Kilawen a pasayang ken salad a susop ti saba

Kilawen a pasayang ken salad a susop ti saba ti agpareha ita. Nupay dida agkasurotan, awan mabalin ta iludonko ida iti innapuy. Imasen lattan ken uray 'nia ditan a pamelpel kadaytoy agrungrungaab a tian ken napia la nga adda pamigsa ti bagi nga agtrabaho no rabii. Piman.

'Maykan pada a mangrabrabii ta mangantan[tayon], ne...

[wwwmangantayonkarruba.blogspot.com]

Batso a Karabasa ken adda metten burluloyna

Naglutoak ti batso [bacho] a karabasa a naigisaran iti lasag ken taba ti baboy, adda bassit pasayang ken bungat’ utong a laokna—- ken pangay-ayo metten iti agik-ikkis a tian, piman.

No maibus, nasayaat. No saan, di saan. Basta.

[wwwmangantayonkarruba.blogspot.com]

Nateng ken lames ti sida

Ay! Nanumo laeng a sida ita nga aldaw: digo ti nateng— bulong ti marunggay, bungat’ okra [saluyot-kayo] ken paria, ken adda metten sidekick-na a liningta a mataan [akule], piman.

Makaanayen daytoy a mangpasidap ken mangasa iti panunot ken mangpatibker pay ti pisikal a bagi nangruna kadagiti pada a mangrabrabii nga agtrabaho.

'Maykayon ta pagraramanan ti adda a sida, karruba!

[wwwmangantayonkarruba.blogspot.com]

Idumudom iti bugguong a bunga ti okra

Daytoy ti sidaek ita, nailamaw nga okra. Idumudomko iti naperresan a tubbog ti kalamansi a bugguong ken nalaokan bassit iti lakaylakay. Makaanayen daytoy a sida dagiti pada a taga-away ta nabaknang iti protina, fiber ken aprodisiak.

Letson Baboy

Nasaripatpatak man a manarimaan ti luto da Pare Dante Rayo, alias "Pobreng Dukha" ken dagiti komparena iti letson baboy. Ket daytoy, pinadigoannak man. Gemasen nga isawsaw iti nakamatisan a bugguong, wenno patedtedan iti Mang Tomas, wenno ketsap.

Ngem bayat ti innak pannangan, ay-ayek manen ti bagik, piman. Agmaymaysa a mangmulmulagat iti taraon a kunam la no ti nakadasar a taraon ti manglamut kaniak. Anian, naimas ti taraon ngem awan met ganasko a mangan. Pimpiman.

Kasta a talaga. Masapul nga iruamen ti bagi...

[wwwmangantayonkarruba.blogspot.com]

Blue Crab

Daytoy man ketdi ti pulotan nga iparehak iti Bud Light wenno Corona Beer, Blue Crab a natempla iti suyo, Kim Chee Chili Base ken Hot Chili sauce ken nawarakiwakan iti naiwa a bulong ti lasona.

Pangimas la ti pangan, karruba.

[wwwmangantayonkarruba.blogspot.com]

Insarabasab a lapayag ti baboy

Insarabasab a lapayag ti baboy-- naperresan iti tubbog ti kalamansi, napatedtedan ti suka, bassit nga asin ken vetsin, nalaokan iti bungat' sili ken sibuyas. Dayta, natemplan!

'Maykan ta paganusan ti nanumo a sida, karruba!

[wwwmangantayonkarruba.blogspot.com]

Sinigang a bangus

 

Sinigang [Paksiw] a bangus a nasagpawan iti bungat’ okra ken bulong ti lasona. Agiguptay’ mammet iti digo napia la a kired dagiti tulang, susuop ken lasag nga agpuyat manen no rabii para ti pagbiagan, piman.

Ala irugimon, karruba!

[wwwmangantayonkarruba.blogspot.com]

Deep-fried pork ribs ti isublat a sida

Deep-fried pork [chopped] ribs with union fries ti sida, piman. Manso latta ta isu ti adda.

'Maykayon ta ikirastayo, karruba!

[wwwmangantayonkarruba.blogspot.com]

Prito a tilapia

 

Prito a tilapia ti partner ti innapuy ita. Ay, napia la piman!

'Maykan ta pagan-anusan ti sida, karruba!

