Ania ketdin, apo, a panangimasko a nangigup ti maragatas a digo daytoy dinengdeng a bulong ti marunggay ken susop ti saba. Urayak la nabang-aran, piman. Whew!

Dinengdeng a bulong ti marunggay ken susop ti saba

Daytoy man ti maysa nga ar-arapaapek a maramanan a klase ti noodles [nga adda digo/sabawna] iti restaurant ditoy Maui, ti Izumo soba, maysa a Japanese food delicacies. Maramanak man la koma bareng masakarko ti laok ken templana. Mayataday unay a para kadagiti pada a managpuyat, piman. Pagpapigsa. Napintas a pagparuar...iti ling-et. Hekhek!

Izumo soba, Japanese food delicacies

The soba noodle is one of the most popular Japanese dishes. It is made of buckwheat flour, sometimes enriched with a small quantity of wheat flour, which makes the soba dough elastic, and good for making thin noodles. Depending on the wheat proportion, the taste of soba varies greatly.

If you travel to the Izumo area in Shimane, you can taste a special soba, because here, in order to enrich the buckwheat flavor, the flour is made from the whole buckwheat grain, including the outer shell. This makes the flour darker, and the soba noodles are more flavorful…

Kastoy ti lutoek no masadutak nga agluto, naigisar a corned beef a nalaokan iti bassit a repolyo ken susop ti saba. Ta kas iti kinanumo datao, kasta met ti kanumo ti masida. Ket ana ngarud pay, anusanen, a, piman.

Naigisar a Corned Beef a nalaokan iti repolyo ken susop ti saba

Pagpapigsa, pagpaling-et kalpasan ti nagpatnag a trabaho ti lauya wenno nadiguan/sabaw a karne ken tultulang ti baboy. Anusanen, a, piman ta nalaokan met iti susop ti saba.

Lauya/Nadiguan a Karne ken Tulang ti Baboy

Daytoy ti naimas pay a pagsangpetan no napuyatka iti trabaho, lauya wenno nadiguan/sabaw a karne/tulang ti baboy. Sigurado la ketdi a mabang-aranka kalpasan a maigupmo ti digona.

Lauya/Nadiguan a Tulang/Karne ti Baboy

Chicken wings and thighs in deep fryer, dayta ti ultimo remedio no masadut datao nga agluto iti paryok.

Chicken wings and thighs in deep fryer

Daytoy ti kidkiddisan a pulotan a prito a tilapia bayat ti panangkirog ti sabali pay a taraon a masida. No mabisin, irapin uray awan arak a kling-kling!

Naprito a tilapia

Beef steak, dayta ti potahe a nakursunadaak a linuto ita nga aldaw. Wen, bukod a bersion. Bukod a templa. Bukod nga estilo. Homemade cook a kunada.

Homemade cook beef steak

Kadagiti pada nga agtartrabaho iti rabii, napintas unay daytoy a pagpapigsa iti susuop: lauya/diniguan a karnet' baka a nalaokan iti Baguio beans ken patatas. Kompleto uray saankan nga aginapuy ta adda laokna a patatas a nabaknang iti carbohydrates.

Lauya/Nadiguan a Karnet' Baka

Tapno maikkat dagiti agtatapaw a lanit iti bituka, nangtunoak iti bungat' sili. Tay medyo pangadaten bassit ta barbareng kunak, tunawenna dagiti lanit a naipauneg a taraon iti kallabes.

Natuno a bungat' sili

Pupus, pupos latta. Wen, naimas daytoy a pulotan dagiti pada a managinum, ti beef stripe. Ne, ket agkutikutin dagiti bulong, mabalinen ti manglidok!

Beef Stripe

Daytoy man homemade roasted chicken a nayon ti potluck-mi idi bisperas ti baro a tawen. Nakursunadaak lang a linuto, piman. Ininyeksionak ti bagi ti manok iti tinemplak a marinada. Kalpasan ti pannakalutona, linaokak ken dinekorasionak iti bassit a naigisar a bell pepper, patatas ken carrots. Mayat! Mayat, piman.

Homemade Roasted Chicken with potato, pepper and carrots

Daytoy ti umuna a subo ti nateng ita a tawen: dinengdeng nga uong, pallang ken bunga/bukel ti tugi. Bay-am pay la ti nalanit. Makauma met. Dagiti man nasussustansia ngem ti karne ti irugi nga ipauneg ita a baro a tawen. Mangalakay' ti ungotyon ta mangantayon, ne!

Dinengdeng nga uong, pallang ken bunga/bukel ti tugi

Blue Crab. Hmm...dayta ti linutok ngem diak agsida. Saan pay laeng ta maysa daytoy a mangpikpikar ti panag-goutko isu nga anusak ti agkidem no agisakmol dagiti kabbalayko. Kukuada lang, piman. Hekhek!

Blue Crab

Es Kabeche[ng] Akule ti nakursunadaak a linuto, piman. Awan met ketdi, kayatko lang. Nalaokan ken naigisaran iti kamatis, carrots ken bulong ti lasona. Pamedped ti bisin. 'Maykayon, ne!

Es Kabeche[ng] Akule