Digo ken Salad

Dagitoy ti agpapareha ita-- bulong ti marunggay, bungat' tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken pada a nangisit ti sikona.

Ken adda pay nayonna, salad a pechay [bulong ken ungkay] a nakamatisan, naigilapan ken naitadtadan ti sibuyas ken laya, napatedtedan iti bassit a bugguong. Nateng latta a di kaum-uma ti ikammet iti innapuy, piman.

'Maykayon ta pagraramanan ti nanumo a sida, Karruba!

Dalikan, Kusina ken Lamisaan:

MANGANTAYON, KARRUBA!

wwwmangantayonkarruba.blogspot.com

#taraon #taraontibagi #saguttibiag #nateng #bulong #bunga #marunggay #tarong #utong #salad #pechay #ilokanoak #ilokanoakditoyhawaii #lutoniilokano #bukodaluto #lutoitibalay #sida #makan #digo #dalikan #kusina #lamisaan #mangantayon #karruba #rudyramrumbaoa

Pinakbet a sili ken delata a baka

Pinakbet a puro bungat' sili nga adda laokna bassit a bulong ti 

saluyot a pangpagalis a tilmonen a naipareha iti delata a baka [corned beef] a naikiwar iti sangkatedted a manteka ti baboy ken inasmangak pay iti bulong ti pechay. Mayat a kombinasion, adu la ketdi ti maibulonna nga innapuy. Paganusan manen ti sida, piman.

'Maykan pada a nangisit ti sikona ta pagraramanan ti nanumo a sida. Karruba!

[wwwmangantayonkarruba.blogspot.com]

Lauya a Baka

 

Kaldo dagiti pada a nagpuyat.

Wen umaykayon ta agiguptay' man iti digo

ti lauya a [puro] karnet' baka a sinagpawak

iti bulong ti pechay ken chinese cabbage

ken adda bassit nagerret a patatasna.

Kaldo latta man bareng mabugtak ti samuyeng.

[wwwmangantayonkarruba.blogspot.com]

Pinakbet a bungat' sili ken nagisar a delata a baka

 

Pinakbet a puro bungat' sili nga adda laokna

bassit a bulong ti saluyot a naipareha iti

delata a baka [corned beef] a nagisar iti

sangkatedted a manteka ti baboy nga inasmangak pay

iti bulong ti pechay ti ikammet iti innapuy.

Mayat a kombinasion. Paganusanen a sida, piman.

'Maykan pada a nangisit ti sikona ta pagraramanan

ti adda. Karruba!

[wwwmangantayonkarruba.blogspot.com]

Tahong [Kabia], Pasayang ken Petsay

 

Daytoy man. Daytoy man ti isublat a sida, nagisar a Greenshell Mussels [Tahong/Kabia], White Shrimps ken bulong ti petsay [pechay] iti apagdillaw a tedted ti manteka. Naraman, nananam iti apagisu la unay a templa. Mayat. Mayat ti kombinasion.

Ala wen, paganusan manen. ‘Maykan, karruba!

[wwwmangantayonkarruba.blogspot.com

Lauya a tultulang ti baboy

 

Agiguptay’ manen iti digo. Pagpapigsa. Naimbag daytoy kadagiti pada a mangrabrabii nga agtrabaho.

.

Anusan ti digo ti lauya a tultulang ti baboy nga inasmangak iti bulong ken kayo ti pechay, adda pay bassit sagpawna a bulong ti sili napia la a mangpasabor ti ramanna ken kired dagiti susuop ken pagpasidap ti mata.

.

‘Maykan, umayka. Agawaam ti umay ta ur-urayenka, karruba!

.

[wwwmangantayonkarruba.blogspot.com]

Digo man ketdi...

Agiguptay’ man ketdi iti digo ti (na)lauya/nadiguan a puro karnet’ baboy a nagsapawan iti bulong/kayo ti petsay (pechay). Nagsabor ti digo, mabang-aran ti rikna!
(wwwmangantayonkarruba.blogspot.com)
.
#ilokanofood
#taraon
#lauya
#baboy
#karne
#bulong
#kayo
#petsay
#sida

Agiguptay’ iti digo ti (na)lauya a puro tulang (siempre, adda bassit lasagna) ti baboy a nasagpawan iti pechay. Nasabor ti digo, nasustansia—pagpapigsa. ‘Maykayon ta ikirastayo, ne!

wwwmangantayonkarruba.blogspot.com


#ilokanofood
#taraon
#baboy
#tulang
#lauya
#pechay

Ket wen, a, ana pay ngarud no di anusan ti nanumo a masida, piman-- [na] salad a kayo ken bulong ti petsay [pechay] a nakamatisan, naigilapan ti sibuyas, natadtadan ti laya ken nalaokan bassit iti buggguong ken vetsin ti ikammet ti innapuy. Dagiti pada a nangisit ti sikona, 'maykayon, ne!

Hu, daytoy lattan ti anusan nga ibulon iti innapuy: [pork] homemade meat balls ken maisawsaw a kayo ken bulong ti pechay ti naperresan a kalamansi iti bugguong. Anusan, a, piman, anusan...piman

[Pork] Homemade Meat Balls

Bulong ken kayo ti pechay

Nagimas ketdin nga igupen daytoy kaldo. Pagpapigsa aglalo dagitay pada a nagpuyat, piman. Umaykayon ta ikirastayo daytoy kalluto a diniguan [lauya] a karnet' baka!

Diniguan [lauya] a karnet' baka a nalaokan iti bulong ti pechay. Ladawan ala ti IPhone 6 plus.