Homemade pork meat balls

wwwmangantayonkarruba.blogspot.com

ket sakbay a mai-deep fry ti lutoek a manok, nagrehistro daytoy naalikuteg nga idea iti panunotko, piman. ket dayta man, ne. hehe!

wwwmangantayonkarruba.blogspot.com

Ayapo, natatayagda mammet gayamen aya ti mula a marunggay. Hmm...mapukanda iti mabiit. Ngem sakbay dayta, pagpapasandaka pay laeng, hehe.

wwwmangantayonkarruba.blogspot.com

Naginad a dumakkel, ngem napadasannan ti nagsabong idi ti mula a katuday. Ita la a di nakipinnarammag, piman. Adda met ngamin tiempona, a.

wwwmangantayonkarruba.blogspot.com

Ti kakaisuna a nagbiag a mula a tarong, agkukurrot sa pay piman. Saan pay a nakaungar iti masansan idi a panangtuktuktok dagiti diables a manok ti karruba. Grrrr!

wwwmangantayonkarruba.blogspot.com

No agrarana ti amin, masagrap ti bunga ti sakripisio.—ti parabur. Kas ti daytoy mula a pias (kamias), makilumba met nga agbunga, piman.

wwwmangantayonkarruba.blogspot.com

Uray ti mula ni baket nga ilay-sanglay (alugbati ti pangawag ti sabali) napintas met ti rubbuatna a dumakkel, piman. Ala wen...

wwwmangantayonkarruba.blogspot.com

Daytoy ti nabayagen nga innak suksukroten a kitkitaen kadagiti Filipino Stores, ngem daksanggasat ta diak maranaan ti kaaddana. Kaslaak la ketdin aginaw a mapan mangsublisubli kenkuana. Imbag la ketdi ta adda latta pundo ni mother a nakasagana nga ilutona. Ket ne, pinadawatannak ti ilutok. Wen, daytoy nay bukel ti utong, piman. Ar-arapaapek la unay ti mangpablad a maigisaran bassiti ti taba ken karne ti baboy a mangpaimas pay ti ramanna. Sa maysa pay, kagaget ti mula a paria nga agsabong ken agbunga. Dayta ti kaimasan a sagpawna—para kaniak, a. Ala wen, ‘maykayon ta mangantayon, karruba!

wwwmangantayonkarruba.blogspot.com

Uray daytoy mula a rimas da adi ken kayong, nagaget met nga agbunga, piman. Naimas man a lingtaen ken iprito. Makabsog ken nasustansia...

wwwmangantayonkarruba.blogspot.com

Naprito/Prito a luppo ken payak ti manok ti maidasar iti lamisaan a pagsasanguan. Anusan, karruba!

wwwmangantayonkarruba.blogspot.com

Daytoy man lat’ pagpapasanen, pinakbet a bungat’ paria ken sili. Ay anusan ti kinanumo ti masida, piman.

wwwmangantayonkarruba.blogspot.com

Adobo a pusit (squid) ti ikammet iti innapuy. Nalaokan bassit ti karne ken taba ti baboy a mangpalabon ti taraon. Ala wen, anusan.

wwwmangantayonkarruba.blogspot.com

Daytoy mammet ti isublat nga ikammet iti innapuy, dinardaraan a taba ken karnet’ baboy. Simple a luto, simple a taraon a paggugusto dagiti nangisit ti sikona. ‘Maykayon ta ratsaentayon, ne.

wwwmangantayonkarruba.blogspot.com

Padasen mammet daytoy nakirog iti manteka a kippi/kappi ti Maui bareng dina riingen ti gout. Uray sagpaminsan man laeng a makaraman datao ti kastoy, piman.

wwwmangantayonkarruba.blogspot.com

Adobo a lapayag ken boksit/tian ti baboy ti anusan nga ikammet iti innapuy.

wwwmangantayonkarruba.blogspot.com

Ginettaan a kayo/lupak ti aba a nalaokan iti bagas ti lampaka ken daing. Anusan manen, a, ti kinanumona. Piman...

wwwmangantayonkarruba.blogspot.com