Napuros. Naburas...

Napuros. Naburas. N.4. .

Ket wen, adda manen bassit grasia a naiburay
iti minuyongan ti taraon ti bagi. Napia lang, piman. . . .

(wwwmangantayonkarruba.blogspot.com)

Abasto...

KALPASAN panagyaman iti Dios iti sabali manen a pannakakita ti lubong, nasapa a pinasiarko iti aglawlaw—iti hardin a pagapitan iti taraon ti bagi. Ket ne, naay-ayoak manen, piman. Napia lang, wen napia lang a makaanay a pangsupusop ti abasto iti di ammo a mapasamak a panangpalabas manen daytoy a lawas,
.
piman.
.
(wwwmangantayonkarruba.blogspot.com)

Taraon dagiti taga-away...

DAYTOY ti isublat a sida, nagisar iti lasag ken taba ti baboy a bungat’ tabungaw ken kayo ti petsay a nasagpawan bassit iti aramang. Simple.

Nanumo a taraon dagiti taga-away, piman. Anusan, a...

 (wwwmangantayonkarruba.blogspot.com)


#ilokanofood
#taraon
#bunga
#kayo
#tabungaw
#petsay
#taba
#lasag
#baboy
#aramang
#sida

Sabong a Pagbiagan ti Bagi

itay bigat, nakitak dagitoy sabong. sabong dagiti sabong. saan la a murmuray ti mata no di pay sabong a pagbiagan ti bagi. (wwwmangantayonkarruba.blogspot.com)

Natuno a Sabong ti Katuday

BALIWAK mammet ti uso ta saan a daytay nakaruaman
a kamatis ken bugguong ti pinangtemplak iti natuno a sabong
ti katuday no di ket Kim Chee Base ken Tabasco.
Ngem gapu ta diak mapnek nga agaruyot ti ling-etko,
ninayonak pay ti lakaylakay nga ad-adda a mangpagasang.
Ket, whew! Gemasen. .

‘Maykayon ta ramananyo ti nanumo a sida dagiti taga-away. Piman, ne. . (wwwmangantayonkarruba.blogspot.com)


#ilokanofood
#taraon
#sabong
#katuday
#lakaylakay
#sida

Napuros. Naburas...

Napuros. Naburas. N.3.

Ket adda manen. Wen, sabong ti napurosko. Sabong ti katuday. Naggagetda unay. Nga agsabong. Agparabur. Ket wen. Pagyaman. .

Kalpasan a naparuarko dagiti aso kadagiti kulonganda (adda lima a tarakenko), dinalusak metten ti pagyanan ken pinakanko ida. Adda nakitak nga agbibitin a bunga ti paria iti abay ti kulongan a nagkalatkat iti alad (managadu/mannagadu daytoy)—binurasko. Inlukaisko dagiti bulong, nagadu met gayam naglemmeng. Ay, ket inubrak manen ti nagala! .

(wwwmangantayonkarruba.blogspot.com)

Napuros. Naburas...

Napuros. Naburas. N.2 .

Adda manen napurosko a sabong ti katuday. Saan a mamengga. Agpagpagusto latta. Ket pagyaman daytoy paraburna. .

Uray ti mula a kardis, nagpagusto met. Adda met naburas a bungana. Ammoda ti makisimpatia iti panawen ti krisis. Ket pagyaman manen. .

Mangrugi metten a maluom ti maysa a bunga ti papaya, binurasko. .

Uray saanak mapan iti store iti dua agingga ti tallo nga aldaw ta makaanay pay la daytoy abasto. Piman ngem anusan. . .

(wwwmangantayonkarru.blogspot.com)

Batso [Bacho] mammet ti isaruno a sida, piman.

Ala wen, daytoy ngarud ti isublat a sida; batso (bacho) a bungat’ karabasa, paria, kardis, patani, tarong ken beans (berde) a naigisaran bassit iti taba ken lasag ti baboy ken nasagpawan ti aramang. Paganusanen, a, piman. . ‘Maykayon ta pagraramanan ti sida dagiti taga-away. . (wwwmangantayonkarruba.blogspot.com) .  #ilokanofood #taraon #batso #bunga #karabasa #paria #kardis #patani #tarong #beans #taba #lasag #baboy #aramang #sida

Agiguptay' iti digo a kired ken pamigsa nga agpuyat

Agiguptay’ mammet iti digo ti (na)lambong/(na)lauya a tultulang ti kalding napia la a kired ken pamigsa nga agpuyat.
.
Manmanoak a makaigup ti kastoy a digo, ngem pagyaman ni sir Antonio dela Cruz ta pinadiguanak ti linutok. Ammona siguro a kailiwko met, piman.
.
‘Mangantayon, karruba!
.
#ilokanofood
#taraon
#kalding
#tulang
#lambong
#lauya
#sida

Lames met ti isublat a sida, piman

Hu! Daytoy man (na)prito a mataan (akule) ti pagpapasan nga ikammet iti innapuy. Idumudomko iti suyo a naperresan iti kalamansi wenno lakaylakay ken naartem iti suka a bungat’ sili ti sairo. Makaanayen a pangimas ti pangan, piman.
.
Ala wen. ‘Maykayon, ne!
.
(wwwmangantayonkarruba.blogspot.com)
.
#ilokanofood
#taraon
#mataan
#prito
#sida

Napuros. Naburas.

Napuros. Naburas.
.
Wen, adda manen napurosko a sabong ti katuday bayat panagummongko kadagiti naregreg a bulbulong ti kayo ken mula iti lawlaw ti balay a maibasura no bigat.
.
Uray ti mula a paria, adda met naburasko a bungana. Makaay-ayoda napia la a paglaok iti kumporme a maluto a masida.
.
wwwmagantayonkarruba.blogspot.com