Uhu! Daytoy latta manen, a, ti ikammet iti innapuy—naigisar a bungat’ okra a nalaokan ti lakaylakay (natadtad a bukel ti bawang ken bungat’ sili). Naadat/nagasang ngem pangimas ti pangan, piman.

wwwmangantayonkarruba.blogspot.com

Naigisar a rangaw/uggot ti kamotig a nalaokan iti lakaylakay [natadtad a bungat' sili ken bawang] ti nayon a pamedped ti bisin. Anusan manen ti kinanumo ti masida, piman. Ta ana ngarud, piman latta ti kinapiman...

wwwmangantayonkarruba.blogspot.com

Ginisar a bungat' karabasa, okra ken paria a nalaokan bassit iti aramang ken nasagpawan iti chicharon baboy. Hmm...nasustansia a taraon. 'Maykayon, ne!

Ginisar a nateng

Daytoy pay ti naimas a masida no maituredmo, ginisar a bungat' paria iti bassit a mantenka samo isawsaw iti bugguong a naperresan ti kalamansi. Kastoy ti sidami no mapanak mamalon idi kadagiti agraep iti talonmi. Maipakita lang a nanumo a talaga ti masida dagiti adda iti nasulinek a lugar, piman...

Naigisar a bungat' paria iti bassit a manteka

Daytoy man ti taraonmi ken ni Baket ita, ginisar a bungat' utong, karabasa ken okra. Naluto iti bassit a mantenka, bawang, ginisa mix ken suyo. Pinatedtedak iti sangkakutsarita a bugguong. Naparabawan iti home-made cooked chicharon baboy. Simple a luto para iti dua a tao. Umaykayon, Karruba, ta mangantayon!

Ginisar a bungat' utong, karabasa ken okra.