Bukod a bersion ti liningta a Pampano

Daytoy man ti nakammelko dita ref a linuto, bukod a bersion ti liningta a Pampano. Inil-iliwko daytoy a masida ta nabayagen daydi naudi a pannakaramanko, piman. Nagnanam man, ne. Napatangak sa ti kaustoan a templana.

Ala 'maykayon ta pagraramanan ti adda a sida, karruba!

[wwwmangantayonkarruba.blogspot.com]

Batso manen, karruba

Batso [Bacho] a bungat' karabasa a nalaokan iti utong, okra ken paria ken naigisaran bassit iti taba ken lasag ti baboy. Umanayen a pangap-ap iti tian ken pamedped ti bisin kadatao a mangrabrabii nga agtrabaho.

'Maykayon ta pagraramanan ti nanumo a masida, karruba.

[wwwmangantayonkarrub.blogspot.com]

 

Chicharon Baboy [Bagnet/Karahay kunada pay

Agsidatay' mammet sagpaminsan iti chicharon baboy

[bagnet/karahay kunada pay] napia la nga agas

daytoy makatitileng nga ikkis ti tian, piman.

Ala wen, sagpaminsan met laeng ket.

'Maykayon ta pagraramanan ti masida, karruba!

[wwwmangantayonkarruba.blogspot.com]

Salad a nateng ti isublat, ala.

Wen, salad a nateng ti isublat nga ipelpel iti tian. 

Nanumo a sida daytoy salad a susop ti saba 

nga inasmangak iti okra [saluyot-kayo] ngem nabaknang 

a taraon, ala.

'Maymo ramanan, karruba! Ne...

[wwwmangantantayonkarruba.blogspot.com]

Pinakbet a saluyot

Ket daytoy manen, ne. Wen, daytoy mammet ti isublat nga iludon iti innapuy, piman: pinakbet a [puro] bulong ti saluyot a naarkusan iti sangkalilit a daing ken bungat' silit' sairo a panangay-ayo ti boksit.

Ala, a.

Umaymo ramanan, karruba. Padasem, amman. 'Maykan, ala!

[wwwmangantayonkarruba.blogspot.com]

Iti hardin ti taraon ti bagi

Dayta man ti napurosko itay bigat iti hardin ti 

taraon ti bagi: sabong ti katuday, rangaw ti kamotig 

ken lima piraso a bunga ti paria. Ay, anusan 

ti adda napia la nga adda nayon ti masida.

Saladek, piman.

[wwwmangantayonkarruba.blogspot.com]

 

Tinuno a bungat' okra

 

Daytoy man ti ipareha iti innapuy, tinuno a bungat’ okra [saluyot kayo], napia la a pangay-ayo ti agkarkaradukoden a boksit, piman.

Ket no plano[m] ti makilabing-loving ken ni lakay/baketmo no rabii, ay, ket daytoyen ti maysa a kasamayan a masida a mangparugso iti rikna ken mangpaingar ken mangpatangken kadagiti laslasag ta maibilang nga aphrodisiac foods ti okra [An aphrodisiac is defined as a food or drug that arouses sexual instinct, brings on desire or increases sexual pleasure or performance].

Anat' makunam, karruba? ‘Maykayon, a!

[wwwmangantayonkarruba.blogspot.com]

Nateng, aramang, lasag ken taba ti baboy

DAYTOY ti isublat a sida, nagisar iti lasag ken taba ti baboy a bungat’ tabungaw ken kayo ti petsay a nasagpawan bassit iti aramang. Simple. Nanumo a taraon dagiti taga-away, piman. Anusan, a...

'Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Salad a nateng ti isublat a sida

Salad a rangaw ti nagtipon a balangeg ken paria ken innem a piraso ti bungat’ paria, nakamatisan ken nabugguongan. Daytoy ti ibulon iti innapuy. Makaanayen a sida ken pamedped ti bisin, piman.

'Maykan, karruba!

[wwwmangantayonkarruba.blogspot.com]

 

Pinakbet a bulong ti saluyot

Daytoy mammet, daytoy man ti isublat nga ikammet iti innapuy:

pinakbet a [puro] bulong ti saluyot a nasagpawan iti sangkalilit a daing ken bungat' sili a sairo.

Ay wen, nabayag la ngamin daydi naudi a sakmolko ti kastoy a sida. Paganusan manen, a.

Ala wen, 'maykayon ta pagraramanan ti grasia piman...

[wwwmangantayonkarruba.blogspot.com]

 

Nateng manen, karruba.

Ay, nateng latta. Bungat' tarong, utong ken pallang

a nalaokan iti nagisar a lasag ken taba ti baboy.

Wen, manso! Anusan, anusan daytoy nanumo a sida

nga ipareha iti innapuy, piman.

'Maykan, karruba!

[wwwmangantayonkarruba.blogspot.com]