Kilawen ken salad, mayat

Kilawen a pasayang ken salad a susop ti saba ti agpareha ita. Nupay dida agkasurotan, awan mabalin ta iludonko ida iti innapuy. Imasen lattan ken uray 'nia ditan a pamelpel iti tian ta napia la a pamigsa ti bagi nga agtrabaho no rabii. Piman.

'Maykan pada a mangrabrabii nga agsapsapul iti pangtaraon ken pangbiag ti bagi ta mangantan, ne...

[wwwmangantayonkarruba.blogspot.com]

Pinakbet latta ti ipelpel iti tian

Pinakbet manen ti sida nga ipelpel iti tian, piman. Imasen ngem manso!

Diak kauma.

Ala wen, anusan ti bungat' okra [saluyot-kayo], pallang ken paria nga adda bassit burluloyna a lasag ken taba ti baboy ken nasagpawan pay iti pasayan[g].

'Maykayon, karruba!

[wwwmangantayonkarruba.blogspot.com]

Luto a diak ammo ti pangawagko

Pangdarasan a luto. Wen, luto dagitay pada nga aglaladut nga agluto wenno dina talaga kayat ti agluto, piman. Ngem ney, no maramanam daytoy a klase ti luto, amangan no subliasublianam a sapsapulen.

Simple met la ket a luto, a. Alisto ti preparasionna. Kastoy nay: tufo a nalaokan iti pasayang ken uong, napatedtedan iti red wine [mabalin met ti white wine], bassit a corn starch, ginisa mix ken naiwa a bulong ti lasona.

Kinaagpaysuananna, diak pay ketdi ammo no aniat' pangawagko daytoy a luto, piman. Ngem no damagem no kasanot' pananglutok, dayta ket bukodko a bersion. Makaammokay' metten ti bukodyo nga estilo.

Neay, iyayabko lattan. Mangantayon, karruba!

[wwwmangantayonkarruba.blogspot.com]

Itlog, pasayang ken bungat' paria

Daytoy ti naladaw a pammigat ken nasapa a pangaldawko. Taraon dagiti pada a mamirmiraot: nagisar iti sangkatedted a manteka ti nabatil nga itlog, pasayang ken bungat' paria. Anusan, a, piman.

No maminsan, kasla raman ti paria ti kapait ti biag, di ngamin karruba?

[wwwmangantayonkarruba.blogspot.com]

Batso mammet ti isublat, ne.

Daytoy ti linutok, batso [bacho] a bungat' karabasa a nalaokan iti nagisar a karne ken taba ti baboy, adda bassit burluloyna a pasayang ken bungat' utong napia la nga adda met dekorasionna, piman.

No maikiras, nasayaat. No saan, di saan...

basta.

Iyayabko lattan kadakayo a mayat a makitomal a karruba! 

[wwwmangantayonkarruba.blogspot.com]

Isublat ti pasayang

Kalpasan ti agbilbilaw a tirem [oyster] a sinida

itay kallabes nga aldaw, daytoy met nagkukot a pasayang

ti isublat nga ikiras, piman. Naigisar la bassit iti butter

a mangpananam ken mangparaman. Mayaten. Awan adu a panempla

a nailaok. Indian man pay laeng ti agsida iti karne 

ta makasuya met. Padasen ti puro seafoods 

ken nateng iti ipauneg. Ala, a.

'Maykayon ta pagraramanan, karruba!

[wwwmangantayonkarruba.blogspot.com]

 

Nateng for life. Manso, tira latta, karruba!

Sangadakulapan a sabong ti katuday ken rangaw

ti kamotig, adda pay bunga ti kabatiti ken 

uong, makaanayen a sida ti dua a tao, piman.

Wen man, inabrawko. Nagimas man nga igupen ti digona

aglalo ket adda pay sagpawna a pasayang.

'Maykayon ta mangantayon, karruba!

[wwwmangantayonkarruba.blogspot.com]

 

Sinigang a Bangus

Umaykayon ta mangantayo, karruba. Pelpelantayo ti agkirkiraos a tian

iti sinigang a bangus a nalaokan ti pasayang, green pepper, bagas

ti aba ken sangkaiwa a bulong ti lasona.

'Maykan ta anusan ti nanumo a sida, karruba!

[wwwmangantayonkarruba.blogspot.com]

Batso for life

Batso a bungat' karabasa, nagkintal. Siempre,

adda latta burluloyna a bungat' okra [saluyot-kayo]

ken kardis. Saan latta met a mapukaw ti tsitsaron

baboy ken sangkabassit a pasayang a laokna.

'Maykayon ta pagpiestaan ti masida, karruba!

[wwwmangantayonkarruba.blogspot.com]

 

Imbaliktad a pasayang

 

Yantangay agmaymaysaak manen a sumango iti 

lamisaan iti daytoy nalulem nga aldaw, 

daytoy siguron ti kaalistoan a luto-

imbaliktad a pasayang. Iti ababa a pannao,

nagisar iti bassit a manteka ti pasayang.

