 |
| Mabalinen a pagrangawan ti nageksperimentoan nga immula a kangkong iti plastic bottle. Piman, isu pay. .. [wwwmangantayonkarruba.blogspot.com] |
 |
| kamaudiananna, nagtubo met laengen ti imbunubonko a bukel ti kamatis. nabayag met a sinegseggak ti pagilasinan, piman... ala wen, bareng adut’ agbiag ta isu pay a nayon ti abasto. [wwwmangantayonkarruba.blogspot.com] |
 |
Daytoy latta manen, a. Wen, ana ngatat' ramanna no agtipon ti napait ken nagasang? Dayta ti sida ita, nagisar a bungat' paria nga adda laokna nga uong iti sardinas a nagasang. Hu! dimo kuna ta pinatedtedak bassit iti cooking wine ken nawarakiwakan iti bulong ti lasaona. Solved! Ala, 'maykayon ta pagrararaman ti nanumo a sida. Piman. Manen... . . . [wwwmangantayonkarruba.blogspot.com] |
 Daytoy la piman ti masida--pammigat ken pangaldaw. Kastan sa ketdi ti ruam dagiti managpuyat, mammaminsan ti sakmol. No mamigat mairaman metten ti pangaldaw ta ad-adda a pagustoan ti awis ti ridep. Nalabit, daytoy a klase ti taraon dagiti pada a mamirmiraot gapu iti rigat ti biag. Pangdarasan wenno awan la ti igatang. Ala wen, paganusan ti nagisar a bungat' paria a nalaokan iti pasayang ken itlog. Ngem agpayso, kasla raman ti paria ti kapait ti biag... . . . [wwwmangantayonkarruba.blogspot.com] |
 nakamatisan ken natadtadan bassit iti laya, sangkairap a sibuyas ken nalaokan iti sangkatedted a tubbog ti kalamansi ti binugguongko a padas. diakon esman ti agluto no kastoy ti maidasar iti lamisaan. umanayen a mangap-ap ti bisinko, piman... . adda man hayblad wenno awan, 'maykayon, ne! [wwwmangantayonkarruba.blogspot.com] |
 |
| wwwmangantayonkarruba.blogspot.com Uray no ang-angalek pay la ti sakit ti akin-kannigid a palaypalayko gapu iti gout, mapawilandak ngarud nga agsida ti insarabasab/natuno a taba ken karne ti baboy? Hu! Baam man, kumpad. "No apay ketdi ngamin a naimas ti maiparit, a?" Ngem agingga nga adda agas a pangagas iti daytoy, mangantayo ketdi ta saan met a kanayon ti agsida ti kastoy. 'Maykayon, ne! |
 |
Nagisar iti bassit a manteka [ti baboy], suyo, bawang, asin, ginisa mix ken lakaylakay [nagkambor ti natadtad a bukel ti bawang ken bungat' sili] a nailaok iti rangaw/uggot ti pakpako.
Pangdarasan a maluto a taraon, piman. Nanumo ken nasustansia ngem ibturan ti gasangna. Daytoy ti maysa kadagiti paggugusto a sida dagiti pada a nangisit ti sikona...
[wwwmangantayonkarruba.blogspot.com]
|
 |
| Pinadasko ti nagimasiteria iti Kutsay [Kuchay] ket mayat met panagdakkelda. Narukbos pay. Ala wen napia la nga alisto a pagalaan a pagrekado iti kumporme a maluto. [wwwmangantayonkarruba.blogspot.com] |
 |
| Uray daytoy alugbati [ilay-sanglay], makipinnarammagda a dumakkel ngem awan pay nagtubo iti imbunubonko a bukel ti kamatis iti dua a plastik a masiteria. [wwwmangantayonkarruba.blogspot.com] |
 |
| Mayat sa ketdi ti rubbuat dagitoy intugkelko nga ungkay/kayo ti kangkong iti nagawangan a bote ti plastic orange juice. Eksperimento met laeng ngem maymayat sa man no mulaak iti rabawna. Sayang ti espasio. Anat' makunam, kumpad? [wwwmangantayonkarruba.blogspot.com] |
 |
| Adda met maysa a bunga ti mulak nga okra [saluyot-kayo], piman. Ket ne, adda pay sabong ken nagtubo iti abayna. Ala wen, la. [wwwmangantayonkarruba.blogspot.com] |
