Lames-taaw manen ti sida

Lames-taaw manen, piman.

Ti sida. Manso, tira!

Paganusan, a.

Kas koma ti daytoy prito a tilapia a napulagidan

iti lakaylakay [naglaok ti natadtad a bungat' sili

ken bukel ti bawang], nawarakiwakan bassit iti naiwa

a bulong ti lasona a pangar-artiokna ken iti bulong 

ti saba ti nagbalin nga ungot a paggammatan-panganan.

Mabsog la ketdi ti boksit. Saan a pakawanen ti ngiwat

no alisto ti ima nga aggammat.

Ay,ikiras! Anusan ti gasangna.

Dikan baybayagen. 'Maykan, karruba!

[wwwmangantayonkarruba.blogspot.com]

 

[Na]Prito a namarinada nga awan siitna a bangus

 

Lames-taaw man ketdi ti isublat a sida--

[Na]Prito a namarinada nga awan siitna a bangus

[marinated boneless bangus] ti pareha 

ti innapuy ita.

'Maykan ta manganta, karruba! Baliwanta mammet ti uso, piman.

[wwwmangatayonkarruba.blogspot.com]

Pinakbet a bulong ti bawang

 

Ket wen, paganusan manen, a, ti nanumo

a sida; pinakbet met laeng a bulong

ti bawang a nakilinnudonan ti bassit

a bungat' patani ken chicharon baboy.

Umanayen nga ibussog ti mamirmiraot

a tian. No nangisit ti sikom,

'maykan ta manganta, karruba!

[wwwmangantayonkarruba.blogspot.com]

Lasona ken Laya

 

Daytoyen daydi produkto ti Foodland

a lasona nga immasiterak. Nagbiagda amin.

Mayat ti rubbuat panagdakkelda. Pagal-alaakon

a paglaok ken pagrekado iti maluto.

Maysa kadagita naimasetera ti mula a laya

a naggapu met laeng iti store.

.

.

.

[wwwmangantayonkarruba.blogspot.com] 

Nagsabong. Nagkalatkat. Nagbunga.

 

Nagsabong. Nagkalatkat. Nagbunga.

Mayat! Awan pilpilienna daytoy mula nga utong

a nagkalatkatan, makaay-ayoda ketdi.

Sige, tira!

.

.

.

[wwwmangantayonkarruba.blogspot.com]

Manso, tarong!

 

Uray ti mula a tarong, makiinnunna met

nga agbunga. Ala wen, manso. Pagyamanan

ti kaaddayo ta adda pakairanudan ti paraburyo

.

.

.

[wwwmangantayonkarruba.blogspot.com]

No aginnarakup dagiti mula-- patani ken kamatis

 

Agiinnarakup met dagiti mula a patani

ken kamatis. Kas da la agpimpinnasindayag

iti bunga. Para kaniak, awan mangabak.

Agpadpadada a makaited iti paraburda.

Kasta, awan dakkel nga espasio 

a pagimulaan kadakuada ngem agbibiagda

iti maymaysa a hardin-- ti taraon ti bagi.

.

.

.

[wwwmangantayonkarruba.blogspot.com]

Kamatis

 

Rimmungarong met ti bunga ti kamatis.

Agpadlaw sa ketdi, piman. Ala wen.

.

.

.

[wwwmangantayonkarruba.blogspot.com]

Salad manen, manso!

Sinaladkon ti sabong ti marunggay, katuday ken kardis. Makaanayen nga ibussog ti boksit.

.

Nanumo ngem mangantan, karruba!

.

.

[wwwmangantayonkarruba.blogspot.com]

Parabur iti hardin ti taraon ti bagi

 

Adda met sangkabassit napurosko a nateng itay bigat iti hardin ti taraon ti bagi, piman. Adda sabong ti marunggay ken katuday, bulong ti marunggay, bungat' kardis ken kamatis. Makaanayen daytoy a makabukel iti maluto a masida.

.

.

wwwmangantayonkarruba.blogspot.com

Lauya a tultulang ti baboy

 

Agiguptay’ manen iti digo. Pagpapigsa. Naimbag daytoy kadagiti pada a mangrabrabii nga agtrabaho.

.

Anusan ti digo ti lauya a tultulang ti baboy nga inasmangak iti bulong ken kayo ti pechay, adda pay bassit sagpawna a bulong ti sili napia la a mangpasabor ti ramanna ken kired dagiti susuop ken pagpasidap ti mata.

.

‘Maykan, umayka. Agawaam ti umay ta ur-urayenka, karruba!

.

[wwwmangantayonkarruba.blogspot.com]

Marunggay/Marunggi

 

ala. sika man

no dadduma, iwalindakat' kaaduan

iti pagguummongan-punsionan

ngem ti bagi sikat' pakataraonan.

agsampagaka latta

kaniak agingga a siak ti mauma...

.

.

.

hardin ti wailuku

marunggay/marunggi

Kardis

 

sabong, sabong

agawaam agsabong

tapno adda purosen

a bungat' paraburmo.

.

.

