Natuno a sabong

Natuno a kappuros a sabong ti katuday

manipud iti hardin ti taraon ti bagi

ti ipareha iti innapuy. Nateng latta.

Anusan manen ti sida, piman.

'Maykan, karruba!

[wwwmangantayonkarruba.blogspot.com]

Batso manen

Batso (Bacho) a bungat’ karabasa a naigisaran iti taba ken lasag ti baboy nga inasmangak ti bungat’ paria, kuros kubbo, uong ken sabong ti katuday.

Masumok amin a klase a luto ti nateng, piman.

(wwwmangantayonkarruba.blogspot.com)

.

#ilokanofood

#taraon

#batso

#taba

#lasag

#baboy

#bunga

#sabong

#karabasa

#paria

#uong

#kuroskubbo

#sida

 

Bacho manen, karruba.

Bacho [Batso] a bungat’ karabasa a naipartner iti okra (saluyot-kayo), nagisar a lasag ken taba ti baboy ken nasagpawan ti aramang. Awan adu a nateng a laokna, piman.

Pagraramanan, ne. ‘Maykan, karruba!

[wwwmangantayonkarruba.blogspot.com]

 

Ramanan ti digo ti rangaw ti kamotig ken kalunay, pallang ken okra...

Agiguptay’ iti digo ti rangaw ti kamotig ken kalunay, pallang ken okra (saluyot-kayo) a nasagpawan iti prito a lasag ti manok. Makaanayen a mangdengngep ti malamlammin a boksit.

Naimbag daytoy a sida dagiti pada a nangisit ti sikona, nangruna dagiti mangrabrabii nga agtrabaho— nasustansia. ‘Maykan, karruba!

[wwwmangantayonkarruba.blogspot.com]

 

Nateng latta, piman.

 

Mansuen latta ti nateng: salad a parda, sabong ti katuday ken bulong ti paria iti pangap-ap ti tian. Makaanayen daytoy nanumo a sida nga ipareha iti innapuy. Piman latta ti piman ti sida kadagiti amin a masida ngem nasustansia daytoy taraon.

No pudno a nangisit ti sikom, umaykan ta daggayannak a mangan!

[wwwmangantayokarruba.blogspot.com]

[Na] Lingta a Lames ti Dumadara

Daytoy ti pamedpedko iti bisin: [na]lingta a lames ti dumadara. Naimas ken nasustansia. Adda sangkabassit a burluloyna a bungat' sili. Natempla iti suka ti Iloco, ginisa mix, bassit a suyo, bawang, asin ken bukel ti pomienta. Anusan manen, a, piman.

'Maykan ta manganta ta dika agsisiim, karruba!

[wwwmangantayonkarruba.blogspot.com]

 

Pinakbet latta

Dagus a linutok ti napurosko a bungat' mula a tarong iti hardin ti bagi, piman. Pinakbetko a purpuro. Narigaten no baybayagen...

'Maymo ramanan, karruba!

[wwwmangantayonkarruba.blogspot.com]

 

Adobo a Pusit

Baliwak mammet ti potahe, [na]adobo a pusit [squid]

nga adda laokna a lasag ken taba ti baboy a naigisar  

iti apagdillaw a manteka ken naparabawan 

iti bassit nga iwa ti bulong ti lasona.

Ala wen, sagpaminsan met a ramanan ti kastoy

a sida, piman. Iyayabkon kadakayo, karruba.

'Maykayon ta mangantayo!

[wwwmangantayonkarruba.blogspot.com]

Adobo a bagbagis [tambutso] ti baboy

Adobo a bagbagis [tambutso kunada] ti baboy

Ikidemko koma a kitaen, ngem ne, lukibenna met 

dagitoy kalub ti mata. Sanabagan, nagrigat ketdin 

a liklikan ti sulisogmo! Kasano itan, payagusak kadi

iti palab-ogmo?

Hmm...ngem baam man. No agsakit manen, awan mabalin.

Pagbiagan daytoy. Anusak ti sakitna no pitingenna.

Pakataraonan ti boksit. "No gout, no glory!" Waaa!

'Maykan no adda gout-mo, karruba. Hehe!

[wwwmangantayonkarruba.blogspot.com]

 

Sinuoban [smoked] galunggong

Sinuoban [smoked] galunggong ti ikammet iti innapuy.

Kaalistuan a naluto. Anusan manen, piman.

'Maykan ta danggayannak a mangan, karruba!

[wwwmangantayonkarruba.blogspot.com]

Nagmaragatas a kilawen nga ipon

Hus! Nagmaragatas[en] ti ipon. Saanen a kilawen, piman.

Ngem anusan lattan nga iludonludon iti innapuy

napia la a pangep-ep ti bisin. Manso, tira!

'Maykan, karruba!

[wwwmangantayonkarruba.blogspot.com]

Nadiguan a tabtaba

Nadiguan a tabtaba.

Wen, diniguak ti tabtaba [kuplat ti daga ken/wenno

rugit ti daga] a kunada, karruba. Mapaosanak la

nga agigup iti digo ket daytoy ti nagammatak

ken kaalistoan a lutona. Saankon a pinabaawan pay

ti digo. Manso, tira ti arub-ob!

'Maykayon, karruba!

[wwwmangantayonkarruba.blogspot.com]