Tinemplak iti cooking wine, bassit a ginisa mix,

bawang ken sibuyas. 

Ala wen, anusan. Manso, tira! 'Maykan, karruba!

[wwwmangantayonkarruba.blogspot.com]

Tufo, uong ken pasayang

 

Pangalistoan a luto. Wen, luto dagitay pada nga aglaladut nga agluto. Ngem ney no maramanam daytoy a klase ti luto, amangan no subliasublianam a sapsapulen. 

Simple met la ketdi a luto, a. Kastoy: tufo a nalaokan iti pasayang ken uong, napatedtedan iti red wine [mabalin ti white wine], bassit a corn starch, ginisa mix ken naiwa a bulong ti lasona. Diak pay ketdi ammo no aniat' pangawagko daytoy a luto. Ngem no damagem no kasanot’ pananglutok, dayta ket bukodko a bersion. Makaammokay’ metten iti bukod nga estilo, hehe!

Ney, iyayabko lattan. ‘Mangantayon, karruba!

[wwwmangantayonkarruba.blogspot.com]

Batso latta, karruba!

 

Pangbusat a sida ita nga umuna nga aldaw

ti bulan ti Pebrero, batso [bacho] a bunga

ti karabasa, okra [saluyot-kayo], utong

ken parda. Adda pay burluloyna a lasag

ken taba ti baboy sa pay la nasagpawan

iti pasayan[g].

Manso bareng umamo ni ayat, karruba!

.

[wwwmangantayonkarruba.blogspot.com]

Tahong [Kabia], Pasayang ken Petsay

 

Daytoy man. Daytoy man ti isublat a sida, nagisar a Greenshell Mussels [Tahong/Kabia], White Shrimps ken bulong ti petsay [pechay] iti apagdillaw a tedted ti manteka. Naraman, nananam iti apagisu la unay a templa. Mayat. Mayat ti kombinasion.

Ala wen, paganusan manen. ‘Maykan, karruba!

[wwwmangantayonkarruba.blogspot.com

Imbaliktad a pasayang

 

Daytoy man imbaliktadko iti apagdillaw a manteka a pasayang ti isublat bareng adu met maibulonna nga innapuy, ala. Saan a pangkomersial isu a bassit la ti rekadona.

No kayatmo a ramanan, ‘maykan karruba!

[wwwmangantayonkarruba.blogspot.com]

Seafoods: Pasayang ken Tilapia Fillet

 

Seafoods mammet ti isublat nga ikammet

bareng agkatunosanda iti innapuy.

Wen, ramanan met ti bukod a bersion a luto

nga imbaliktad a pasayang ken kaustoanna

a prito ti napulbosan iti corn starch a tilapia

fillet. Awan adu a rekado a pinagtempla.

Immanayen ti butter, roasted garlic and herb,

barbeque seasoning ken bulong ti mula

a lasona.

'Maykan, karruba!

[wwwmangantayonkarruba.blogspot.com]

Okra [Saluyot-Kayo], Bunga ti Utong ken Pasayang

 

Daytoy man ti nanumo a sida: okra [saluyot-kayo]

ken bungat' utong a naigisaran iti taba ken lasag

ti baboy, ken nasagpawan sangkabassit a pasayan[g].

.

.

.

[wwwmangantayonkarruba.blogspot.com]

Tufo, Pasayang ken Uong...

Pangalistuan a luto--tufo a nagisaran iti pasayan[g]
ken uong, napatedtedan bassit iti red wine, ken nalaokan
ti corn starch, ginisa mix ken nawarakiwakan iti bulong ti lasona.

Baliwan mammet ti sida ta di pimpiman ti tian, apo.

'Maykan ta danggayannak a mangan, karruba!

[wwwmangantayonkarruba.blogspot.com] 

Nagisar a bungat' paria, adda pay laokna a pasayang ken itlog. Anusan ti kinanumo ti sida...

Daytoy la piman ti masida--pammigat ken pangaldaw.
Kastan sa ketdi ti ruam dagiti managpuyat, mammaminsan
ti sakmol. No mamigat mairaman metten ti pangaldaw
ta ad-adda a pagustoan ti awis ti ridep. Nalabit, daytoy
a klase ti taraon dagiti pada a mamirmiraot gapu iti rigat
ti biag. Pangdarasan wenno awan la ti igatang. Ala wen,
paganusan ti nagisar a bungat' paria a nalaokan iti pasayang
ken itlog.

Ngem agpayso, kasla raman ti paria ti kapait ti biag...
.
.
.
[wwwmangantayonkarruba.blogspot.com]

Batso [Bacho] a Katabasa ken dagiti burluloyna...

Naglutoak iti batso [bacho] a karabasa a naigisaran 

iti karne ken taba ti baboy, adda bassit pasayang 

ken bungat' utong a laokna-- pangay-ayo iti tian, piman.

No maibus, nasayaat. No saan, di saan. Basta.

[wwwmangantayonkarruba.blogspot.com]