Nalingta a mataan

Nalingta a mataan [Akule] a nasagpawan iti bungat' tarong

ti pareha ti innapuy ita. Anusan manen ti sida ta adda

pamigsa, piman.

'Maykayon. Itugotyo ti ungotyo ta danggayandak a mangan, karruba!

[wwwmangantayonkarruba.blogspot.com]

 

Bukod a Bersion ti Relieno[ng] a Bangus

Bukod a bersion ti Relieno[ng] a Bangus. Pinadasko lang, piman, ta no dadduma, diak kursunada ti templa dagiti magatang a kastoy iti Filipino store.

Pinadasko met, a, ti bukod a bersion daytoy a klase ti luto. Linaokak iti kamatis, cooking wine, sibuyas, laya, lima kutsara a suyo, asin ken bassit a vetsin. Binungonko iti aluminum foil. Intunok nga immuna. Kalpasanna, impalinayko iti steamer tapno maluto a nasayaat. Ket ne, nagimas man!

'Maykan, karruba!

wwwmangantayonkarruba.blogspot.com 

 

Dinengdeng latta-- for life!

Daytoy ti taraon a pamigsa iti tulang, lasag ken susuop, ken pagpasidap iti panunot dagiti pada a mangrabrabii nga agtrabaho—-dinengdeng latta. For life.

Agiguptay’ iti digo ti bulong ti marunggay, ilay-sanglay [alugbati], pallang, bungat’ tarong a nasagpawan bassit iti uong ken aramang. Piman latta…

.

‘Maykayon ta nausan ti nanumo a sida, karruba!

[wwwmangantayonkarruba.blogspot.com]

 

Bungat' okra a nalaokan ti lakaylakay

Uhu! Daytoy lattan ti ikammet iti innapuy, nagisar iti apagtedted a manteka a bungat’ okra a nalaokan ti lakaylakay [natadtad a bukel ti bawang ken bungat’ sili].

Nagasang ngem pangimas ti pangan, piman.'Maykan, karruba!

[wwwmangantayokarruba.blogspot.com]

 

Insarabasab

 

Insarabasab a ngiwngiw [subsob] ken lapayag ti baboy. Natempla iti bassit nga asin, suka ken kalamansi, vetsin, sibuyas ken nawarakiwakan iti bulong ti lasona.

Anusan manen ti masida, piman. Ne, 'maykayon!

[wwwmangantayonkarruba.blogspot.com]

Batso for life

Batso a bungat' karabasa, nagkintal. Siempre,

adda latta burluloyna a bungat' okra [saluyot-kayo]

ken kardis. Saan latta met a mapukaw ti tsitsaron

baboy ken sangkabassit a pasayang a laokna.

'Maykayon ta pagpiestaan ti masida, karruba!

[wwwmangantayonkarruba.blogspot.com]

 

Nilingta a Malaga

Il-iliwen met datao ti agsida iti nilingta a Malaga [Spinefoot].

Naimas, nananam ken adut’ maibulonna nga innapuy. 

Ala, ‘maykayon ta ramananyo met ti nanumo a sagana.

[wwwmangantayonkarruba.blogspot.com]

 

Sili ti sairo

Adda manen napurosko a naluom 

a bungat' natibo a silit' sairo [squirrel]

ditoy hardin ti taraon ti bagi. 

Nagkalatkat ti mula a patani kenkuana 

ngem awan met makitak a sabongna la koma.

Yurayko.

[wwwmangantayonkarruba.blogspot.com]

 

Arabic Coffee

Maudin a bunga ti Arabic Coffee sakbay nga aggibus

ti tawen. Ngem padaanak ti ad-adu pay a bunga ti paraburna.

[wwwmangantayonkarruba.blogspot.com]

 

 

Adda met tallo a bunga ti mula a tarong

Iti awan a tiempo a mangdalus iti lawlaw daytoy mula

a tarong, nakapagbunga met pay la, piman. 

Adda tallo a bunga a paraburna napia la a paglaok

iti kumporme a maluto a masida. Alaw wen, agyaman!

[wwwmangantayonkarruba.blogspot.com]

Nagsabong, nagbunga ti mula a kardis

Mayat met ti panagsabong ken panagbunga daytoy mula

a kardis iti hardin ti taraon ti bagi, piman.

Ala wen, dika maum-uma.

[wwwmangantayonkarruba.blogspot.com]

Kalamansi

Uray met daytoy mula a kalamansi, di pay nagsardeng

a mangmangted iti paraburna manipud idi narugianna

ti nagbunga, piman.

