Prito a mataan

Hu! Daytoy man prito a mataan [akule] ti pagpapasan nga ikammet iti innapuy. Idumudomko iti suyo a naperresan ti kalamansi nga adda laokna a lakaylakay ken naarten iti suka a bungat' sili ti sairo.

Makaanayen a pangimas ti pangan. 'Maykan, karruba!

[wwwmangantayonkarruba.blogspot.com]

Nateng latta ti sida

Dagitoy ti agpapareha ita: bulong ti marunggay, bungat’ tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken no kastoy nga aglulemlulem ti tiempo ken kasla kayatna nga ibuyat ti tudo. Nasustansia, ngem ala, anusan.

Ken adda pay nayonna-- salad a pechay [bulong ken kayo] a nakamatisan, naigilapan ken natadtadan ti sibuyas ken laya, nalaokan iti bassit a bugguong ken vetsin. Nateng latta ngem nagimas man nga ikammet iti innapuy.

‘Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Ginataan nga aba

 

Inasmangak man ti linutok a dinengdeng iti ginataan nga aba. Linaokak bassit iti nagisar a lasag ken taba ti baboy ken nasagpawan ti daing.

Mayat a kombinasion ta mabalanse ti lasag/taba iti nateng. Ket ana pay ngarud no di anusan ti masida, piman.

'Maykayon, karruba!

[wwwmangantayonkarruba.blogspot.com]

Ammuen pay daytoy, karruba!

ammuen pay daytoy, karruba!

cucumber

[pipino/cucumis sativus, n.s]

These 10 Cucumber Health Benefits  are the reasons why you need to eat this everyday.

• • Here are the Health Benefits of Cucumber / Pipino:
    • 1] Rehydrates body and replenishes daily vitamins
    • 2] Promotes joint health, relieves gout and arthritis pain
    • 3] Helps in weight loss and digestion
    • 4] Control Blood Pressure
    • 5] Skin care
    • 6] Beneficial for teeth and gums
    • 7] Acts as a diuretic
    • 8] Relieves bad breath
    • 9] Stimulate hair growth
    • 10] Another Health Benefits of Cucumber is it helps Fight cancer

[Reference: pinoyrecipe.net/top]

wwwmangantayonkarruba.blogspot.com

[nabulod ti ladawan a nausar]

Lames manen, piman

Isublat mammet ti nilingta a tilapia a sida nga inap-apak ken sinagpawak iti rangaw ti kamotig.

Ageksperimentotayo latta nga agluto, no aniat’ mabalin a maluto ken lutuen. Awan patingga a sursuroen dagiti banag a ditay' pay napadasan. Gapu kadayta, saanen a nasken nga agsapul iti naimas a sida. Ti nasken, adda taraon a maidasar a kaginnubal ti innapuy iti lamisaan ken pamigsa ti bagi nga agpuyat nga agtrabaho.

‘Maykayon ta mangantayon, Karruba!

[wwwmangantayonkarruba.blogspot.com]

Stir fry shrimps ken tufo

 

Baliwan mammet ti uso, piman: Stir fry Shrimps ken Tufo, ken adda sangkabassit burbuloyna a taba ken lasag ti baboy, carrots ken bell pepper. Pangalistoan a luto.

‘Maykan dika baybayagen, karruba!

[wwwmangantayonkarruba.blogspot.com]

Adobo nga uong, nalingta a tilapia

Daytoy ti nanumo a sida: adobo [namarinada] nga uong [mushrooms] a nalaokan bassit iti susop ti saba ken naipareha iti nalingta a tilapia ti kalinnudon ti innapuy, piman.

[wwwmangantayonkarruba.blogspot.com]

Ammom kadi daytoy?

No patneng nga ilokanoka, ammom daytoy. no nangisit ti sikom, agsidsidaka ti kastoy.

wwwmangantayonkarruba.blogspot.com

[Nabulod ti ladawan a nausar]

Natuno a sabong ti katuday

Ay, maulit-ulit latta daytoy a klase ti masida. Ta malaksid laeng a simple ti pannakaisagana ti nateng, alisto pay a maluto. Ken naimas met ngamin, karruba.

Natuno a sabong ti katuday a naipareha iti nagisar a pakpako, natempla iti sangkabassit a lakaylakay [naglaok ti natadtad a bungat’ sili ken bawang] ken sangkatedted a bugguong. Makaanayen a kabinnulig ti innapuy, piman.

‘Maykayon ta pagraraman ti nanumo a sagana iti lamisaan...

