Nadiguan a Babay Clam

Nagalistot' oras. Pangaldaw mammet gayamen, aya? Ngem ala, anusan daytoy diniguak a baby clam a sidaen ta napia la a mangdengngep ti mabisinan a boksit, piman.

'Maykayon, Karruba, ta dangnggayandak man napia la nga adda kasarsaritak bayat ti pannangan, ne!

Dalikan, Kusina ken Lamisaan:

MANGANTAYON, KARRUBA!

#taraontibagi #saguttibiag #nadiguan #babyclam #sida #dengngep #mabisin #danggayan #ilokanoak #ilokanoakditoyhawaii #lutoniilokano #bukudaluto #lutoitibalay #dalikan #kusina #lamisaan #mangantayon #karruba #rudyramrumbaoa

 

Nadiguan a tabtaba

Nadiguan a tabtaba.

Wen, diniguak ti tabtaba [kuplat ti daga ken/wenno

rugit ti daga] a kunada, karruba. Mapaosanak la

nga agigup iti digo ket daytoy ti nagammatak

ken kaalistoan a lutona. Saankon a pinabaawan pay

ti digo. Manso, tira ti arub-ob!

'Maykayon, karruba!

[wwwmangantayonkarruba.blogspot.com]

 

Agiguptay' ti digo, karruba!

Daytoy mammet ti isublat nga arub-oben ti digona,
lauya a luppo ti baboy a nasagpawan iti repolio.
Sagpamisan met no adda mairana ta di pimpiman lattan
ti boksit.
.
Ala wen, 'maykayon ta pagraramanan nga igupen ti digona, ne...
.
[wwwmangantanyonkarruba.blogspot.com]

Daytoy mammet nadiguan nga ipon (hipon) ti pagpapasan nga igupen ti digona. Saan a gagangay nga ipon a mabalin koma a makilaw. Daddadakkel ketdi a klase ti ipon daytoy. Diak ammo ti pangnaganda daytoy, ngem uray pay no kasta— iponto latta. Ti nasken, imasen nga igupen ti digona.

wwwmangantayonkarruba.blogspot.com

Sinigang (Nadiguan a lames ti) a Bangus ti igupen ti digona, piman. Anusan ngem imasen lattan, a.

wwwmangantayonkarruba.blogspot.com

Daytoy ti naimas nga igupen ita a natutudo iti batog a langit-- paksiw [nadiguan/diniguan] a taba ken karnet' baka. Nasabor ti digona. Alisto a pagpaling-et ken pagpabara iti malamlammin a bagi gapu ta naipareha iti natadtad a bukel ti bawang ken bungat' sili [nga awaganmi ti lakaylakay]. 'Maykayon ta danggayandak nga agigup. Anusan ti kinanumona, piman...

Paksiw [nadiguan/diniguan] a taba ken karnet' baka

Sinigang [Paksiw/Nadiguan] a Mataan [Akule] a nasagpawan iti bungat' sili

Sinigang [Paksiw/Nadiguan] a Mataan

Lauya [nadiguan] a kukod/saka ti baboy a nasagpawan iti rabong ti ibulon ti innapuy. Nagsabor ti digona!

Lauya/Nadiguan a Kukod/Saka ti Baboy

Paksiw a baka ti pangibulon ti innapuy. Nupay adda kapkapuy ti pinapaitanna, agiguptay' man latta iti digo ta napia la a pangriing ti agdudugel a rikna...

Paksiw a baka wenno nadiguan/diniguan a karnet' baka

Babaen ti napintas a kombinasion ti lakay-lakay [natadtad a bukel ti bawang ken sili] iti nadiguan/lauya a karnet' baka, naimbag daytoy nga igupen ti digona. Alisto a pagpaling-et para kadagiti pada nga agdudungsa ti rikna. Naimbag pay para kadagiti managpuyat. Anusan, piman.

Nadiguan/Lauya a karnet' baka

Lauya/Nadiguan/Paksiw a karnet' baka...

Lauya/Nadiguan/Paksiw a karnet' baka

Pagpapigsa, pagpaling-et kalpasan ti nagpatnag a trabaho ti lauya wenno nadiguan/sabaw a karne ken tultulang ti baboy. Anusanen, a, piman ta nalaokan met iti susop ti saba.

Lauya/Nadiguan a Karne ken Tulang ti Baboy

Daytoy ti naimas pay a pagsangpetan no napuyatka iti trabaho, lauya wenno nadiguan/sabaw a karne/tulang ti baboy. Sigurado la ketdi a mabang-aranka kalpasan a maigupmo ti digona.

Lauya/Nadiguan a Tulang/Karne ti Baboy

Kadagiti pada nga agtartrabaho iti rabii, napintas unay daytoy a pagpapigsa iti susuop: lauya/diniguan a karnet' baka a nalaokan iti Baguio beans ken patatas. Kompleto uray saankan nga aginapuy ta adda laokna a patatas a nabaknang iti carbohydrates.

Lauya/Nadiguan a Karnet' Baka

Daytoy ket daytoyto latta ti imasek nga igupen ti digona, nadiguan/lauya a karnet' baka a nasagpawan iti rabong. Simple a taraon ngem napintas unay a para kadagiti pada a nagpuyat, pagpapigsa ti tumeng/tuod. Ta uray no diak kayat koma ta kalkalpas a nagpambar ti palaypalayko, taoak lang a masulisog piman. No apay ketdi ngamin a naimas ti maiparit? Ngem ala, 'wanen mabalin ta naisaangen iti dalikan ken naluton. Ket bayat ti pannakkumikomko iti kusina nga agisagana manen para ti pangrabii, nakasaganan ti lamisaan a panganan. "Mangantayon, Karruba!" naipukkawko la ngarud. Hekhek!

Nadiguan/Lauya a karnet' baka a nagsapawan iti rabong

Inyasmangak man iti bukel/bungat' patani ti linutok a lauya wenno nadiguan a kukod/saka ti baboy. Pinarisak pay iti lakay-lakay [natadtad a bungat' sili ken bawang] tapno naim-imas ken naganas ti kaan, Kaka. Perme a pagling-etennaka. Naimas a kaldo piman nangruna kadagiti pada nga agtartrabaho iti rabii. 'Maykayon ta arisubsobentayo!

Lauya/nadiguan a kukod/saka ti baboy