[wwwmangantayonkarruba.blogspot.com]

Ginettaan nga aba

 

Pinadasko man ti nagluto iti ginettaan nga aba bareng no mayat, kunak. Mapagbalinko man wenno saan ti lutok, mayat latta para kaniak ta saan met a dakes no padasek, piman. Saan met a pangkomersial. At least, ammokton maminsan no ania man ti nagkamtudak/pagkamtudak iti daytoy a luto.

'Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Nagisar a bungat' okra

Daytoy ti maysa kadagiti pangdarasan a luto, imbaliktad [nagisar iti sangkatedted a manteka] a bungat’ okra [saluyot-kayo] a nalaokan iti lakaylakay [nagtipon ti natadtad a bunga ti sili ken bawang].

Magargari ti innapuy no daytoy ti maipareha. ‘Maykan, karruba!

[wwwmangantayonkarruba.blogspot.com

Fried Pakpako with Chilli on Top

 

Maysa kadagiti paboritok a pangdarasan a luto ni Baket, ti nagisar nga uggot/rangaw ti pakpako a nalaokan iti lakaylakay [natadtad a bungat' sili ken bawang]. Inawagan ni Baket daytoy iti Fried Pakpako with Chilli on top.

'Maykan ta ramanam ken danggayannak a mangan, karruba!

[wwwmangantayonkarruba.blogspot.com]

Nanumo a sida

Nagisar iti bassit a taba ken lasag ti baboy a bungat' karabasa a nalaokan ti utong, okra ken paria. Umanayen a pangap-ap iti tian ken pamedped ti bisin kadatao a mangrabrabii nga agtrabaho.

'Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Salad manen a di kauma

Wen, salad a nateng mammet ti isublat nga ipelpel iti tian, piman. Berde a taraon latta ti pagpapasan. 

Kadagiti pada a nangisit ti sikona, ammoda no kasano ti kinanumo a sida daytoy salad a susop ti saba nga inasmangak iti okra [saluyot-kayo] ngem nasustansia ken nabaknang a taraon, ala.

'Maymo ramanan no kayatmo, karruba!

[wwwmangantayonkarruba.blogspot.com]

Nakapupok iti lata ti sida ita

Masadutak nga agsukain ti maluto iti pagpupokan isu a daytoy lattan ti napidutko a pangalistuan a linuto-- nagisar nga spam iti bassit

a manteka a nailudonludon iti kamatis ken sibuyas, nawarakiwakan ti sangkalilit a bulong ti lasona ken napatedtedan iti cooking wine a pagpabanglo.

Kasta siguro no nagpuyat ti tao, saanen a nasken nga agipauneg ti naimas a sida basta adda pangap-ap iti mabisinan a tian, piman.

Ala wen, la. 'Maykan ta ikirasta, karruba!

[wwwmangantayonkarruba.blogspot.com]

Bungat' paria ken kardis

Nanumo a sida ngem anusan, piman.

Wen, nagisar iti sangkabassit nga iwa ti lasag ken taba ti baboy. Kalpasan a nagmanteka, nailudon a nailaok ti bungat' paria ken kardis. Nakamatisan, naikkan sibuyas, napatedtedan ti suyo ken nadikdikan iti sitsaron baboy. Huston, umanayen a pangap-ap iti agik-ikkis ken nabisinan a tian a nagpuyat iti trabaho. Kasta a talaga...

'Maykan, karruba!

[wwwmangantayonkarruba.blogspot.com]

Liningta a Mataan

 

Daytoy ti nanumo a sida a kasangok iti lamisaan ita: liningta a mataan [akule]. Isu met ngamin ti nakammelko iti nalamiis a pagpupokan. Anusan ta naimas met, piman.

'Maykayon ta pagraramanan ti adda, karruba!

[wwwmangantayonkarruba.blogspot.com]

Pinakbet a saluyot

Daytoy mammet, daytoy man ti isublat nga ikammet iti innapuy: pinakbet a [puro] bulong ti saluyot a nasagpawan iti sangkalilit a daing ken bungat' sili a sairo.

Ay wen, nabayag la ngamin daydi naudi a sakmolko ti kastoy a sida. Paganusan manen, a.

Ala wen, 'maykayon ta pagraramanan ti grasia piman...

[wwwmangantayonkarruba.blogspot.com

Prito a mataan

Hu! Daytoy man prito a mataan [akule] ti pagpapasan nga ikammet iti innapuy. Idumudomko iti suyo a naperresan ti kalamansi nga adda laokna a lakaylakay ken naarten iti suka a bungat' sili ti sairo.

