(Na)Salad a sabong ti katuday ti nayon nga ibulon iti innapuy. Ay, nateng latta piman. ‘Maykayon ta pagraraman, karruba!

Salad a Sabong ti Katuday

Ay, dinengdeng latta! Dagiti kakastoy a masida ti perme a paggugusto dagiti pada a nangisit ti sikona. Bulong ti marunggay/marunggi, susop ti saba, bungat’ tarong ken nasagpawan iti aramang. Ana pay sapulemon? ‘Maykayon, ne!

Dinengdeng a bulong ti marunggay, susop ti saba ken bungat' tarong

Sus! Napaksetkon sa met unay daytoy tinunok a susop ti saba, piman. Ngem ala, pagpaimasnan no adda man paitna.

Natuno a Susop ti Saba

Batso [Bacho] a bungat' karabasa a nalaokan ti utong, okra ken paria ken naigisaran bassit iti taba ken karne ti baboy. Umanayen a pangap-ap ti tian ken pamedped ti bisin kadatao a mangrabrabii nga agtrabaho. 'Maykayon ta pagraramanan ti nanumo a masida, piman

Batso/Bacho [wwwmangantayonkarruba.blogspot.com]

Natuno a lames ti mataan [akule] a nayaramidan ti pagsawsawan a naglaok iti suyo, suka ken kalamansi, ken naipareha iti bugguong nga aramang a naigisaran bassit ti taba ken karne ti baboy ken naikkan iti lakaylakay a pangpaadatna.

Natuno a lames ti mataan

Simple lang a pannakaluto ti dinardaraan a karne ken taba ti baboy. Awan adu a laokna.

Dinardaraan a karne ken taba ti baboy

Bukod a bersion ti pannakaluto ti naglaok a pancit--canton ken bihon.

Pancit Mixed, Canton and Bihon