Salad a Nateng

SALAD a sabong ti mula a katuday iti arubayan, bungat' utong ken rangaw ti kalunay iti hardin ti taraon ti bagi ti nanumo a sida ita, piman. Ay wen, ala kadi latta. Napia pay, ala.

'Maykayon, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #salad #sida #makan #sabong #bunga #katuday #utong #rangaw #kalunay #hardintitaraontibagi #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa

 

NAPUROS. NABURAS. N.o5

NAPUROS. NABURAS. N.o5

Adda manen bassit a grasia nga inburay iti minuyongan ti taraon ti bagi. Ala wen. Napia lang, piman. Agyaman!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #napuros #naburas #hardintiwailuku #mula #katuday #sabong #agyaman #rudyramrumbaoa

[Bukod nga ala a ladawan dagiti nausar]

Salad Latta

Salad a rangaw ken bungat' paria a nalaokan iti natuno a sabong ti katuday ti sida ita a natutudo pay la ti panawen, piman. Agaria nga agsabong ti mula a katuday isu nga alistoan met ti agpuros, Karruba.

Ala wen, nateng latta. 'Maykan ta mangantan, Karruba!

Dalikan, Kusina kemn Lamisaan:

MANGANTAYON, KARRUBA!

wwwmangantayonkarruba.blogspot.com

#nateng #salad #bunga #rangaw #paria #natuno #sabong #katuday #sida #makan #taraon #taraontibagi #saguttibiag #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa

Salad Latta

Salad a sabong ti marunggay, katuday ken kardis ti iparehak iti innapuy ita a nalulem pay laeng ti panawen ditoy Maui. Makaanayen daytoy nga ibussog ti boksit, piman.

Nanumo ngem 'maykan ta manganta, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraontibagi #saguttibagi #hardintiwailuku #hardintitaraontibagi #nateng #salad #sabong #marunggay #katuday #kardis #ilokanoak #ilokanoakditoyhawaii #lutoniilokano #bukodaluto #lutoitibalay #sida #makan #dalikan #kusina #lamisaan #mangantayon #karruba #rudyramrumbaoa

[bulod nga ala dagitiladawan a nausar]

 

Natuno a sabong ti katuday

Ay, maulit-ulit latta daytoy a klase ti masida. Ta malaksid laeng a simple ti pannakaisagana ti nateng, alisto pay a maluto. Ken naimas met ngamin, karruba.

Natuno a sabong ti katuday a naipareha iti nagisar a pakpako, natempla iti sangkabassit a lakaylakay [naglaok ti natadtad a bungat’ sili ken bawang] ken sangkatedted a bugguong. Makaanayen a kabinnulig ti innapuy, piman.

‘Maykayon ta pagraraman ti nanumo a sagana iti lamisaan...

[wwwmangantayonkarruba.blogspot.com]

Salad latta

Salad a rangaw ken bungat' paria a nalaokan iti natuno a sabong ti katuday ti sida a pagsasangngoan iti lamisaan. Agaria nga agsabong ti mula a katuday isu nga alistoan met ti agpuros, piman.

Ala wen, nateng latta. 'Maykan ta mangantan, karruba!

[wwwmangantayonkarruba.blogspot.com]

Salad manen

Salad a sabong ti marunggay, katuday ken kardis ti iparehak iti innapuy ita a nalulem ti panawen ditoy Maui. Makaanayen daytoy nga ibussog ti boksit, piman. 

Nanumo ngem 'maykan ta manganta, karruba!

[wwwmangantayonkarruba.blogspot.com]

 

Salad a sabong ti katuday ken rangaw ti paria

Agsidatayo iti salad a sabong ti katuday ken rangaw ti paria. Kaadu pay la ti sabong ti katuday ngem anusan ti nanumo a sida, piman. Nateng latta a di kauma.

'Maykan ta manganta, karruba!

[wwwmangantayonkarruba.blogspot.com]

Tinuno a sabong ti katuday

Tinuno a sabong ti katuday nga adda sidekick-na nga utong ken uggot iti pakpako ti pareha ti innapuy ita. Natempla iti sangakutsarita a lakaylakay [natadtad a bungat' sili ken bukel ti bawang] ken Kim Chee base a mangnayon ti gasang ti sida.

'Maykanyon ta pagraramanan, karruba! Naimas ti agsida ti kastoy ita ta natutudo ken nalamiis ti tiempo.

wwwmangantayonkarruba.blogspot.com

 

Pinakbet a sabong ti katuday, sabali a raman ti luto...

Pinakbetko ti sabong ti katuday ken linaokak iti bungat’ paria ken utong a nasagpawan ti aramang. Sabali a raman ti luto. Sabali a partuat ken eksperimento. Bukod a bersion. Mayat, manso, ikiras!

