Ania ti Pangnaganmo Kadaytoy a Luto?

DAYTOY man ti nageksperimentoak a linuto, piman. Diak ammo ti umno nga ipanaganko ngem nagimas ti nagresultaanna. 

Kombinasion iti nateng ken itlog. Nabatil ken nailamaw ti uggot ti balangeg ken sabong ti karabasa. Naitipon ti nabatil nga itlog sa naprito. Ket dayta, ne. Naglanga metten a pizza, piman. 

No sika ti pagsaludsodak, Karruba, ania ti pangnaganmo kadaytoy a luto? Ala man, a?

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #eksperimentoaluto #lutoniilokano #bukodaluto #lutoitibalay #nateng #itlog #nabatil #nalamaw #uggot #sabong #balangeg #karabasa #naprito #ilokanoak #ilokanoakditoyhawaii #sida #pangdarasan #makan #dalikan #kusina #lamisaan #mangantayon #karruba #rudyramrumbaoa

 

Adobo a Bagis ti Baboy

ADOBO A BAGIS ti baboy. Tambutso, kuna ti dadduma.

Ikidemko koma a kitaen, ngem ne, lukibenna met dagitoy kalub ti mata. Sanabagan, nagrigat ketdin a liklikan ti sulisogmo! Kasano itan, payagusak kadi iti palab-ogmo?

Hmm...ngem baam man. No agsakit manen, awan mabalin. Pagbiagan daytoy a taraon. Anusak ti sakitna no pitingenna. Pakataraonan ti boksit. "No gout, no glory!" Waaa!

'Maykan no adda gout-mo, Karruba, ta agkontesta nga agrungaab. Hehe!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibiag #saguttibiag #adobo #bagbagis #baboy #tambutso #sida #pulotan #wailuku #ilokanoak #ilokanoakditoyhawaii #lutoniilokano #bukodaluto #lutoitibalay #makan #dalikan #kusina #lamisaan #mangantayon #karruba #rudyramrumbaoa

 

Tinuno a Bungat' Sili ken Okra

GAPU ta umuna nga aldaw ti bulan ti Marso, busatak man ti agsida iti tinuno a bungat’ sili ken okra. Naimbag a kombinasion— aphrodisiac ken pangriing iti agdudungsa a rikna. Nasustansia ken maysa a paggugusto a sida nga idumudom iti nasilian a bugguong ken suka ken ikammet iti innapuy dagiti pada a nangisit ti sikona.

'Maykan ta paganusan ti masida, karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #saguttibiag #nateng #umunangaaldaw #marso #ilokanoak #ilokanoakditoyhawaii #lutoniilokano #bukodaluto #lutoitibalay #sida #tinuno #bunga #sili #okra #aphrodisiac #nasustansia #idumudom #nangisittisikona #dalikan #kusina #lamisaan #mangantayon #karruba #rudyramrumbaoa

 

Salad Latta

Salad a sabong ti marunggay, katuday ken kardis ti iparehak iti innapuy ita a nalulem pay laeng ti panawen ditoy Maui. Makaanayen daytoy nga ibussog ti boksit, piman.

Nanumo ngem 'maykan ta manganta, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #saguttibagi #hardintiwailuku #hardintitaraontibagi #nateng #salad #sabong #marunggay #katuday #kardis #ilokanoak #ilokanoakditoyhawaii #lutoniilokano #bukodaluto #lutoitibalay #sida #makan #dalikan #kusina #lamisaan #mangantayon #karruba #rudyramrumbaoa

[bulod nga ala dagitiladawan a nausar]

 

Ita Nga Aldaw: Marunggay

Ala, sika man. No dadduma,

iwalindaka't kaaduan

iti pagguummongan-punsionan

ngem ti bagi sikat' pakataraonan---

pagbiagan mamirmiraut a kas kaniak

Wen, agsampagaka latta

iti hardinko agingga a siak ti mauma...

.

.

.

.

.

Ita Nga Aldaw

Marunggay

Sab. 21 Peb. 2o26

Wailuku

wwwmangantayonkarruba.blogspot.com

#taraontibagi #saguttibiag #hardintiwailuku #marunggay #marunggi #nateng #itangaaldaw #ilokanoak #ilokanoakditoyhawaii #dalikan #kusina #lamisaan #mangantayon #karruba #rudyramrumbaoa

[Bukod nga ala a ladawan ti nausar]

 

Tinuno a Bunga ti Sili ken Okra

Nagasang ken nagalis ti kombinasion a sida ita. Naadat ken aprodisiak. Ngem mayat ngata nga agsubang iti boksit dagitoy dua?

Ala, padasen man ketdi ti tinuno a nakamatisan a bungat’ sili ken idumudom ti okra [saluyot-kayo] iti bugguong bareng pikarenna pay ti ganas a mangan.

‘Maykan ta manganta, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #saguttibiag #wailuku #nateng #bunga #sili #okra #kamatis #tinuno #bugguong #pikarenna #mangan #ilokanoak #ilokanoakditoyhawaii #lutoniilokano #bukodaluto #lutoitibalay #naadat #aprodisiak #dalikan #kusina #lamisaan #mangantayon #karruba #rudyramrumbaoa

 

Tinuno a Sabong ti Katuday

Tinuno a sabong ti katuday nga adda sidekick-na nga utong ken uggot iti pakpako ti pareha ti innapuy ita. Natempla iti sangakutsarita a lakaylakay [natadtad a bungat' sili ken bukel ti bawang] ken Kim Chee base a mangnayon ti gasang ti sida.

'Maykanyon ta pagraramanan, Karruba! Naimas ti agsida ti kastoy ita ta naangin ken nalamiis ti tiempo. Piman.

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #saguttibagi #nateng #tinuno #sabong #katuday #bunga #utong #uggot #pakpako #lakaylakay #kimcheebase #ilokanoak #ilokanoaditoyhawaii #lutoniilokano #bukodaluto #lutoitibalay #salad #sida #makan #dalikan #kusina #lamisaan #mangantayon #karruba #rudyramrumbaoa