Nateng latta

Nateng for life. Manso, kaka!

Agiguptayo man ketdi iti digo ti sabong ti karabasa ken katuday, bulong ti saluyot, ilay-sanglay [alugbati], bungat' okra, rabong ken uggot ti karabasa. Daytoyen ti kaalistuan a lutuen no kastoy a natutudo ti tiempo. Kaimasan pay a pangdengngep iti malamlammin a tian.

Daytoy ti maysa a paggugusto a sida dagiti pada a nangisit ti sikona. 'Maykayon, karruba!

[wwwmangantayonkarruba.blogspot.com]

Dinengdeng latta-- for life!

Daytoy ti taraon a pamigsa iti tulang, lasag ken susuop, ken pagpasidap iti panunot dagiti pada a mangrabrabii nga agtrabaho—-dinengdeng latta. For life.

Agiguptay’ iti digo ti bulong ti marunggay, ilay-sanglay [alugbati], pallang, bungat’ tarong a nasagpawan bassit iti uong ken aramang. Piman latta…

.

‘Maykayon ta nausan ti nanumo a sida, karruba!

[wwwmangantayonkarruba.blogspot.com]

 

Es Kabeche[ng] Galunggong [Fried Layang Scad]

 

Gapu ta inyuso ni kumpad ti balikas

a kabet, sagutanka man iti bukodko 

a bersion a luto nga inawagak iti

"es kabet-se[ng] galunggong," este,

ES KABECHE[NG] GALUNGGONG [Fried Layang Scad]

gayam. Hehe!

Simple lang dagiti naisagana a laok

ken panemplana: adda kamatis, bungat' tarong

ken kardis, adda pay uggot ti ilay-sanglay

[alugbati]; sangkatedted a suyo, maysa kutsara

a ginisa mix wenno chicken boullion. Ngem segun

ti 'like' ti kayat a templa.

Ala 'maykan ta ramanan man ti kabetsek, karruba!

[wwwmangantayonkarruba.blogspot.com]

Isublat ti pinablad a balatong

Daytoy man ti pagipapasan nga ikammet

ken ipareha iti innapuy: pinablad a balatong

a nasagpawan iti sabong ti katuday

ken uggot ti ilay-sanglay [alugbati],

ken nalaokan iti nagisar a lasag ken taba 

ti baboy. 

Medyo nalamiis ti tiempo isu a mayat

daytoy a kainnarakup ti boksit bareng

papudotenna ti malammin a rikna, piman.

Baam no masinga ti gout, adda agasna. 

Hehehe!

'Maykan, karruba!

[wwwmangantayonkarruba.blogspot.com]

Dinengdeng for life

 

Kastoy ti taraon a pamigsa iti tulang, lasag ken susuop, ken pagpasidap iti panunot dagiti pada a mangrabrabii nga agtrabaho—dinengdeng latta. For life.

Agiguptay’ iti digo ti bulong ti marunggay, ilay-sanglay [alugbati], pallang, bungat’ tarong a nasagpawan bassit iti uong ken aramang. Piman latta…

.

‘Maykayon ta nausan ti nanumo a sida, ne.

[wwwmangantayonkarruba.blogspot.com]

Mayat panagdakkel dagitoy imbunubonko, kumpad. Nauray met laeng ti nabayagen a segseggaak a pagilasinan— Kamatis [Tomato/Red Cherry], Sibuyas [Union/Kiyotaki Long White Bunching] ken Gisantes/Sicharo. Dakkel metten ti alugbati (ilay-sanglay).
.
Ala wen...
.
.
[wwwmangantayonkarruba.blogspot.com]

Es Kabeche Galunggong (Fried Layang Scad) a nalaokan iti kamatis, bungat’ tarong ken kardis, bulong ti ilay-sanglay. ‘Maykayon ta pagraramanan ti nanumo a sagana iti lamisaan.

wwwmangantayonkarruba.blogspot.com

Pinagblad a balatong a naigisaran bassit iti karne ken taba ti baboy, nasagpawan iti bulong ti ilay-sanglay ken sabong ti katuday. Daytoy ti naimas a masida no kastoy a natutudo ti tiempo. ‘Maykayon ta ikirastay’ ti nanumo a masida— piman.

wwwmangantayonkarruba.blogspot.com

Isublat mammet ti agigup iti digo ti lames ti malaga (spinefoot) a nagsapawan ti bulong iti paria ken ilay-sanglay. ‘Maykayon, ne…

wwwmangantayonkarruba.blogspot.com

Dinengdeng ti isublat a masida no kastoy a natutudo ti tiempo. Pamigsa ti tulang, lasag ken susuop dagiti pada a mangrabrabii nga agtrabaho. Wen, a, imasen nga igupen ti digo ti bulong ti marunggay, ilay-sanglay, pallang, bungat’ tarong ken nasagpawan bassit iti uong ken aramang. ‘Maykayon ta anusan, ne...

wwwmangantayonkarruba.blogspot.com

Dinengdeng for life: sabong ti karabasa ken katuday, bulong ti saluyot ken ilay-sanglay, bungat’ okra, rabong ken uggot/rangaw ti karabasa. Daytoy ti biag dagiti nangisit ti sikona. ‘Maykayon ta danggayandak a mangan, ne.

wwwmangantayonkarruba.blogspot.com

Woo, dinengdeng latta. Ana pay sapulekon a sidaen no maymaysan ti sabong ken uggot ti karabasa, bulong ti saluyot, ilay-sanglay, katuday ken bungat’ okra? Ay, awanen! Imasek man unay nga igupen ti nasustansia a digona. Mangantayon, karruba!

wwwmangantayonkarruba.blogspot.com