwwmangantayonkarruba.blogspot.com]

Nateng latta ti sida

 

Bungat’ paria ken kardis, agkasunduanda ngata? Sa nanayonan iti nagisar a karne ken taba ti baboy. Simmagpaw pay ti aramang. Hmm...ana ngata ti ramanna? Agpipinnaapelodan iti uneg ti boksit.

Manso latta. Tira. Agrennek ita!

Anat’ makunam, karruba? ‘Mayka ketdin ta ikiratta la!

[wwwmangantayonkarruba.blogspot.com]

Dinardaraan a karne [ken taba] ti baboy

 

Daytoy ti isublat nga ap-ap ti boksit, dinardaraan a karne (ken taba) ti baboy.

.

Pagpapasan no adda, piman. ‘Maykan, karruba!

.

[wwwmangantayonkarruba.blogspot.com]

Insarabasab a karne ken taba ti baboy

 

Daytoy ti nasalawko dita ref nga iluto. 

Tinuno [Insarabasab a karne ken taba ti baboy.

Nabayag met daydin a tiempo a diak nakaraman

ti kastoy, piman. Ala wen, sagpaminsan met lang

a malanitan ti boksit iti kastoy a klase ti luto.

Planok a pulotanen ngem nasaysayaat la unay 

no ikammet lattan ta sigurado nga adu ti maibulonna

daytoy nga innapuy.

'Maykayon, ne. Anusan.

[wwwmangantayonkarruba.blogspot.com]

Insarabasab/Natuno a Karne ken Taba ti Baboy

wwwmangantayonkarruba.blogspot.com

Uray no ang-angalek pay la ti sakit ti akin-kannigid
a palaypalayko gapu iti gout, mapawilandak ngarud
nga agsida ti insarabasab/natuno a taba ken karne
ti baboy? Hu! Baam man, kumpad. "No apay ketdi ngamin
a naimas ti maiparit, a?" Ngem agingga nga adda agas
a pangagas iti daytoy, mangantayo ketdi ta saan met
a kanayon ti agsida ti kastoy. 'Maykayon, ne!

Batso [Bacho] a Katabasa ken dagiti burluloyna...

Naglutoak iti batso [bacho] a karabasa a naigisaran 

iti karne ken taba ti baboy, adda bassit pasayang 

ken bungat' utong a laokna-- pangay-ayo iti tian, piman.

No maibus, nasayaat. No saan, di saan. Basta.

[wwwmangantayonkarruba.blogspot.com]

Pinabalad a Balatong iti Panawen a Panagdalaisat ni Hurakan Douglas

Pinablad a balatong ti sida a naigisaran iti karne ken tabat' baboy
ken nalaokan pay ti pasayang [shrimps], rangaw ti paria ken sabong
ti katuday iti panawen a panagdaliasat ni Hurakan Douglas iti Maui.

Anusan ti masida ta kumter metten ti bagi iti panagbaliw ti klima.
Lumamiis metten, piman.

[wwwmangantayonkarruba.blogspot.com]

Insarabasab a karne ken taba ti baboy...

Ar-arapaapen met ti agsida ti kastoy ita a panawen ti COVID-19. Anusan. wen, anusan ti sangkabassit a insarabasab a karne/taba ti baboy napia la pangray-aw ti agdadanag ken mabisbisinan a boksit. Napia lang, piman...

[wwwmangantayonkarruba.blogspot.com]
.
#ilokanofood
#taraon
#insarabasab
#taba
#karne
#sida

Digo man ketdi...

Agiguptay’ man ketdi iti digo ti (na)lauya/nadiguan a puro karnet’ baboy a nagsapawan iti bulong/kayo ti petsay (pechay). Nagsabor ti digo, mabang-aran ti rikna!
(wwwmangantayonkarruba.blogspot.com)
.
#ilokanofood
#taraon
#lauya
#baboy
#karne
#bulong
#kayo
#petsay
#sida

Daytoy man ti kaimasan a digo a mangdengngep ti agsaraaw a tian ken agkutkutiperper a bagi no kastoy a natutudo ken nalamiis ti tiempo: paksiw (nadiguan) a karne/taba ti baka. Nasabor, makasalibukag iti rikna.

Paksiw a karne ken taba ti baka
wwwmangantayonkarruba.blogspot.com


#ilokanofood
#taraon
#paksiw
#baka
#karne
#taba
#sida
#digo

Isublat mammet ti agsida iti dinardaraan (chocolate meat) a karne/taba ti baboy. Adu met siguro ti maibulonna nga innapuy…

wwwmangantayonkarruba.blogspot.com


Dinaradaraan [Chocolate meat]

 #ilokanofood
#taraon
#dinardaraan
#baboy
#karne
#taba
#sida

Daytoy mammet ti isublat a sida, adobo a karne ken taba ti baboy. Pagpapasan, piman.

wwwmangantayonkarruba.blogspot.com

#ilokanofood
#taraon
#adobo
#baboy
#taba
#karne
#sida

Imbaliktad, imbaliktad a karnet’ baka. Pagipapasan nga ibulon iti innapuy ita a rabii.

wwwmangantayonkarruba.blogspot.com

#ilokanofood
#taraon
#imbaliktad
#baka