Agiguptayo iti digo, karruba!

 

Pangaldaw mammet gayamen, aya? Nagalistot' oras.

Ngem ne, agiguptay' man ketdi iti digo ti bulong ti marunggay,

susop ti saba ken bungat' okra [saluyot-kayo] ta napia la

nga adda pamigsa dagiti susuop ken tulang a makigabbu

nga agsapul iti taraon a pagbiag no rabii, piman.

'Maykan ket naimas ti maragatas a digo, karruba!

[wwwmangantayonkarruba.blogspot.com]

Kardis manipud iti hardin ti taraon ti bagi

 

Addan mabalin a burasen. Addan mabalin a pakbeten,

wenno paglaok ti maluto a masida nga aggapu

iti hardin ti taraon ti bagi. Ay wen, 

nayuray met laeng ti parabor daytoy

mula a kardis, piman.

[wwwmangantayonkarruba.blogspot.com]

Kalti a bungat' rimas, agmeriendatayo!

 

Agyamantayo iti Dios ta nadanontayo manen

ti sabali a buya ti bigat. Ken agyaman met

ta mapelpelan manen iti taraon ti tian, piman. 

Kas koma daytoy kalti a bungat' rimas [breadfruit] 

a linuto ni baket nga impadawat ni mother dear a binurasna 

iti mula da kabagis ken kayong. Ala wen, yaman pay Apo!

'Maykayon ta agmeriendatayo, karruba!

[wwwmangantayonkarruba.blogspot.com]

Pinakbet manen

 

Ita. Imasek. Ganasek nga isakmol nga iludon iti innapuy daytoy pinakbet a bulong ti saluyot ken okra [saluyot-kayo], ken nasagpawan iti daing.

Dinak matmatan iti kasta. No pudno a nangisit ti sikom umaykan ta danggayannak a mangan, karruba. ‘Maykan, ne!

[wwwmangantayonkarruba.blogspot.com]

Tenneb a Tilapia

 

Yantangay awan dalag, buntiek wenno paltat a magatangko dita Filipino store a matuno koma isu a tilapia lattan ti tinennebko. Wen, tinenneb.

Tenneb a tilapia, karruba!

(wwwmangantayonkarruba.blogspot.com)

[Na]Salad a nateng ken [Na]Bugguong nga unnok. Mayat!

Hu! Daytoy lattan ti pangdarasan a sida,

salad a sabong ti katuday, rangaw ti paria

ken ilay-sanglay [alugbati] ken adda 

sangkabassit naiwawa a bungat' paria 

ken utong sako kinamboran iti kamatis

ken lasona. 

Daytoy ti pagsayaatanna no adda mula 

iti hardin ti taraon ti bagi, adda nakasagana

a burasen wenno purosen a paglaok iti kumporme

a maluto a masida.

Saan la a dayta, inasmangak ti salad iti

binugguongko nga unnok. Mayat man

ti balanse ti sida, piman.

'Maykan dikan baybayagen, karruba!

[wwwmangantayonkarruba.blogspot.com]

 

Spicy Tako Poke with Immitation Crab Toppings

 

Bukod a bersion ti Spicy Tako Poke with Immitation Crab Toppings. Daytoy ti banatan ita bareng aggubalda iti samuyeng ket pasidapenna ti panunot. Mabalin a pulotan, mayat met nga ikammet iti innapuy. Ti nasken, adda ipelpel iti tian.

‘Maykan, karruba!

[wwwmangantayonkarruba.blogspot.com]

Es Kabeche a Prito a Lames ti Mataan [Akule] a naparabawan iti carrots ken bulong ti lasona

 

Es Kabeche Fried Akule with carrots and onion leaves toppings. Baliwan mammet ti masida. Ti sida.

'Maykan, karruba!

[wwwmangantayonkarruba.blogspot.com]

Alugbati [Ilay-Sanglay]

 

Medyo nakaungar metten ti alugbati

[ilay-sanglay] a mula ta adun

ti makita a saringitna, piman.

[wwwmangantayonkarruba.blogspot.com]

Ay, nagtaba latta ti parabor daytoy mula nga utong!

 

Napuros, naburas. 

Ay, ket nagtaba latta ti parabor daytoy mula

nga utong, ken adda met sumagmamano a bungat'

kamatis ken paria. Naggaget ketdi daytoy

mula nga utong nga agbunga ta mapalabsan la

ti maysa nga aldaw, addanto manen maburasko.

Ala wen, dikay' maum-uma a mangted iti paraboryo, wen?