.

ditoy hardin ti wailuku

kardis

Nateng latta, karruba!

 

Pinablad nga utong [bukel] a nasagpawan iti uggot ken bunga ti paria, sabong ti katuday ken aramang ti sida a kainnarakup ti innapuy ita.

.

Nateng latta a di kauma, karruba!

[wwwmangantayonkarruba.blogspot.com]

Tinuno a sabong ti katuday

 

Tinuno a sabong ti katuday nga adda sidekick-na nga utong ken uggot ti pakpako ti pareha ti innapuy ita. Natempla iti sangakutsarita a lakaylakay [natadtad a bungat' sili ken bawang] ken Kim Chee base a mangnayon ti gasang ti sida.

.

'Maykanyon ta pagraramanan, karruba! Naimas ti agsida ti kastoy ita ta natutudo ti tiempo.

[wwwmangantayonkarruba.blogspot.com]

Dinardaraan a karne [ken taba] ti baboy

 

Daytoy ti isublat nga ap-ap ti boksit, dinardaraan a karne (ken taba) ti baboy.

.

Pagpapasan no adda, piman. ‘Maykan, karruba!

.

[wwwmangantayonkarruba.blogspot.com]

Tinapa with kamatis, mayat latta

 

Diak met mauma ngem palabsak man pay laeng

ti agsida iti nateng ken karne. Daytoy 

ti nagammatak a linuto, tinapa with kamatis.

Panagkunak, saan laengen a pangbigat a sida

ti tinapa, uray ania nga oras iti pannangan.

Kas moma ita, pangaldaw wenno pangrabii,

mayat latta. Ti kapintasan ditoy, adu nga

innapuy ti maibulonna ket sigurado

a mabsog datao.

'Maykan ta ikirasta, karruba!

[wwwmangantayonkarruba.blogspot.com]

Adobo a pusit, piman

 

Daytoy lattan ti sida, adobo a pusit [calamari]

a nasagpawan iti bungat' sili a nayonna a pangpagana

ti pangan. Babaam man dayta ka-valentina,

im-imasek ti masida. 

.

.

.

Dagitay' awan pay ka-valentinana, 'maykayon

ta datayo ti agrurunggo. Hohoho!

[wwwmangantayonkarruba.blogspot.com]

Es Kabeche[ng] Galunggong [Fried Layang Scad]

 

Gapu ta inyuso ni kumpad ti balikas

a kabet, sagutanka man iti bukodko 

a bersion a luto nga inawagak iti

"es kabet-se[ng] galunggong," este,

ES KABECHE[NG] GALUNGGONG [Fried Layang Scad]

gayam. Hehe!

Simple lang dagiti naisagana a laok

ken panemplana: adda kamatis, bungat' tarong

ken kardis, adda pay uggot ti ilay-sanglay

[alugbati]; sangkatedted a suyo, maysa kutsara

a ginisa mix wenno chicken boullion. Ngem segun

ti 'like' ti kayat a templa.

Ala 'maykan ta ramanan man ti kabetsek, karruba!

[wwwmangantayonkarruba.blogspot.com]

Pinakbet, bukod a bersion a luto

 

Pinakbet a sabong ti katuday ken bungat’ paria a nasagpawan iti aramang. Sabali pay a raman ti luto. Sabali a partuat ken eksperimento. Bukod a bersion. Mayat, manso, ikiras!

.

‘Maykan ne, karruba!

[wwwmangantayonkarruba.blogspot.com]

Nateng manen

 

Maikawaak man uray maysa la nga aldaw a di makaraman ken makaigup iti digo ti nateng isu a daytoy ti bisita ti boksit ita: bulong ti marunggay, uggot ken sabong ti karabasa, sabong ti katuday, bulong ti saluyot ken nasagpawan iti nilingta a mataan.

.

No nangisit ti sikom ‘maykan ta danggayannak a mangan, karruba!

.

.

[wwwmangantayonkarruba.blogspot.com]

Seafoods: Pasayang ken Tilapia Fillet

 

Seafoods mammet ti isublat nga ikammet

bareng agkatunosanda iti innapuy.

Wen, ramanan met ti bukod a bersion a luto

nga imbaliktad a pasayang ken kaustoanna

a prito ti napulbosan iti corn starch a tilapia

fillet. Awan adu a rekado a pinagtempla.

Immanayen ti butter, roasted garlic and herb,

barbeque seasoning ken bulong ti mula

a lasona.

'Maykan, karruba!

[wwwmangantayonkarruba.blogspot.com]

Es Kabeche[ng] Akule

Es Kabeche[ng] Akule a nalaokan

iti nagisaran a kamatis ken

carrots, nasagpawan iti bulong 

ti lasona.

Anusan napia la a pamedped iti bisin,

piman. 'Maykan, karruba! 

KBL ken L ken Prito Tilapia

 

KBL ken L [Kamatis, Bugguong, Lasona

ken Laya] lattan ti iparehak iti 

prito a tilapia napia la a pangimas

ti pangan, piman.

.

.

[wwwmangantayonkarruba.blogspot.com]