Agiguptay' iti digo, tinola a manok a nasagpawan iti bulong ti marunggay ken susop ti saba ta napia la a pamigsa dagiti pada a nagpuyat. Awan netib [native] ngem anusanen, piman...

Tinola a Manok a nasagpawan iti bulong ti Marunggay/Marunggi
ken Susop ti Saba

Makasidsidaenak iti Akule [Mataan], ngem diak diniguan wenno liningta. Pinagbalinko ketdi a pulotan [pupus] ta presko met. Hmm...dayta ne, ti nagbanaganna.

Pulotan/Pupus nga Akule [Mataan]

Pakbet nga uplak [wenno kayo a pangawag ti dadduma] ti aba a nasagpawan iti naprito a tilapia. Wenno laing nga aba, kuna pay ti sabali. Mabalin pay a magettaan wenno kumporme ditan a mabalin a pannakalutona. Ngem uray ana ti awagda, naimas a taraon daytoy dagiti pada a nangisit ti sikona. Anusan ti kinanumo, piman...

Pakbet nga uplak [wenno kayo] ti aba

Luto ni Baket: Pork Dumpling. Wen, isu lattan ti pangaldaw ken pagmeriendak metten, piman. Kadatao a nagpuyat, saanen a nasken ti adu a taraon nga ipauneg. Ti nasken, maiturogko tapno mainanaan ti bagi, ti matak, panunot ken kararuak. Numuna ket sumalogtayto man no rabiin...

Pork Dumpling

My own version of roasted turkey with pepper bell, potato, carrots and celery on toppings

Roasted Turkey

Aysus, kailiwka man...

Ay, anusanen, a, ti kinanumo ti taraon, piman; dinengdeng a bulong ti marunggay, susop ti saba ken bungat' okra. 'Maykan makisakmol no nangisit ti sikom!

Dinengdeng a bulong ti marunggay, susop ti saba ken bungat' okra

CALIENTE [Kaliente]- Ilocano Cow or Carabao Skin Salad. Bukod a bersion. Bukod a templa. Bukod a panagraman. Piman latta.

Caliente [Kaliente]

Ket wen, sagpaminsan met a ramanan ti taraon a maiparit kadagiti pada nga adda gout-na: impankon a rikna ti nagluto ti 'adobo a bagis ti baboy.' Narigat met nga iyapal lattan ti boksit a di maramanan ti maysa a paggugusto a taraon dagiti pada a nangisit ti sikona. Total, adda met agas a tomaren, piman.

Pork Intestines Adobo

Deep fried pork ribs with boiled cabbage and potato fries toppings

Nalingta [Liningta] a lames ti Mataan [Akule] ti ibulon nga ipangan iti innapuy. Anusan, piman.

Nalingta/Liningta a lames ti Mataan [Akule]

Hmm...daytoyen ti maysa kadagiti kaalistuan a luto, imbaliktad a pasayan[g]. Iti sabali a pannao, nagisar a pasayan[g]. Tinemplak iti cooking wine, bassit a ginisa mix, asin, bawang ken sibuyas. Ay, ket anusan ti nanumo a sida, piman.

Imbaliktad a nagisar a pasayan[g]

Sinuoban/Nasuoban a Mataan [Smoked Akule] ti ikammet iti innapuy ken kamatis. Ay, ket anusan lattan, a, piman.

Smoked Akule [Mataan]

Nagisar ken nadiguan a karnet' baboy [usi/yusi] ken naparabawan iti bassit a bulong ti kutsay.

Nadiguan a karnet' baboy [Usi/Yusi]

Sinigang [Paksiw/Nadiguan] a Mataan [Akule] a nasagpawan iti bungat' sili

Sinigang [Paksiw/Nadiguan] a Mataan

Luto ni Baket, "Sizzling Kidney [Lipay/Biel] Hotplate

Lauya [nadiguan] a kukod/saka ti baboy a nasagpawan iti rabong ti ibulon ti innapuy. Nagsabor ti digona!

Lauya/Nadiguan a Kukod/Saka ti Baboy

Nalingta/Liningta a galunggong [baby layang scad]

Pinakbet/Pakbet nga utong, bungat' paria, okra ken sili a nasagpawan iti chicharon baboy. Daytoy ti maysa kadagiti paborito a taraon dagiti pada a nangisit ti sikona. 'Maykayon ta pagraramanan ti nanumo a sagana!

Pinakbet/Pakbet

Kilawen a pasayan[g] ti nayon ti pangrabii a maidumudom iti nasilian a suka ken suyo. Anusan, a, piman.

