Digo ken Salad

Dagitoy ti agpapareha ita-- bulong ti marunggay, bungat' tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken pada a nangisit ti sikona.

Ken adda pay nayonna, salad a pechay [bulong ken ungkay] a nakamatisan, naigilapan ken naitadtadan ti sibuyas ken laya, napatedtedan iti bassit a bugguong. Nateng latta a di kaum-uma ti ikammet iti innapuy, piman.

'Maykayon ta pagraramanan ti nanumo a sida, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #bulong #bunga #marunggay #tarong #utong #salad #pechay #ilokanoak #ilokanoakditoyhawaii #lutoniilokano #bukodaluto #lutoitibalay #sida #makan #digo #dalikan #kusina #lamisaan #mangantayon #karruba #rudyramrumbaoa

Nateng Latta Manen

NATENG latta manen, piman.

Ala wen, agiguptay' man ketdi iti digo ti uggot ti karabasa ken bulong ti marunggay napia la nga adda manen pamigsa ti bagi ken nasidsidap a panunot nga agtrabaho no rabii. Ay, napia lang, apo!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #agigup #digo #uggot #karabasa #bulong #marunggay #aramang #sida #makan #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa

Salad Latta

Salad a sabong ti marunggay, katuday ken kardis ti iparehak iti innapuy ita a nalulem pay laeng ti panawen ditoy Maui. Makaanayen daytoy nga ibussog ti boksit, piman.

Nanumo ngem 'maykan ta manganta, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #saguttibagi #hardintiwailuku #hardintitaraontibagi #nateng #salad #sabong #marunggay #katuday #kardis #ilokanoak #ilokanoakditoyhawaii #lutoniilokano #bukodaluto #lutoitibalay #sida #makan #dalikan #kusina #lamisaan #mangantayon #karruba #rudyramrumbaoa

[bulod nga ala dagitiladawan a nausar]

 

Ita Nga Aldaw: Marunggay

Ala, sika man. No dadduma,

iwalindaka't kaaduan

iti pagguummongan-punsionan

ngem ti bagi sikat' pakataraonan---

pagbiagan mamirmiraut a kas kaniak

Wen, agsampagaka latta

iti hardinko agingga a siak ti mauma...

.

.

.

.

.

Ita Nga Aldaw

Marunggay

Sab. 21 Peb. 2o26

Wailuku

wwwmangantayonkarruba.blogspot.com

#taraontibagi #saguttibiag #hardintiwailuku #marunggay #marunggi #nateng #itangaaldaw #ilokanoak #ilokanoakditoyhawaii #dalikan #kusina #lamisaan #mangantayon #karruba #rudyramrumbaoa

[Bukod nga ala a ladawan ti nausar]

 

Agiguptayo iti Digo, Karruba!

Ney! Pangngaldaw mammet gayamen. Nagalistot' oras, aya? Ket wen, agiguptay’ man ketdi iti digo ti bulong ti marunggay, okra [saluyot-kayo] ken bungat’ utong a nasagpawan iti prito a tilapia.

Anusan ti sida, karruba. 'Maykayon, ne!

.

.

.

.

.

Dalikan, Kusina ken Lamisaan:

MANGANTAYON, KARRUBA!

#taraon #taraontibagi #saguttibiag #digo #sida #nateng #marunggay #bulong #okra #bunga #utong #wailuku #prito #tilapia #dalikan #kusina #lamisaan #mangantayon #karruba #ilokano #ilokanoakditoyhawaii #ilokanofood #ilokanodish #lutoniilokano #bukodaluto #lutoitibalay

[wwwmangantayonkarruba.blogspot.com]

 

Nateng ken lames ti sida

Ay! Nanumo laeng a sida ita nga aldaw: digo ti nateng— bulong ti marunggay, bungat’ okra [saluyot-kayo] ken paria, ken adda metten sidekick-na a liningta a mataan [akule], piman.

Makaanayen daytoy a mangpasidap ken mangasa iti panunot ken mangpatibker pay ti pisikal a bagi nangruna kadagiti pada a mangrabrabii nga agtrabaho.

'Maykayon ta pagraramanan ti adda a sida, karruba!

[wwwmangantayonkarruba.blogspot.com]

Nateng latta ti sida

Dagitoy ti agpapareha ita: bulong ti marunggay, bungat’ tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken no kastoy nga aglulemlulem ti tiempo ken kasla kayatna nga ibuyat ti tudo. Nasustansia, ngem ala, anusan.

Ken adda pay nayonna-- salad a pechay [bulong ken kayo] a nakamatisan, naigilapan ken natadtadan ti sibuyas ken laya, nalaokan iti bassit a bugguong ken vetsin. Nateng latta ngem nagimas man nga ikammet iti innapuy.

‘Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Nakapupok a lames ti isublat

Lames manen. Ngem iti daytoy a gundaway, lames a nakapupok iti lata ti nagammatak a linuto.

Ti la adda a klase ti luto ngem panagkunak, naimas ken nasustansia.

Simple ti preparasionna, ginisarko iti apagdillaw a manteka ti sardinas. Linaokak iti bulong ti marunggay, uggot ti kalunay ken sili.

Mayat!

Ay ket anusan kinanumo ti sida, karruba. ‘Maykan, a!

[wwwmangantayonkarruba.blogspot.com]

Salad manen

Salad a sabong ti marunggay, katuday ken kardis ti iparehak iti innapuy ita a nalulem ti panawen ditoy Maui. Makaanayen daytoy nga ibussog ti boksit, piman. 

