Nateng ken unnok, mayat!

Hu! Daytoy lattan ti pangdarasan a sida: [na]salad a sabong

ti katuday, rangaw ti paria ken ilay-sanglay [alugbati] ken

adda sangabukel a bungat' paria ken maysa ramayan nga utong.

Linaokak iti kamatis ken lasona.

Daytoy ti pagsayaatanna no adda mula a nateng iti hardin

ti taraon ti bagi, adda nakasagana a burasen wenno purosen

a paglaok iti kumporme a maluto a masida.

Saan la a dayta, inasmangak ti salad iti binugguongko nga unnok.

Mayat ti balanse ti ramanna, piman.

'Maykayon, karruba!

[wwwmangantayonkarruba.blogspot.com]

[Na]Bugguong nga unnok

Daytoy man nairapan iti kamatis a bugguong nga unnok

ti ap-ap ti tian ken pamedped iti bisin. Makaanayen

daytoy a sida nga ibulon iti innapuy, piman.

Wen, maakaanayen daytoy nanumo a sida.

'Maykan, karruba!

  

[wwwmangantayonkarruba.blogspot.com]

Bugguong a tukmem

No maminsan, kaykayatko a mabugguong ti tukmem/bennek ngem ti madiguan wenno mapalkang. Adu ngamin ti maibulonna nga innapuy no mabugguong aglalo no saan a pangapgaden ti templana. Naimas met no matadtadan bassit ti laya sa maperresan iti kalamansi ken maparabawan ti lakaylakay [natadtad a bukel ti bawang ken bunga ti sili].

Nagimasen, bebe! Perme la ketdi ti panagaruyot ti ling-et ken katay no kasta a maibulon iti innapuy. Uray daytoy la ti sidaek, mayaten. Whew!

'Maykan, karruba!

[wwwmangantayonkarruba.blogspot.com]

 

Isublat man a ramanan daytoy, ne.

Daytoy man nakapupok a [na]bugguong nga ipon

ti iludonludon iti innapuy. Uray saanen a maipareha

iti sabali a naimas a sida basta adda la ketdi daytoy,

makaanayen a pamedped iti bisin nangruna no maigalipan

iti kamatis ken bulong ti lasona, piman.

'Maykan ta paganusan, karruba!

[wwwmangantayonkarruba.blogspot.com]

Salad ken bugguong a padas

 

Salad a rangaw ti sayute ti naipareha iti bugguong 

a padas. Umanayen daytoy a sida ta adu ngata met

maibulonna nga innapuy, piman.

Ala wen. 'Maykan, karruba!

wwwmangantayonkarruba.blogspot.com

[Na]Salad a nateng ken [Na]Bugguong nga unnok. Mayat!

Hu! Daytoy lattan ti pangdarasan a sida,

salad a sabong ti katuday, rangaw ti paria

ken ilay-sanglay [alugbati] ken adda 

sangkabassit naiwawa a bungat' paria 

ken utong sako kinamboran iti kamatis

ken lasona. 

Daytoy ti pagsayaatanna no adda mula 

iti hardin ti taraon ti bagi, adda nakasagana

a burasen wenno purosen a paglaok iti kumporme

a maluto a masida.

Saan la a dayta, inasmangak ti salad iti

binugguongko nga unnok. Mayat man

ti balanse ti sida, piman.

'Maykan dikan baybayagen, karruba!

[wwwmangantayonkarruba.blogspot.com]

 

Agsidatay' iti bugguong nga ipon

 

Daytoy man nakapupok a [na]bugguong

nga ipon ti ikammet iti innapuy. Uray

saanen a maipareha iti sabali a naimas 

a sida basta adda la ketdi daytoy nangruna

no maigalipan iti kamatis ken lasona, piman.

'Maykan ta paganusan, karruba!

[wwwmangantayonkarruba.blogspot.com]

Nateng ken [na]bugguong nga unnok. Mayat a kombinasion!

Ket kas kadawyan dagiti pada a taga-away a mamirmiraut piman, ad-adda a nateng ti kanayon a kapulpulapol iti lamisaan. Ala wen, agiguptay’ iti digo ti marunggay, bungat’ paria ken saluyot-kayo, ken inasmangak met iti (na)bugguong nga unnok tapno imasen ti mangan.
..
‘Maykayon ta paganusan ti nanumo a sida.
[wwwmangantayonkarruba.blogspot.com]

Bugguong a Padas

nakamatisan ken natadtadan bassit iti laya, sangkairap
a sibuyas ken nalaokan iti sangkatedted a tubbog
ti kalamansi ti binugguongko a padas. diakon esman
ti agluto no kastoy ti maidasar iti lamisaan. umanayen
a mangap-ap ti bisinko, piman...
.
adda man hayblad wenno awan, 'maykayon, ne!

[wwwmangantayonkarruba.blogspot.com]

Nakamatisan a (na)bugguong nga unnok ti ap-ap ti tian ken pamedped iti bisin. Adu ti maibulonna nga innapuy uray kastoy la ti masida. Piman..

wwwmangantayonkarruba.blogspot.com