[Na]Salad a nateng ken [Na]Bugguong nga unnok. Mayat!

Hu! Daytoy lattan ti pangdarasan a sida,

salad a sabong ti katuday, rangaw ti paria

ken ilay-sanglay [alugbati] ken adda 

sangkabassit naiwawa a bungat' paria 

ken utong sako kinamboran iti kamatis

ken lasona. 

Daytoy ti pagsayaatanna no adda mula 

iti hardin ti taraon ti bagi, adda nakasagana

a burasen wenno purosen a paglaok iti kumporme

a maluto a masida.

Saan la a dayta, inasmangak ti salad iti

binugguongko nga unnok. Mayat man

ti balanse ti sida, piman.

'Maykan dikan baybayagen, karruba!

[wwwmangantayonkarruba.blogspot.com]

 

Alugbati [Ilay-Sanglay]

 

Medyo nakaungar metten ti alugbati

[ilay-sanglay] a mula ta adun

ti makita a saringitna, piman.

[wwwmangantayonkarruba.blogspot.com]

Alugbati [Ilay-Sanglay]

Uray daytoy alugbati [ilay-sanglay], makipinnarammagda
a dumakkel ngem awan pay nagtubo iti imbunubonko
a bukel ti kamatis iti dua a plastik a masiteria. 

[wwwmangantayonkarruba.blogspot.com]

Ket wen, daytoy latta manen, a, ti nanumo nga ikammet iti innapuy: (na)salad a bungat’ paria, uggot/rangaw ti katuday ken sabongna, ken ilay-sanglay (alubagti). Ay, kadagiti pada a nangisit ti sikona, ‘maykayon ta pagraramanan ti sagana!

wwwmangantayonkarruba.blogspot.com

Daytoy man a masida ti ibulon ti innapuy iti natutudo a rabii ti Sabado, balatong a naigisaran bassit ti taba ken karne ti baboy a nalaokan iti bulong ken uggot ti karabasa, paria ken ilay-sanglay. Ikidem ti ut-ot ti palaypalay no inkaso a pitingen ken riingenna ti gout-ko. Anusan, a, ta ana ngarud, naimas met ngamin ti maiparit. Hehe!

wwwmangantayonkarruba.blogspot.com

Uray ti mula ni baket nga ilay-sanglay (alugbati ti pangawag ti sabali) napintas met ti rubbuatna a dumakkel, piman. Ala wen...

wwwmangantayonkarruba.blogspot.com

Daytoy ti nabayagen nga innak suksukroten a kitkitaen kadagiti Filipino Stores, ngem daksanggasat ta diak maranaan ti kaaddana. Kaslaak la ketdin aginaw a mapan mangsublisubli kenkuana. Imbag la ketdi ta adda latta pundo ni mother a nakasagana nga ilutona. Ket ne, pinadawatannak ti ilutok. Wen, daytoy nay bukel ti utong, piman. Ar-arapaapek la unay ti mangpablad a maigisaran bassiti ti taba ken karne ti baboy a mangpaimas pay ti ramanna. Sa maysa pay, kagaget ti mula a paria nga agsabong ken agbunga. Dayta ti kaimasan a sagpawna—para kaniak, a. Ala wen, ‘maykayon ta mangantayon, karruba!

wwwmangantayonkarruba.blogspot.com