Kilawen a Pasayan[g]

Naprito/Prito a tilapia a nasagpawan ti naigisar a bungat' okra, nawarakiwakan iti bulong ti lasona ken natadtad a bungat' sili ken bawang [lakaylakay]

Naprito/Prito a Tilapia

Deep friend pork ribs with friend potatoes and boiled cabbage toppings

Fried Pork Ribs

Ala wen, iburaymo latta ti kasam-itan a bungam...

Dragon Fruits

Kukuaka ita...

Dragon Fruits

Gapu ta di met masango ti agluto, daytoy ti nagammatak a masida dita store- Chicken Rotisserie. Pangalistoan nga isakmol, piman.

Chicken Rotisserie

Naigisar a corned beef a nalaokan iti patatas

Naigisar a corned beef a nalaokan iti patatas

Paksiw a baka ti pangibulon ti innapuy. Nupay adda kapkapuy ti pinapaitanna, agiguptay' man latta iti digo ta napia la a pangriing ti agdudugel a rikna...

Paksiw a baka wenno nadiguan/diniguan a karnet' baka

Ket nagpagustoka met manen. Agyamanak. Dika koma mauma a mangted iti paraburmo...

Dragon Fruits

Nalingta a Tilapia

Nalingta a Tilapia

Pinakbet/Pakbet a bungat' sili. Pangpabungar ken pangriing ti agdudugel a rikna dagiti pada a nagpuyat. Nateng latta, piman.

Pinakbet a bungat' sili

Naigisar iti bassit a manteka, suyo, bawang, asin, ginisa mix ken lakaylakay [nagkambor a natadtad a bukel ti bawang ken bungat' sili] ti inlaokko iti rangaw/uggot ti pakpako. Pangdarasan a pannakalutona, piman. Nanumo a taraon ngem nasustansia a sida dagiti pada a nagisit ti sikona...

Naigisar a rangaw/uggot ti pakpako

Ket wen, sakbay a yarado ti bagi para ti sabali manen a pagbiagan iti inaldaw ita a rabii, agiguptay' man iti digo ti rangaw/uggot ken sabong ti karabasa, bulong ti marunggay, bungat' okra ken sangkalilit nga uong napia la pamigsa nga agpuyat. Piman, ngem dagitoy a taraon ti kaay-ayo unay dagiti pada a nangisit ti sikona.

Pancit man ti nadalapusko a linuto. Saan a presko no di ket lokal a produkto ti Hawaii, Chow Mein Noodles. Awan unay rekadona. Simple lang a luto. 'Maykayon ta pagraramanantayo, ne!

Pancit [Chow Mein Noodles]

Mangalebbanak nga agsida iti adobo a manok ita nga aldaw. Sayang no diak ikiras. Masadutak met ngarud nga agluto. Anusan lattan, a, piman...

Adobo [Marinated] a puro karne ti manok

Hmm...ana ngata aya ti pamay-ak iti daytoy bulong ti saluyot? Ah, ammokon!

Pakbet/Pinakbet a bulong ti saluyot

Daytoy, a, ti sida dagiti nangisit ti sikona;
pakbet/pinakbet a bulong ti saluyot.
'Maykayon ta ikirastayo!

Nayon ti pangrabii, pakbet/pinakbet a bulong ti saluyot ken bungat' okra. No nangisit ti sikom, manganka.

Pakbet/Pinakbet a bulong ti saluyot

Yantangay awan dalag, buntiek wenno paltat a magatang dita Filipino store a matuno koma isu a tilapia lattan ti tinennebko. Wen, tinenneb a tilapia. Piman...

Tinenneb a Tilapia

Fried Tilapia...

Fried Tilapia

Insarabasab/Tinuno a lapayag ti baboy ti pangrabii, piman. Ngem panagkunak, saanen nga umabot a pangrabii daytoy ta manutsutil ti sulisog ti serbesa. Hekhek!

Insarabasab/Tinuno a Lapayag ti Baboy

Anusan, anusan ti nateng a sida. Ket nupay awan bulong ti marunggay a laok ti dinengdeng, naimas latta ti rangaw/uggot ken sabong ti karabasa ken sangkabassit a bulong ti saluyot. No pudno a nangisit ti sikom, dimo ibain dayta.

Dinengdeng a rangaw/uggot ken sabong ti karabasa, bulong ti saluyot

Adobo [Marinated] a Boksit/Tian ti Baboy

Adobo [Marinated] a Boksit/Tian ti Baboy

Sus! Naigisar a bungat' utong. Nanumo a taraon. Anusan latta, piman.

Naigisar a bungat' utong

Fried Spicy [Aphrodisiac] Okra dinner for tonight

Fried Okra