Nanumo ngem 'maykan ta manganta, karruba!

[wwwmangantayonkarruba.blogspot.com]

 

Nateng ken lames, mayat latta!

Maikawaak man uray maysa la nga aldaw a di makaraman ken makaigup iti digo ti nateng isu a daytoy ti bisita ti boksit ita: bulong ti marunggay, uggot ken sabong ti karabasa, sabong ti katuday, bulong ti saluyot ken nasagpawan iti nilingta a mataan.

No nangisit ti sikom ‘maykan ta danggayannak a mangan, karruba!

[wwwmangantayonkarruba.blogspot.com]

Nateng latta!

Nateng latta a di kauma, idi ken ita.

Mansuen man ketdi ti agigup iti digo ti inabraw a bulong ti marunggay, uggot ken sabong ti karabasa, sabong ti katuday, bunga ti tarong ken nasagpawan iti kuros-kubbo.

Anusanen, a, uray ta nasustansia ti sida. 'Maykayon makiigup iti digo, karruba!

[wwwmangantayonkarruba.blogspot.com]

Berde latta. Salad man...

Salad a bulong ti marunggay, sabong ti katuday [ken marunggay], ken rangaw ti paria ti ibulon iti innapuy. Piman a sida, ngem nasustansia.

Mayat latta. ‘Maykayon ta pagraramanan, ala!

[wwwmangantayonkarruba.blogspot.com]

Nateng latta

Nateng latta ti ibulon iti innapuy. Ket wen, diak kauma. Nagimas man nga arub-oben nga igupen ti digo ti bulong iti marunggay, bungat' paria, okra, [saluyot-kayo], pallang ken sabong ti katuday a nasagpawan pay iti prito a galunggong nga ad-adda a mangpasabor ti ramanna.

Piman ngem nasustansia a sida. 'Maykayon, karruba!

[wwwmangantayonkarruba.blogspot.com]

Nateng latta manen

Pangaldaw mammet gayamen, aya? Nagalistot' oras.

Ngem ne, agiguptay' man ketdi iti digo ti bulong ti marunggay, susop ti saba ken bungat' okra [saluyot-kayo] ta napia la nga adda pamigsa dagiti susuop, lasag ken tulang a nakigabbu a nagsapul iti pangtaraon ti bagi idi rabii, piman.

'Maykan ket naimas ti maragatas a digo, karruba!

[wwwmangantayonkarruba.blogspot.com]

Agiguptay' iti digo, apo!

 

Ney! Pangngaldaw mammet gayamen. Nagalistot' oras, aya? Ket wen, agiguptay’ man ketdi iti digo ti bulong ti marunggay, okra [saluyot-kayo] ken bungat’ utong a nasagpawan iti prito a tilapia.

Anusan ti sida, karruba. 'Maykayon, ne!

[wwwmangantayonkarruba.blogspot.com]

Tamnay ken apgad a sida

 

Ket kas kadawyan dagiti pada a mamirmiraut a taga-away, piman, ad-adda a nateng ti kanayon a kapulpulapol iti lamisaan. Ngem ala wen, agiguptay' iti digo ti bulong ti marunggay, bungat' paria ken okra [saluyot-kayo] nga imparehak iti bugguong nga unnok a mangbalanse ti tamnay ken apgad a raman ti sida.

'Maykan, karruba!

[wwwmangantayonkarruba.blogspot.com]

Nateng latta

Nateng latta ti pagpapasan. Agigup iti digo ti bulong ti marunggay ken saluyot ken adda bassit laokna a rabong (bamboo shoot).

Nanumo ngem nasustansia, piman.

Ala wen, 'maykayon makiigup, karruba!

[wwwmangantayonkarruba.blogspot.com]

Dinengdeng latta...

Dinengdeng latta. Di kauma. Ket wen, agiguptay' iti digo

ti bulong ti marunggay ken paria a nalaokan iti bagas

ti lampaka. Anusan ti nanumo a sida, piman.

'Maykayon pada a nangisit ti sikona a karrubak

ta pagraramanan ti adda.

[wwwmangantayonkarruba.blogspot.com]

Nanumo a sida

Ay! Nanumo laeng a pang-anibersario a sida: digo ti nateng— bulong ti marunggay, bungat’ okra [saluyot-kayo] ken paria, ken adda met sidekick-na a liningta a mataan [akule], piman.

Makaanayen daytoy a mangpasidap ken mangasa ti panunot ken mangpatibker pay ti pisikal a bagi. Ngem kangrunaan iti amin, ti nair-irut a singgalot ken pannakataginayon ti napimpintas a relasion, ken mamagtriple pay ti duapulo ket dua a tawen a panagdenna— iti rigat man wenno gin-awa.

[wwwmangantayonkarruba.blogspot.com]

Dinengdeng latta. Manso!

Uhu! Daytoy la ti nanumo a sida ita a pangaldaw: 

bulong ti marunggay, sabong ti katuday ken adda

sangkabassit sagpawna nga uong ken okra.

Anusan ti dinengdeng nga ikammet iti innapuy 

a kasango ti padak a naulila a lamisaan 

iti innak panagmaymaysa manen, piman.

Iyayabko lattan no sino ti mayat a makisango

a mangan kaniak, karruba!

[wwwmangantayonkarruba.blogspot.com]