[wwwmangantayonkarruba.blogspot.com]

Ti La Adda a Luto

Ay, ket paganusan manen, a, ti nageksperimuentoak a linuto a masida. Ta no dadduma, ti panaglutoan maysa a panageksperimento a mangtakkuat ken mangpartuat iti baro a klase a luto.

Kas koma ti daytoy nagang-angawak a luto, diak ammo ti pangawagda ngem nagresulta met a naimas piman.

Namarinada ti [puro] lasag ti baboy, naiprito. Nangigisarak iti [lokal] string beans, carrots, bell pepper ken sibuyas. Kalpasanna, pinagkakamborko ida. Pinatedtedak iti bassit a danum ken natempla. Impisokko ti gisantes [green peas]. Pinaatianak ti danum agingga a nagmanteka bassit. Ket ne, dayta.

Ala ‘maykayon ta pangramanyo met, karruba!

[wwwmangantayonkarruba.blogspot.com]

Corned Beef ken Kabatiti

Daytoy lattan ti nanumo a pangaldaw-- nakapupok iti lata a karnet' baka [corned beef] a nalaokan iti bungat' kabatiti.

'Maykayon ta anusantayo la bassiten ti adda, karruba! Piman.

[wwwmangantayonkarruba.blogspot.com]

Adobo a puro bagis ti baboy

Isublat mammet ti agsida iti nalanit. Sagpaminsan. Uray ita lang manen.

Andingayentay’ man ketdi ti adobo a puro bagis ti baboy. Nangato ti uric acid level-na ngem iti daytoy a gundaway, ikidem. No agut-ot ti palaypalay ken nagsusuopan, itured ti sakitna. Ngem imasen. Imasen lattan. Ana pay maaramidan no naimas met, piman?

‘Maykan, a, ta mangantan, karruba!

[wwwmangantayonkarruba.blogspot.com]

Tilapia Fillets, Aphrodisiac ken Spic

Daytoy man ketdi ti isublat a sida: Tilapia Fillets ken natuno a bungat' sili ken okra. Makaanayen ti nanumo a sida a makiginnabbo iti innapuy, piman.

Rekado ti Tilapia Fillets-- crispy fry breeding mix, corn starch, grind pepper [bukel], nabatilan iti itlog ken napatedtedan iti tubbog ti lemon a mangpaalsem ti tilapia.

Mayat ken nagimas man ti nagbalin a kombinasionna: "aphrodisiac" ken "spicy."

'Maykan, karruba!

[wwwmangantayonkarruba.blogspot.com]

Salad latta

Salad a rangaw ken bungat' paria a nalaokan iti natuno a sabong ti katuday ti sida a pagsasangngoan iti lamisaan. Agaria nga agsabong ti mula a katuday isu nga alistoan met ti agpuros, piman.

Ala wen, nateng latta. 'Maykan ta mangantan, karruba!

[wwwmangantayonkarruba.blogspot.com]

Salad manen, ne.

Salad manen. Nateng latta a di kauma. Ramanantay’ man ti salad a bungat’ utong ken netib (natibo) a parda. Manso. Tira!

‘Maykan, karruba!

[wwwmangantayonkarruba.blogspot.com]

Padasen mammet ti steam shrimps sprung

Gapu ta day-off ni baket, binay-ak nga isut'timon iti kusina ita nga aldaw. 

Nagluto iti steam [wenno naluto iti babaen ti ling-et ti danum] shrimps sprung a linaokanna bassit iti sotanghon ken berde a bulong ti lasona. 

Sabali ti estilo ni baket nga agluto ket inimasko daytoy sida a naidasar iti lamisaan. Diakon inuray a nagayab a nangan. Sinangok ti masida. Tira! Paliiwek no madamdama no ania iti ibungana. Bareng dina riingen ti nabayagen a matmaturog a gayyemko a gout, piman.

'Maykayon, karruba!

[wwwmangantayonkarruba.blogspot.com]

Lames-taaw ti isublat a sida

Lames-taaw man ti isublat a sida--

Prito a namarinada nga awan siitna a bangus [marinated boneless bangus] ti pareha ti innapuy ita. Mayat man ti kombinasion, kirasek ta agkiraosen ti boksit. Piman pay dagiti pada a mangrabrabii nga agtrabaho. No mabalbalin, uray awanen ti kaan basta maturog datao.

'Maykan ta manganta, karruba!

[wwwmangantayonkarruba.blogspot.com]

Sinuoban a Galunggong

Sinuoban [smoked] a galunggong ti banatan ita. Anusan ti sida napia la nga adda ibulon iti innapuy, piman.

