[Na]Prito a Mataan

 

Daytoy lattan ti isublat nga ikammet iti innapuy: 

[na]prito a mataan. Anusan ta isu met ti nagammatan,

piman.

wwwmangantayonkarruba.blogspot.com

[Na]Lingta a Mataan

 

[Na]Lingta a mataan [Akule] a nasagpawan iti bungat' tarong

ti pareha ti innapuy ita. Anusan manen ti sida ta adda

pamigsa, karruba.

[wwwmangantayonkarruba.blogspot.com]

Pinakbet a bungat' tarong

 

Wen. Daytoy man, karruba.

Sida dagiti pada a patneng nga Ilokano--

pinakbet a puro bungat' tarong.

Adu ti maibulonna nga innapuy.

[wwwmangantayonkarruba.blogspot.com]

Natuno/Tinuno a bungat' sili ken okra

 

Spicy and aphrodisiacs. Naadat/Nagasang ken afrodisiak [pangparugso/pangpauttog]—

Nagtumpong ti kapintasan ken kaiimasan a nateng a masida— natuno/tinuno a bungat’ sili ken okra [saluyot-kayo]. Perfekto a kombinasion. Saan la a dayta, naimas pay ti okra sakbay ti labing-labing. Pagpudotenna amin a di mangan-ano. Paruarenna pay ti kasta unay a kua… ling-etmo, hehehe!

Anat’ ur-urayem? ‘Maykan, karruba!

[wwwmangantayonkarruba.blogspot.com]

Dinengdeng for life

 

Kastoy ti taraon a pamigsa iti tulang, lasag ken susuop, ken pagpasidap iti panunot dagiti pada a mangrabrabii nga agtrabaho—dinengdeng latta. For life.

Agiguptay’ iti digo ti bulong ti marunggay, ilay-sanglay [alugbati], pallang, bungat’ tarong a nasagpawan bassit iti uong ken aramang. Piman latta…

.

‘Maykayon ta nausan ti nanumo a sida, ne.

[wwwmangantayonkarruba.blogspot.com]

Bukod a bersion a luto: Roast Pork

 

Ramanantay' man ti bukod a bersion

a luto ti roast pork. 

'Maykan ta danggayannak a mangan, karruba!

[wwwmangantayonkarruba.blogspot.com]

Pinakbet a bungat' sili ken okra

 

Pinakbet a bungat' sili ken okra [saluyot-kayo]

a naigisaran bassit iti taba ken lasag ti baboy.

Makaanayen a pareha ti innapuy, piman.

'Maykan ta agdanggayta man a mangan, karruba.

[wwwmangantayonkarruba.blogspot.com]

Nagasang ken digo

 

Nagasang ken digo--

Pagpaling-et, pangimas pay ti kaan: 

nagisar iti bassit a manteka a kayo

ti balangeg [kangkong] a nalaokan

iti lakaylakay [natadtad a bunga ti sili

ken bukel ti bawang].

[umuna a ladawan]

ken

Nateng latta met ti pagipapasan. 

Agiguptay' man ketdi iti digo ti rangaw

ti balangeg [kangkong], okra [saluyot-kayo]

ken uong napia la a pamedped iti bisin, piman.

[maikadua a ladawan]

'Maykayon sakbay a maibus, ne!

[wwwmangantayonkarruba.blogspot.com]

Freshwater Whole Smelt [Bugbugian]

 

Nalingta a Freshwater Whole Smelt. Bugbugian ket perme ti nanamna. Anusan ti sida, piman.

.

'Maykan, karruba!

[wwwmangantayonkarruba.blogspot.com]

Susop ti Saba

 

[Na]Salad a susop ti saba ken sabong ti katuday a natempla iti bugguong, kamatis, vetsin ken laya. Umanayen nga ibulon ti innapuy, piman.

'Maykan, karruba!

[wwwmangantayonkarruba.blogspot.com]

Balanghoy

 

Mayat, nalangto met ti mula

a balanghoy.

[wwwmangantayonkarruba.blogspot.com]

Katuday for life

Medyo natayag ti mula a katuday,

narigat a gaw-aten ken purosen

dagiti sabongna no dika agusar

iti agdan.

[wwwmangantayonkarruba.blogspot.com]

Kardis latta

 

Daytoy met ti naipadaga a sabali pay

a mulak a kardis. Mannarimaan

panagsabong ken panagbungana.

[wwwmangantayonkarruba.blogspot.com]

Naimasetera a mula a kardis

 

Daytoy man ti naimasetera a mulak a kardis iti plastic gallon ti pinta [nailaok ti maysa puon a tarong]--nagsabong, nagbunga.