Makaanayen a pangimas ti pangan. 'Maykan, karruba!

[wwwmangantayonkarruba.blogspot.com]

Nateng latta ti sida

Dagitoy ti agpapareha ita: bulong ti marunggay, bungat’ tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken no kastoy nga aglulemlulem ti tiempo ken kasla kayatna nga ibuyat ti tudo. Nasustansia, ngem ala, anusan.

Ken adda pay nayonna-- salad a pechay [bulong ken kayo] a nakamatisan, naigilapan ken natadtadan ti sibuyas ken laya, nalaokan iti bassit a bugguong ken vetsin. Nateng latta ngem nagimas man nga ikammet iti innapuy.

‘Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Ginataan nga aba

 

Inasmangak man ti linutok a dinengdeng iti ginataan nga aba. Linaokak bassit iti nagisar a lasag ken taba ti baboy ken nasagpawan ti daing.

Mayat a kombinasion ta mabalanse ti lasag/taba iti nateng. Ket ana pay ngarud no di anusan ti masida, piman.

'Maykayon, karruba!

[wwwmangantayonkarruba.blogspot.com]

Ammuen pay daytoy, karruba!

ammuen pay daytoy, karruba!

cucumber

[pipino/cucumis sativus, n.s]

These 10 Cucumber Health Benefits  are the reasons why you need to eat this everyday.

• • Here are the Health Benefits of Cucumber / Pipino:
    • 1] Rehydrates body and replenishes daily vitamins
    • 2] Promotes joint health, relieves gout and arthritis pain
    • 3] Helps in weight loss and digestion
    • 4] Control Blood Pressure
    • 5] Skin care
    • 6] Beneficial for teeth and gums
    • 7] Acts as a diuretic
    • 8] Relieves bad breath
    • 9] Stimulate hair growth
    • 10] Another Health Benefits of Cucumber is it helps Fight cancer

[Reference: pinoyrecipe.net/top]

wwwmangantayonkarruba.blogspot.com

[nabulod ti ladawan a nausar]

Lames manen, piman

Isublat mammet ti nilingta a tilapia a sida nga inap-apak ken sinagpawak iti rangaw ti kamotig.

Ageksperimentotayo latta nga agluto, no aniat’ mabalin a maluto ken lutuen. Awan patingga a sursuroen dagiti banag a ditay' pay napadasan. Gapu kadayta, saanen a nasken nga agsapul iti naimas a sida. Ti nasken, adda taraon a maidasar a kaginnubal ti innapuy iti lamisaan ken pamigsa ti bagi nga agpuyat nga agtrabaho.

‘Maykayon ta mangantayon, Karruba!

[wwwmangantayonkarruba.blogspot.com]

Stir fry shrimps ken tufo

 

Baliwan mammet ti uso, piman: Stir fry Shrimps ken Tufo, ken adda sangkabassit burbuloyna a taba ken lasag ti baboy, carrots ken bell pepper. Pangalistoan a luto.

‘Maykan dika baybayagen, karruba!

[wwwmangantayonkarruba.blogspot.com]

Adobo nga uong, nalingta a tilapia

Daytoy ti nanumo a sida: adobo [namarinada] nga uong [mushrooms] a nalaokan bassit iti susop ti saba ken naipareha iti nalingta a tilapia ti kalinnudon ti innapuy, piman.

[wwwmangantayonkarruba.blogspot.com]

Ammom kadi daytoy?

No patneng nga ilokanoka, ammom daytoy. no nangisit ti sikom, agsidsidaka ti kastoy.

wwwmangantayonkarruba.blogspot.com

[Nabulod ti ladawan a nausar]

Natuno a sabong ti katuday

Ay, maulit-ulit latta daytoy a klase ti masida. Ta malaksid laeng a simple ti pannakaisagana ti nateng, alisto pay a maluto. Ken naimas met ngamin, karruba.

Natuno a sabong ti katuday a naipareha iti nagisar a pakpako, natempla iti sangkabassit a lakaylakay [naglaok ti natadtad a bungat’ sili ken bawang] ken sangkatedted a bugguong. Makaanayen a kabinnulig ti innapuy, piman.

‘Maykayon ta pagraraman ti nanumo a sagana iti lamisaan...

[wwwmangantayonkarruba.blogspot.com]