Daytoy man, daytoy man; pinakbet ti napagango a kayo ti daludal a nasagpawan iti sinuoban a galunggong. Anusan latta ti kinanumo ti masida.

wwwmangantayonkarruba.blogspot.com

Sinigang (Paksiw) a bangus a nasagpawan iti bungat’ okra ken bulong ti lasona. Agiguptay’ mammet iti digo napia la a kired dagiti tulang, susuop ken lasag nga agpuyat manen para ti pagbiagan, piman.

wwwmangantayonkarruba.blogspot.com

Sangarakem a Masida...

Bungat' Paria, Wailuku Gardens
wwwmangantayonkarruba.blogspot.com

[Na]Salad a Parda...

wwwmangantayonkarruba.blogspot.com

Dinengdeng latta...

Dinengdeng a bulong ti marunggay, bungat' okra ken utong,
ken nasagpawan iti [na]prito a tilapia
wwwmangantayonkarruba.blogspot.com

(Na)Prito a tilapia. Napia la piman...

wwwmangantayonkarruba.blogspot.com

Daytoy mammet isublat nga ikammet iti innapuy: pinakbet a daludal (kayo) a nalaokan bassit iti bulong ti saluyot, ken nasagpawan iti sinuoban a galunggong ken bungat’ natibo a sili.

wwwmangantayonkarruba.blogspot.com

Daytoy ti ibulon iti innapuy: pinablad a bukel ti utong a naigisaran iti taba ken lasag (karne) ti baboy, ken nasagpawan iti bulong ti paria ken aramang. Anusan ti kinanumo ti masida, piman.

wwwmangantayonkarruba.blogspot.com

Hu, daytoy man ti pangbatil iti ikammet nga innapuy, dinardaraan (anemic pay ta kurang ti dara a laokna) a lasag/taba ti baboy. Nupay diak naala ti kalikagumak a lutona (ta kurang ti dara), anusan manen ta napia la a pamedped ti bisin ken kired ti tultulang ken susuop a mapan agobra manen no rabii, piman. Ala wen, ne…

wwwmangantayonkarruba.blogspot.com

Daytoy mammet ti isublat nga ikammet iti innapuy, (na)prito a bulongnas nga isawsaw iti suka ti iloko. Anusan manen ta isu met kaalistoan a maluto. ‘Maykayon, ne!

wwwmangantayonkarruba.blogspot.com

Ay, dinengdeng latta! Nasustansia, nagimas man nga igupen ti digona. ‘Maykayon, karruba!

Dinengdeng
wwwmangantayonkarruba.blogspot.com