[wwwmangantayonkarruba.blogspot.com]

Sangasupot a sabong ti katuday

 

Napuros iti hardin a taraon ti bagi.

Ket wen, makaanay metten daytoy

sangasupot a sabong ti katuday a saladen 

wenno paglaok iti kumporme a maluto a masida.

Saan latta a maum-uma nga agsabong

ket pagyaman ta adda latta maiparaburna

a pagsayaatan ti bagi.

[wwwmangantayonkarruba.blogspot.com]

Nalanit, lames-taaw ken nateng. Mayat!

 

Nateng latta- bungat' utong, pallang ken

sili [aruy-oy] a naigisar iti longganisa

ken pasayang. Mayat a kombinasion,

agbinnalanse ti nalanit, lames-taaw ken nateng

a raman.

Ala wen. Manso, karruba!

[wwwmangantayonkarruba.blogspot.com]

Tahong [Kabia], Pasayang ken Petsay

 

Daytoy man. Daytoy man ti isublat a sida, nagisar a Greenshell Mussels [Tahong/Kabia], White Shrimps ken bulong ti petsay [pechay] iti apagdillaw a tedted ti manteka. Naraman, nananam iti apagisu la unay a templa. Mayat. Mayat ti kombinasion.

Ala wen, paganusan manen. ‘Maykan, karruba!

[wwwmangantayonkarruba.blogspot.com

Tilapia ken Nateng

 

Daytoy ti nanumo a sida ita, prito a tilapia a nasagpawan iti nagisar a bungat' utong, paria ken sili. Paganusan. Manen, piman.

'Maykan, karruba!

[wwwmangantayonkarruba.blogspot.com]

Nateng latta!

 

Nateng for life. Ay, diak la ketdi isukat! 'Maykan ta manganta, karruba!

[wwwmangantayonkarruba.blogspot.com]

Agsidatayo iti Bagnet

 

Agsidatay’ mammet sagpaminsan iti bagnet [karahay/chicharon baboy] napia la nga agas ti agik-ikkis a tian, piman.

‘Maykan, karruba!

[wwwmangantayonkarruba.blogspot.com]

Addanto latta tiempona

 

Medyo mabilbilang pay laeng ti sabong

daytoy mula a katuday ta nabiit pay ngamin

a pinukanko dagiti natatayag a sangana.

Di pay nagsaringit.

Ala wen, makauray met. Addanto latta tiempona.

.

.

[wwwmangantayonkarruba.blogspot.com]

Nalabon ti bunga ti pias

 

Adda manen paglaok ken pangalsem iti maluto

a sida. Nalabon. Kaadu ti bunga ti mula 

a pias ita.

'Maykan agburas sakbay a maibus ken matnag

iti daga, karruba. Darsem!

.

.

[wwwmangantayonkarruba.blogspot.com]

Adda manen ikape

 

Uray daytoy mula nga Arabic Coffee, 

diak napuotan a nagsabong. Itay la

a namirak nga adda gayamen bungana.

.

.

[wwwmangantayonkarruba.blogspot.com]

Adda manen napuros, naburas

 

Napuros, naburas. Adda manen bungat'utong

ken kamatis. Bassibassit ngem makaurnong latta 

met a paglaok iti kumporme a maluto a sida, piman.

Ala wen.

.

.

[wwwmangantayonkarruba.blogspot.com]

Pinakbet a [puro] bulong ti saluyot

 

Daytoy man. Wen, daytoy mammet ti isublat

nga iludon iti innapuy, piman: 

pinakbet a [puro] bulong ti saluyot 

a naarkusan iti sangkalilit a daing

ken bungat' silit'-sairo a panangay-ayo

ti boksit. Ala, a.

Umaymo ramanan, karruba. Padasem, amman.

'Maykan, ala!

.

.

[wwwmangantayonkarruba.blogspot.com]

Adda manen napurosko, piman

 

ket adda manen napurosko a bunga ti utong, piman.

uray bassibassit, makaurnong latta met a paglaok

iti kumporme a masida.

ala wen. dikay' maum-uma, wen?

.

.

.

wwwmangantayonkarruba.blogspot.com

Mayat latta ti pammagustoda

 

mayat. mayat latta ti pammagusto

nga agbunga daytoy naimasetera a mula 

a sili [hot pepper] a ginatangko 

iti maysa nga store ditoy maui.

ala wen. manso ta adda pakairanudanyo!

[wwwmangantayonkarruba.blogspot.com]

Torta a Tarong

 

Agsidatayo mammet iti torta a tarong. 

[wwwmangantayonkarruba.blogspot.com]