Ala wen, pagyamanan napia la nga adda pangalsem

ken pagtempla kadagiti maluto a sida.

[wwwmangantayonkarruba.blogspot.com]

 

Adda manen mapuros a sabong ti katuday

 

Ket wen, adda manen mapuros a sabong ti katuday 

napia la a paglaok iti kumporme a maluto a masida, piman.

Agyaman iti paraburmo!

[wwwmangantayonkarruba.blogspot.com]

Pinakbet a bungat' sili ken okra

 

Pinakbet a bungat’ sili ken okra [saluyot-kayo] a nalaokan iti bassit a taba ken lasag ti baboy. Daytoy ti sida nga anusan nga ikammet iti innapuy ita. Ay, kastoy latta ti sida dagiti pada a tagaaw-away, piman.

[wwwmangantayonkarruba.blogspot.com]

Tukmem man, kompad!

 

Bugguong, maigisar wenno ipalkang ti tukmem [clams], naimas latta a sida.

Ngem para kaniak, masansan ketdi nga ibugguongko ti tukmem ta sabali la ngamin ti imas ken ramanna no maikumpera iti madiguan wenno simple a maigisar laeng. Adut' maibulonna nga innapuy.

Ngem apounayen, aya, no tukmem kunam, uray ania ti pannakaisagana/pannakalutona, naimasto latta.

‘Maykan, karruba!

[wwwmangantayonkarruba.blogspot.com]

Agawaan ti Arabic Coffee ti agluom

 

Mayat latta ti pammagusto daytoy Arabic Coffee

a mula ditoy hardin ti taraon ti bagi. Itay nabiit,

nagpuros-nagburasak kadagiti naluom a bungana.

Manayonan manen iti gilingek a bungana pambaran

pangraman no kasanot' pait daytoy a klase 

a kape.

Ala wen, pagyaman latta!

[wwwmangantayonkarruba.blogspot.com

Nagsabong-nagbunga ti kardis

 

Ket ney, nagsabong-nagbunga ti kardis!

Wen, nabayag met bassit a panawen nga inurayko

sakbay a nakaungar ti mula a kardis manipud

iti saplit ti bagyo [diak malagipen ti nagan ti

bagyo] a dimmalapus iti hawaii, addan nasurok

maysa a tawen ti napalabas. Ita makitan ti irurukbosna.

Ken ne, nagsabong-nagbunga. Adda met laeng

nauray a paraburna. Agyaman!

[wwwmangantayonkarruba.blogspot.com]

Tinuno a bungat' sili

Tinuno a bungat' sili ti ikammet iti innapuy

ita a natutudo ti panawen. Anusan manen a piman.

Tira latta pada a nangisit ti sikona!

[wwwmangantayonkarruba.blogspot.com]

 

Napuros. Naburas: Bungat' Natibo a Silit' Sairo

 

Napuros. Naburas.

Ket wen, adda met napurosko a naluom 

a bungat' natibo a silit' sairo [squirrel]

ditoy hardin ti taraon ti bagi. Adda makaanay

a tadtadek nga aramiden a lakaylakay

[naglaok a natadtad a bungat' sili ken bawang].

[wwwmangantayonkarruba.blogspot.com]

Napuros, naburas: Arabic Coffee

 

Napuros.Naburas.

Wen, pinuroskon amin a naluom a bunga

daytoy Arabic Coffee a mula ta ipagangok

a husto sankonto gilingen. Pangpadasan

no kasano't paitna daytoy a kape.

[wwwmangantayonkarruba.blogspot.com]

Kilawen a dumadara

 

Daytoy mammet pagpapasan, uray sagpaminsan laeng

tapno di pimpiman datao.

Ala wen, kilawen [presko] a dumadara a maidumudom

iti suyo [kikoman], suka, naartem a bungat' sili

ken adda bassit pulagidna a wasabe.

Saan a para pulotan no di nayon ti sida. Umanayen

a pangpaimas ti pangan ti gasangna.

'Maykan, karruba!

[wwwmangantayonkarruba.blogspot.com]

Presko a pancit

 

Bukod nga estilo a panagluto iti presko a pancit.

Awan adu a rekado a nailaok ngem kaustoan laeng

a raman iti panagtempla ti nangisit ti sikona.

Anusan ta saan a pangkomersial. Ketdi, daytoy ti

aw-awaganda iti "pancit for life," piman.

[wwwmangantayonkarruba.blogspot.com]