Marunggay [Marunggi]

ala, sika man. no dadduma,

iwalindakat' kaaduan

iti pagguummongan-punsionan

ngem ti bagi sikat' pakataraonan--

pagbiagan mamirmiraut a kas kaniak

wen, agsampagaka latta

iti hardinko agingga a siak ti mauma...

.

.

.

ita nga aldaw

marunggay[marunggi]

mar. 21 peb. 2o23

wailuku

[wwwmangantayonkarruba.blogspot.com]

 

Marunggay/Marunggi

 

ala. sika man

no dadduma, iwalindakat' kaaduan

iti pagguummongan-punsionan

ngem ti bagi sikat' pakataraonan.

agsampagaka latta

kaniak agingga a siak ti mauma...

.

.

.

hardin ti wailuku

marunggay/marunggi

Marunggay. Marunggi...

Itay la bigat a nadlawko a natatayag met man gayamen ti mula a marunggay. Kasapulan man ngaruden ti pannakapukanna numuna ket nalukmeg dagiti sangana.

Imbag la ketdin ta makatulong met daytoy a mula para iti inaldaw a pagbiag, piman. 

[wwwmangantayonkarruba.blogspot.com]

Hardin iti Wailuku

Marunggay. Marunggi
iti asul a tangatang...
.
.
.
Hardin iti Wailuku
Mier 26 Peb. 2o2o
Maui
[wwwmangantayonkarruba.blogspot.com]

Nateng latta ti ibulon iti innapuy. Nagimas man nga igupen ti digo ti bulong ti marunggay, bungat’ paria, okra (saluyot-kayo), pallang ken sabong ti katuday a nasagpawan iti (na)prito a galunggong. Piman latta ngem nasustansia a sida. ‘Maykayon, ne!

wwwmangantayonkarruba.blogspot.com 

#dinengdeng
#bulongtimarunggay
#bungatiparia
#okra
#pallang
#pritoagalunggong
#IlokanoFood

Ney, agiguptay’ iti digo ti bulong ti marunggay, okra (saluyot-kayo) ken bungat’ utong a nasagpawan ti (na)prito a tilapia. Anusan, a, ti adda, Karruba.

wwwmangantayonkarruba.blogspot.com

Ay, dinengdeng latta a bulong ti marunggay (ken paria), ken bungat’ paria a nasagpawan iti nagango nga uong. Anusan, piman.

wwwmangantayonkarruba.blogspot.com

Ayapo, natatayagda mammet gayamen aya ti mula a marunggay. Hmm...mapukanda iti mabiit. Ngem sakbay dayta, pagpapasandaka pay laeng, hehe.

wwwmangantayonkarruba.blogspot.com

Dinengdeng latta ket dikanto kauma. Ay wen, a, agiguptay’ iti digo ti bulong ti marunggay ken paria a nalaokan iti bagas (bukel) ti lampaka. ‘Maykayon pada a nangisit ti sikona ta pagraramanan ti adda.

wwwmangantayonkarruba.blogspot.com

Ay, ket dinengdeng latta. Anusan manen ti kinanumo ti masida, piman.

wwwmangantayonkarruba.blogspot.com

Makaig-igupennak iti digo. Digo a mangpapigsa ti susuop a mapan agobra ken agpuyat (manen) ita a rabii. Daytoy ne, tinola(ng) a manok a nasagpawan iti bulong ti marunggay/marunggi ken paria. ‘Maykayon, a!

wwwmangantayonkarruba.blogspot.com

Ay, dinengdeng latta! Dagiti kakastoy a masida ti perme a paggugusto dagiti pada a nangisit ti sikona. Bulong ti marunggay/marunggi, susop ti saba, bungat’ tarong ken nasagpawan iti aramang. Ana pay sapulemon? ‘Maykayon, ne!

Dinengdeng a bulong ti marunggay, susop ti saba ken bungat' tarong

Agiguptay' iti digo, tinola a manok a nasagpawan iti bulong ti marunggay ken susop ti saba ta napia la a pamigsa dagiti pada a nagpuyat. Awan netib [native] ngem anusanen, piman...

Tinola a Manok a nasagpawan iti bulong ti Marunggay/Marunggi
ken Susop ti Saba

Dinengdeng a bulong ti marunggay/marunggi, bungat' tarong, susop ti saba a naparabawan iti naprito a tilapia. Ania ketdi nga imasnan ti maragatas a digona, piman.

Dinengdeng

Daytoy man pay ti sidaek ita nga aldaw, agigup ti digo ken agus-us iti bungat' marunggay/marunggi. Pagpapigsa. Pammaregta iti salun-at saan laeng iti bagi no di pay iti panunot. 'Maykayon, karruba!

Bungat' Marunggay/Marunggi

Daytoy ti pangaldawko piman, dinengdeng/inabraw a bungat' patani, kabatiti, bulong ti marunggay/marunggi a nasagpawan iti aramang. Anusan, a, piman, ta napia la a kired numuna ta aguyek ken agpanateng datao...

Dinengdeng/Inabraw a bungat' patani, kabatiti, bulong ti marunggay/marunggi ken aramang