Nateng ken unnok, mayat!

Hu! Daytoy lattan ti pangdarasan a sida: [na]salad a sabong

ti katuday, rangaw ti paria ken ilay-sanglay [alugbati] ken

adda sangabukel a bungat' paria ken maysa ramayan nga utong.

Linaokak iti kamatis ken lasona.

Daytoy ti pagsayaatanna no adda mula a nateng iti hardin

ti taraon ti bagi, adda nakasagana a burasen wenno purosen

a paglaok iti kumporme a maluto a masida.

Saan la a dayta, inasmangak ti salad iti binugguongko nga unnok.

Mayat ti balanse ti ramanna, piman.

'Maykayon, karruba!

[wwwmangantayonkarruba.blogspot.com]

Batso mammet ti isublat, ne.

Daytoy ti linutok, batso [bacho] a bungat' karabasa a nalaokan iti nagisar a karne ken taba ti baboy, adda bassit burluloyna a pasayang ken bungat' utong napia la nga adda met dekorasionna, piman.

No maikiras, nasayaat. No saan, di saan...

basta.

Iyayabko lattan kadakayo a mayat a makitomal a karruba! 

[wwwmangantayonkarruba.blogspot.com]

Pinakbet a bungat' paria

Pinakbetko man daytoy sangkabassit a naburas

a bungat' paria iti hardin a taraon ti bagi

napia la a pamedped iti bisin, piman.

Anusan ti adda a sida, karruba.

[wwwmangantayonkarruba.blogspot.com]

Parabor ti mula a paria

Kastoy ti kaadu ti napuros ni baket a bunga ti paria, dua nga aldaw

ti napalabas. Kastoy mammet manen ti napurosko itay pinadalanak a bigbigat. Balor dua agingga tallo doliar iti medium size a ziploc no gatangen iti store. Imbag la ketdin ta adda mula isu pay a sekdanan a gatangen numuna ket nagngina metten amin a magatang, piman.

Ay! Uray kunak nga "i’m living in a bitter life" basta dikay' maum-uma a mangted iti paraboryo, wen?

Pagyamanan!

[wwwmangantayonkarruba.blogspot.com]

[Na]Bugguong nga unnok

Daytoy man nairapan iti kamatis a bugguong nga unnok

ti ap-ap ti tian ken pamedped iti bisin. Makaanayen

daytoy a sida nga ibulon iti innapuy, piman.

Wen, maakaanayen daytoy nanumo a sida.

'Maykan, karruba!

  

[wwwmangantayonkarruba.blogspot.com]

Nanumo a sida

Ay! Nanumo laeng a pang-anibersario a sida: digo ti nateng— bulong ti marunggay, bungat’ okra [saluyot-kayo] ken paria, ken adda met sidekick-na a liningta a mataan [akule], piman.

Makaanayen daytoy a mangpasidap ken mangasa ti panunot ken mangpatibker pay ti pisikal a bagi. Ngem kangrunaan iti amin, ti nair-irut a singgalot ken pannakataginayon ti napimpintas a relasion, ken mamagtriple pay ti duapulo ket dua a tawen a panagdenna— iti rigat man wenno gin-awa.

[wwwmangantayonkarruba.blogspot.com]

Pinakbet manen, karruba!

Pinakbet a bulong ti saluyot, bungat’ paria ken okra [saluyot-kayo] a nasagpawan iti aramang ken silit’ sairo. Makaanayen daytoy a sida, karruba.

Ala 'maykayon ta pagraramanan, ne!

[wwwmangantayonkarruba.blogspot.com]

Nilingta a lames ti butter fish

Daytoy ti binalonko idi rabii a pinulotan dagiti Sunday Boys of Maui, nilingta a nagalas-asan iti lasag [a nganngani siit aminen ti natda] ti Butter Fish. Abusta nalukneng la ngaruden ti siitna, naikiras pay! Perme nga inimasda, piman.

Sori. Awan nabatin, karruba!

[wwwmangantayonkarruba.blogspot.com]

 

Chicharon Baboy [Bagnet/Karahay iti Ilocos]

Hu! Daytoy mammet la. Uray 'nia ti idikdikta ti panunot a tungpalen, supringek ti pagayatanna. Kunak, uray sagpaminsan 

kadi laeng, ala. Ket dayta ne, chicharon baboy [awaganda pay 

iti bagnet wenno karahay] ti Maui ti idumudom iti naperresan 

a bugguong ti tubbog ti kalamansi ken napis-itan iti bungat' sili.

Anusan ti sakit nga ibunga daytoy a sida, piman. 'Maykayon, karruba!

[wwwmangantayonkarruba.blogspot.com]

Pinakbet mammet ti isublat, piman

Uhu! Aldaw mammet gayamen, aya? Ala nupay nagpuyat manen datao a nagtrabaho idi rabii, taraonan ti bagi tapno salun-at di maperdi.

Kas koma iti daytoy nanumo a pinakbet, riingennat' agkurkuridemdem a mata ken bussogennat' agdudungsa a rikna...

'Maykayon ta pagsasanguan ti nanumo a sida, karruba!

[wwwmangantayonkarruba.blogspot.com]

 

Nateng latta

 

Nagisar a puro bungat' utong iti tallo kutsara

a manteka. Wen, makaanayen a pangay-ayo iti 

agrungrungaab a tian, piman. Anusan, a.

'Maykayon, karruba!

[wwwmangantayonkarruba.blogspot.com]

Wen, nateng latta a di kauma

 

Awan naimas a masida a naisagana para ti daytoy maikapat nga aldaw ti Hulio no di laeng ti nanumo a [na]salad a sabong ti katuday, bunga ken rangaw ti paria.

Pagpiaanna, bukod a mula dagitoy napuros a nateng manipud iti hardin a taraon ti bagi. Ay, piman latta ti kinapiman!

Dumaw-as ti mayat a makitomal, karruba!

[wwwmangantayonkarruba.blogspot.com]

Fried Spicy Okra

Mangantayo man ketdi iti fried spicy okra[saluyot-kayo]. 

Naprito nga okra a nalaokan iti lakaylakay 

[natadtad a bungat' sili ken bukel ti bawang.

Ala man padasem no kabaelam ti gasangna, karruba.

[wwwmangantayonkarruba.blogspot.com]

 

Nanumo a sida

 

Daytoy lattan ti nanumo a sida nga ikammet 

iti innapuy piman, nakamatisan ken naigalipan 

ti sangkabassit a sibuyas ti roasted seaweeds 

a naipareha iti nilingta a tilapia.

Wen, makaanayen.

[wwwmangantayonkarruba.blogspot.com]