‘Maykan ne, karruba!

[wwwmangantayonkarruba.blogspot.com]

Nateng ken lames, mayat latta!

Maikawaak man uray maysa la nga aldaw a di makaraman ken makaigup iti digo ti nateng isu a daytoy ti bisita ti boksit ita: bulong ti marunggay, uggot ken sabong ti karabasa, sabong ti katuday, bulong ti saluyot ken nasagpawan iti nilingta a mataan.

No nangisit ti sikom ‘maykan ta danggayannak a mangan, karruba!

[wwwmangantayonkarruba.blogspot.com]

Salad manen

Ket wen, daytoy lang ti nanumo a sida nga ikammet iti innapuy, piman; [na]salad a bungat’ netib (natibo) a parda ken sabong ti katuday.

Nakanumnumo...

[wwwmangantayonkarruba.blogspot.com]

.

.

#ilokanofood

#taraon

#salad

#bunga

#sabong

#parda

#katuday

#sida

Nateng latta!

Nateng latta a di kauma, idi ken ita.

Mansuen man ketdi ti agigup iti digo ti inabraw a bulong ti marunggay, uggot ken sabong ti karabasa, sabong ti katuday, bunga ti tarong ken nasagpawan iti kuros-kubbo.

Anusanen, a, uray ta nasustansia ti sida. 'Maykayon makiigup iti digo, karruba!

[wwwmangantayonkarruba.blogspot.com]

Salad mammet ti isublat

Daytoy man la ti ibulonko iti innapuy ita a naanus unay ti tudona nga agtupak ditoy batogko a tangatang. Pangalistuan nga isakmol-- salad nga utong ken sabong ti katuday. Makaanayen daytoy a pamedped ti bisin, piman.

Ala wen ti sida. 'Maykayon ta mangantayon, karruba!

[wwwmangantayonkarruba.blogspot.com] 

Nateng latta

Nateng for life. Manso, kaka!

Agiguptayo man ketdi iti digo ti sabong ti karabasa ken katuday, bulong ti saluyot, ilay-sanglay [alugbati], bungat' okra, rabong ken uggot ti karabasa. Daytoyen ti kaalistuan a lutuen no kastoy a natutudo ti tiempo. Kaimasan pay a pangdengngep iti malamlammin a tian.

Daytoy ti maysa a paggugusto a sida dagiti pada a nangisit ti sikona. 'Maykayon, karruba!

[wwwmangantayonkarruba.blogspot.com]

Berde latta. Salad man...

Salad a bulong ti marunggay, sabong ti katuday [ken marunggay], ken rangaw ti paria ti ibulon iti innapuy. Piman a sida, ngem nasustansia.

Mayat latta. ‘Maykayon ta pagraramanan, ala!

[wwwmangantayonkarruba.blogspot.com]

Nateng latta

Nateng latta ti ibulon iti innapuy. Ket wen, diak kauma. Nagimas man nga arub-oben nga igupen ti digo ti bulong iti marunggay, bungat' paria, okra, [saluyot-kayo], pallang ken sabong ti katuday a nasagpawan pay iti prito a galunggong nga ad-adda a mangpasabor ti ramanna.

Piman ngem nasustansia a sida. 'Maykayon, karruba!

[wwwmangantayonkarruba.blogspot.com]

Katuday man

 

Kapigsa nga agsabong ti katuday ngem ti problema,

natatayag unayen dagiti sangana. Ti dadduma,

aglumbay iti uneg ti inaladan ti karrubak isu a kapilitan

a putdek dagiti atitiddog ken natatayag a sangana.

Awan mabalin. Agsaringitto. Mangabaroanan.

[wwwmangantayonkarruba.blogspot.com]

Iti Hardin ti Taraon ti Bagi

 

Ana ngata aya, sukdalek wenno pukanen? Kasano ket nagngato met manen ti sanga ti katuday, perme met gayamen ti tayag ti kalamansi numuna ket nagadu ti bungana, uray ti bayawas, ti guakol.

[wwwmangantayonkarruba.blogspot.com]

Nateng ken unnok, mayat!

Hu! Daytoy lattan ti pangdarasan a sida: [na]salad a sabong

ti katuday, rangaw ti paria ken ilay-sanglay [alugbati] ken

adda sangabukel a bungat' paria ken maysa ramayan nga utong.

Linaokak iti kamatis ken lasona.

Daytoy ti pagsayaatanna no adda mula a nateng iti hardin

ti taraon ti bagi, adda nakasagana a burasen wenno purosen

a paglaok iti kumporme a maluto a masida.

Saan la a dayta, inasmangak ti salad iti binugguongko nga unnok.

Mayat ti balanse ti ramanna, piman.

'Maykayon, karruba!

[wwwmangantayonkarruba.blogspot.com]