'Maykayon, karruba!

[wwwmangantayonkarruba.blogspot.com]

---

Igado a lasag ken taba ti baboy

Anusan manen ti nanumo a grasia a maidasar iti lamisaan. Agyaman!

Bukod a bersion a luto ti igado a lasag ken taba ti baboy. Nalaokan la bassit iti gisantes [green peas] ken bell pepper [green]. Huston, mayaten. Makaanayen, piman.

'Maykayon, karruba!

[wwwmangantayonkarruba.blogspot.com]

Imbaliktad a bungat' paria

Daytoy pay ti naimas a sida no maituredmo, imbaliktad a bungat' paria iti sangkatedted a manteka [mabalin met ti butter nga usaren]. Isawsaw wenno idumudom iti naperresan ti kalamansi a bugguong wenno soyo a nalaokan iti lakaylakay a pampagasangna.

'Maykayon ta nanamen ti pait ti biag, karruba!

[wwwmangantayonkarruba.blogspot.com

 

Tinuno a bungat' sili ken okra

Gapu ta umuna nga aldaw ti bulan ti Marso, busatak man ti agsida iti tinuno a bungat’ sili ken okra. Naimbag a kombinasion— aphrodisiac ken pangriing iti agdudungsa a rikna. Nasustansia ken maysa a paggugusto a sida nga idumudom iti nasilian a bugguong ken suka ken ikammet iti innapuy dagiti pada a nangisit ti sikona.

'Maykan ta paganusan ti masida, karruba!

[wwwmangantayonkarruba.blogspot.com]

Agkaldotayo mammet, ne.

Agiguptayo man ketdi iti digo ti lauya a puro karnet' baboy a nasagpawan ti bulong [adda bassit kayona] ti petsay. Nagsabor ti digo, mabang-aran ti rikna!

'Maykayon pada a nagpuyat a nagobra iti pagbiagan ti bagi ta agkaldotayo, ne.

[wwwmangantayonkarruba.blogspot.com]

#ilokanofood

#taraon

#lauya

#digo

#baboy

#karne

#petsay

#sida

Nakapupok a lames ti isublat

Lames manen. Ngem iti daytoy a gundaway, lames a nakapupok iti lata ti nagammatak a linuto.

Ti la adda a klase ti luto ngem panagkunak, naimas ken nasustansia.

Simple ti preparasionna, ginisarko iti apagdillaw a manteka ti sardinas. Linaokak iti bulong ti marunggay, uggot ti kalunay ken sili.

Mayat!

Ay ket anusan kinanumo ti sida, karruba. ‘Maykan, a!

[wwwmangantayonkarruba.blogspot.com]

Salad manen

Salad a sabong ti marunggay, katuday ken kardis ti iparehak iti innapuy ita a nalulem ti panawen ditoy Maui. Makaanayen daytoy nga ibussog ti boksit, piman. 

Nanumo ngem 'maykan ta manganta, karruba!

[wwwmangantayonkarruba.blogspot.com]

 

Agiguptayo man ketdi iti digo ti lauya a tultulang ti baboy, karruba.

Agiguptay’ manen iti digo. Pagpapigsa. Naimbag daytoy kadagiti pada a mangrabrabii nga agtrabaho.

Anusan ti digo ti lauya a tultulang ti baboy nga inasmangak iti bulong ken kayo ti pechay, adda pay bassit sagpawna a bulong ti sili napia la a mangpasabor ti ramanna ken kired metten dagiti susuop ken pagpasidap ti mata.

‘Maykan, umayka. Agawaam ti umay ta ur-urayenka, karruba!

[wwwmangantayonkarruba.blogspot.com]

Salad a sabong ti katuday ken rangaw ti paria

Agsidatayo iti salad a sabong ti katuday ken rangaw ti paria. Kaadu pay la ti sabong ti katuday ngem anusan ti nanumo a sida, piman. Nateng latta a di kauma.

'Maykan ta manganta, karruba!

[wwwmangantayonkarruba.blogspot.com]

Tinuno a sabong ti katuday

Tinuno a sabong ti katuday nga adda sidekick-na nga utong ken uggot iti pakpako ti pareha ti innapuy ita. Natempla iti sangakutsarita a lakaylakay [natadtad a bungat' sili ken bukel ti bawang] ken Kim Chee base a mangnayon ti gasang ti sida.

'Maykanyon ta pagraramanan, karruba! Naimas ti agsida ti kastoy ita ta natutudo ken nalamiis ti tiempo.

wwwmangantayonkarruba.blogspot.com