Sinigang [Paksiw/Nadiguan] a Mataan [Akule] a nasagpawan iti bungat' sili

Sinigang [Paksiw/Nadiguan] a Mataan

Pinakbet/Pakbet nga utong, bungat' paria, okra ken sili a nasagpawan iti chicharon baboy. Daytoy ti maysa kadagiti paborito a taraon dagiti pada a nangisit ti sikona. 'Maykayon ta pagraramanan ti nanumo a sagana!

Pinakbet/Pakbet

Kilawen a pasayan[g] ti nayon ti pangrabii a maidumudom iti nasilian a suka ken suyo. Anusan, a, piman.

Kilawen a Pasayan[g]

Pinakbet/Pakbet a bungat' sili. Pangpabungar ken pangriing ti agdudugel a rikna dagiti pada a nagpuyat. Nateng latta, piman.

Pinakbet a bungat' sili

Pakbet/Pinakbet a bungat' sili a nasagpawan ti sangkabassit a chicharon baboy. Ala anusan manen ti masida ta kasta mammet ti taraon dagiti nangisit ti sikona...

Pakbet a bungat' sili

Pakbet a bungat' sili a nasagpawan ti sangkabassit a chicharon baboy. Ala anusan manen ti masida ta kasta mammet ti taraon dagiti nangisit ti sikona

Pinakbet a bungat' sili

Ginettaan nga aba

Ginettaan nga aba

Kaldo, kaldo. Ay wen, kaldo latta ti ipangan, piman. Anusan, a, ti pinapaitan/paksiw a [puro] karne ti baka a nasagpawan iti bungat' sili. Naimas ken pagpapigsa daytoy dagiti pada nga agtartrabaho iti rabii.

Pinapaitan/Paksiw a karne ti baka

Hus! Daytoy lattan ti sidaen, adobo a pusit [calamari] a nasagpawan iti bungat' sili. Nanumo, nanumo latta ken anusanen, a, piman.

Adobo a pusit [calamari]

Food Trip: Lumpia a bungat' sili. Bukod a bersion. Bukod nga estilo. Bukod nga eksperimento...

Lumpiang Sili

Tapno maikkat dagiti agtatapaw a lanit iti bituka, nangtunoak iti bungat' sili. Tay medyo pangadaten bassit ta barbareng kunak, tunawenna dagiti lanit a naipauneg a taraon iti kallabes.

Natuno a bungat' sili

Spicy and aphrodiciacs. Natuno a bungat' sili ken okra, naimas a kombinasion a sidaen ita ta agtudtudo ditoy batogko a langit piman. Pagpapudot ti piditpidit ti lapayag. Ken mayat ta okra sakbay ti labing-labing, sigurado la ket ngarud a perme ti panagparuar ti kua...ling-et. 'Maykayo ketdin ta danggayandak a mangan ta di man sabali ti agrehistro dita panunotyo, hekhek!

Natuno a bungat' sili ken okra

Kumaldo/Agiguptay' man iti sigang/paksiw a bangus ita ta medyo aglulemlulem ti panawen. Pagpapigsa pay, piman, nangruna kadagiti padak a mangrabrabii nga agtrabaho. Agas ti bannog. Agas ti puyat. Umaykayon ta danggayandak man a mangaldaw, Karruba!

Sigang/Paksiw a Bangus

Daytoy man ti il-iliwek a pangaldaw ita: pakbet a bungat' sili, okra ken paria a naparabawan iti sangkabassit a chicharon baboy. Anusanen, a, ana pay ngarud, piman. 'Maykayon ta danggayandak man, ne.

Pakbet a bungat' sili, okra ken paria

Daytoy man ti nanumo a kaldo ita nga aldaw, sinigang/paksiw a lames a Dumadara. Kadakami a taga-Laoag wenno Norte, sinigang kunami ti madiguan a lames; paksiw kunami met no karne. Ngem kadagiti kabangibang a probinsia, paksiw kunada iti sinigang a kunami. Ngem ala, sinigang wenno paksiw, 'maykayon ta pagraramanantayo nga igupen 'toy kalluto a sinigang a Dumadara. Kaimasna ta napudot pay, ne.

Sinigang a Dumadara

Hus! Daytoy lattan, a, ti pangrabii. Natuno a bungat' sili. Naigilapan iti sangkabassit a kamatis ken napatedtedan iti bugguong. Anusan, a, piman.

[Natuno a bungat' sili]

Gapu ta daytoy ngatan ti kaalistuan a lutuek a pangaldaw, ket wen, daytoy lattan, a. Pakbet a bulong ti saluyot, bungat' sili, bungat' aba a nasagpawan iti prito a bangus. Ket wen, anusanen, a, ti kinanumo ti masida, piman....

Pakbet a bulong ti saluyot ken bungat' sili

Hus! Daytoy latta manen, a, piman ti pangaldaw: adobo a pusit a nalaokan iti karne ken taba ti baboy, naparabawan bassit iti bungat' sili. Natempla iti bassit a suyo, ginisa mix ken cooking wine. Anusan, a. 'Maykayon ta dikay' mabisinan!

Adobo a pusit

Saankon a sapulen ti karne a sida no daytoy ti ibulonko iti innapuy. Umanayen daytoy a pamedped iti bisin. 'Maykayon, Karruba!

Pakbet a bungat' sili a nalaokan iti sangkabassit a bulong ti saluyot ken bawang; natempla iti bugguong, suka ken vetsin. Ladawan ala ti IPhone 6 Plus.