[wwwmangantayonkarruba.blogspot.com]

Bugguong a Tukmem

 

Bugguong, maigisar wenno ipalkang ti rukmem [clams],

naimas latta a sida.

Ngem para kaniak, masansan ketdi nga ibugguongko ti tukmem

ta sabali la ngamin ti imas ken ramanna no maikumpera

iti madiguan wenno simple a maigisar laeng. Adut' maibulonna

nga innapuy.

Ngem apounayen, aya, no tukmem kunam, uray ania

ti pannakaisagana/pannakalutona, naimasto latta.

'Maykan, Karruba!

Balanghoy

 

Mayat, nalangto met ti mula

a balanghoy. 

Katuday for life

 

Medyo natayag ti mula a katuday,

narigat a gaw-aten ken purosen

dagiti sabongna no dika agusar

iti agdan.

Kardis latta

 

Daytoy met ti naipadaga a sabali pay 

a mulak a kardis. Mannarimaan 

panagsabong ken panagbungana.

Naimasetera a mula a kardis

 

Daytoy man ti naimasetera a mulak a kardis 

iti plastic gallon ti pinta.

[nailaok ti maysa puon a tarong]--nagsabong,

nagbunga. 

Batso, batso latta...

 

Batso [Bacho] a bungat' karabasa, okra [saluyot-kayo]

ken paria a nalaokan bassit ti aramang ken nasagpawan

iti chicharon baboy.

.

Pamigsa iti napaksuyan a bagi a nagpuyat idi rabii.

Piman...

.

.

[wwwmangantayonkarruba.blogspot.com]

Agregregda metten

Isu a binurasko ti dadduma a bunga ti Arabic coffee.

Di pay natutor a naluom, ngem ipagangok sakonto gilingen.

Kalpasanna, iluto. Padpadas laeng a ramanan amangan no

naing-ingel ti paitna.

[wwwmangantayonkarruba.blogspot.com]

Kaliente [Caliente]

 

Bukod a bersion ti kaliente [caliente]

[wwwmangantayonkarruba.blogspot.com]

Nagisar nga Spam

 

Masadutak nga agsukain iti ref isu a daytoy lattan

ti napidutko a pangalistuan nga inluto: nagisar

nga spam iti bassit a manteka a nailudon iti 

kamatis ken sibuyas, nawarakiwakan ti sangkalilit

a bulong ti lasona ken napatedtedan iti cooking wine

a pagpabanglo.

.

Anusan ti adda, karruba. 'Maykan, ne!

[wwwmangantayonkarruba.blogspot.com]

Berde a salad, nasustansia

[Na]Salad a bulong ti marunggay, sabong ti katuday

[ken marunggay] ken rangaw ti paria a nayon nga

ibulon iti innapuy. Piman ngem imasek. Nasustansia!

.

.

.

[wwwmangantayonkarruba.blogspot.com]

Pinablad a Balatong

 

Daytoy man pinablad a balatong a nalaokan

iti sabong ti karabasa [ken uggotna] ken katuday 

ti ikammet iti innapuy ita a natudo ti panawen.

Pangontra iti lamiis.

.

.

.

[wwwmangantayonkarruba.blogspot.com]

Ana ngata?

 

Ipaturayko ngata a maluom agingga a kumriit

ti bunga ti Arabic coffee, wenno mabalinen

a burasen ken gilingek tapno maramanan

no kasanot' paitna? Hmm...

[[wwwmangantayonkarruba.blogspot.com]

 

Ngannganin maburas...

 

Arabic coffee

.

.

.

.

[wwwmangantayonkarruba.blogspot.com]

Naisiwasiw a mula a tarong ngem saan met a paudi

 

Naisiwasiw a mula a tarong, agsabong metten...

.

.

.

.

wwwmangantayonkarruba.blogspot.com

Maramanakto met laengen no kasanot' kapaitmo a kape

 

Ngannganin maluom ti bunga 

daytoy Arabic coffee a mula.

Maramanto metten no kasano

ti paitna daytoy a klase ti kape.

.

.

.

.

wwwmangantayonkarruba.blogspot.com

Garden beans

 

Dadakkelen dagiti imbunubonko nga garden [beans]

[sitaw/utong] ngem apounayen ta diak pay nasango

nga impadaga. Wenno ditana lattan? Sus!

.

.

.

.

wwwmangantayonkarruba.blogspot.com

Bayawas [guakol/guapol]

 

Nagaget latta met nga agbunga ti mula 

a bayawas [guakol/guapol], ngem

inigges dagiti dadduma a bungana.

.

.

.

.

wwwmangantayonkarruba.blogspot.com